‘ಜೋ ಪಾತ್ರ ನನ್ನ ಪಾಲಿಗೆ ಬಹಳ ವಿಶಿಷ್ಟವಾದುದು. ಆಕೆ ಹೊರಜಗತ್ತಿಗೆ ಗಡುಸಾಗಿ ಕಾಣಿಸಿಕೊಳ್ಳುವ ಮೂಲಕ ತನ್ನ ಭಾವನೆಗಳನ್ನು ರಕ್ಷಿಸಿಕೊಳ್ಳಲು ಯತ್ನಿಸುತ್ತಾಳೆ. ಆದರೆ, ಆಕೆ ಭಾವನಾತ್ಮಕವಾಗಿ ಗಟ್ಟಿಗಿತ್ತಿ ಅಲ್ಲದ ಆಧುನಿಕ ಕಾಲದ ಹೆಣ್ಣುಮಗಳು. ಆಕೆಯ ಮನಸ್ಸು ಮತ್ತು ಹೃದಯದ ನಡುವೆ ಒಂದು ತಾಕಲಾಟ ನಡೆಯುತ್ತಿರುತ್ತದೆ. ಹಾಗೆಯೇ, ಆಕೆಯ ವೃತ್ತಿ ಸಂಬಂಧಿ ಮಹತ್ವಾಕಾಂಕ್ಷೆಗಳು ಮತ್ತು ಪ್ರೇಮದ ವಿಚಾರದಲ್ಲಿ ಕೂಡ ತಾಕಲಾಟ ಇರುತ್ತದೆ’ ಎಂದು ಪಾತ್ರದ ಕುರಿತ ವಿವರಣೆ ನೀಡುತ್ತಾರೆ ಇಮ್ತಿಯಾಜ್.