ಅಂದು ಮಗುವಂತೆ ಸಿಕ್ಕಳು, ಇಂದು ಅಮ್ಮನ ಸ್ಥಾನ ತುಂಬಿದಳು: ಪರಿಮಳಾಗೆ ಜಗ್ಗೇಶ್ ವಿಶ್

ಪರಿಮಳಾ ಅವರು ಬುಧವಾರ 53ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ. ಆ ಹಿನ್ನೆಲೆಯಲ್ಲಿ ಜಗ್ಗೇಶ್‌ ತಮ್ಮ ಟ್ವಿಟರ್ ಖಾತೆಯಲ್ಲಿ ಪರಿಮಳಾ ಅವರ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ.

‘1982ರಲ್ಲಿ ಶ್ರೀರಾಮಪುರದ ಮುಖ್ಯ ರಸ್ತೆಯಲ್ಲಿ ಈಕೆ ನನ್ನ ಕಣ್ಣಿಗೆ ಬಿದ್ದಾಗ ನನಗೆ 14 ವರ್ಷ. ಇಂದಿಗೆ ಇವಳ ನನ್ನ ಭೇಟಿಗೆ 39 ವರ್ಷವಾಗಿದೆ. ಅಂದು ಮಗುವಂತೆ ಸಿಕ್ಕಳು ಇಂದು ಅಮ್ಮನ ಸ್ಥಾನ ತುಂಬಿದಳು. ಇಂದು ಮಡದಿಗೆ 53ನೇ ಹುಟ್ಟುಹಬ್ಬವಾಗಿದೆ. ಹುಟ್ಟುಹಬ್ಬದ ಶುಭಾಶಯಗಳು’ ಎಂದು ಬರೆದುಕೊಂಡಿದ್ದಾರೆ.

ಸದ್ಯ ಜಗ್ಗೇಶ್ ಅವರು ‘ತೋತಾಪುರಿ’, ‘ಪ್ರೀಮಿಯರ್ ಪದ್ಮಿನಿ –2’, ‘ರಾಘವೇಂದ್ರ ಸ್ಟೋರ್ಸ್‌’ ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದಾರೆ.

ಇತ್ತ ಪರಿಮಳಾ ಅವರು ಸಾಮಾಜಿಕ ಕಾರ್ಯಗಳಲ್ಲಿ ತೊಡಗಿದ್ದಾರೆ.