ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಮ್ನಲ್ಲಿ ವಿಡಿಯೊ ಹಂಚಿಕೊಂಡ ಅವರು, ತಮ್ಮ ಹೊಸ ಯೋಜನೆಯ ಬಗ್ಗೆ ಹೇಳಿದ್ದಾರೆ.
‘ನಾನು ಕೊನೆಗೂ ಕೆಲಸಕ್ಕೆ ಹಿಂತಿರುಗುತ್ತಿದ್ದೇನೆ. ಕೆಲವು ತಿಂಗಳಿನಿಂದ ನಾನು ಸಂಪೂರ್ಣವಾಗಿ ಕೆಲಸವಿಲ್ಲದೇ ಇದ್ದೆ. ಆದರೆ ನನ್ನ ಸ್ನೇಹಿತನೊಂದಿಗೆ ಹೊಸದೊಂದು ಕೆಲಸದ ಯೋಜನೆಯಲ್ಲಿದ್ದೆ. ಅದು ‘ಹೆಲ್ತ್ ಪಾಡ್ಕಾಸ್ಟ್’. ಇದು ತೀರಾ ಅನಿರೀಕ್ಷಿತವಾಗಿದೆ, ಆದರೆ ಇದು ನಾನು ನಿಜವಾಗಿಯೂ ಪ್ರೀತಿಸುವ ವಿಷಯ, ಮತ್ತು ನಾನು ತುಂಬಾ ಭಾವುಕಳಾಗಿದ್ದೇನೆ’ ಎಂದು ವಿಡಿಯೊದಲ್ಲಿ ಹೇಳಿಕೊಂಡಿದ್ದಾರೆ.
ಆರೋಗ್ಯದ ಬಗೆಗಿನ ಪಾಡ್ಕಾಸ್ಟ್ ಹೊರತರುತ್ತಿರುವುದು ಖುಷಿ ನೀಡುತ್ತಿದೆ. ಕೆಲವರಾದರೂ ಇದರಿಂದ ಉಪಯೋಗ ಪಡೆಯಲಿದ್ದೀರಿ ಎಂದು ಭಾವಿಸುತ್ತೇನೆ ಎಂದಿದ್ದಾರೆ.