‘ಫೆಮಿನಾ’ದಲ್ಲಿ ಮಿಂಚಿದ ಶಿಲ್ಪಾ

‘ಫೆಮಿನಾ’ದ ಮುಖಪುಟವನ್ನು ತಮ್ಮ ಟ್ವಿಟರ್ ಖಾತೆಯಲ್ಲಿ ಹಂಚಿಕೊಂಡಿರುವ ಶಿಲ್ಪಾ, ಮುಖಪುಟದ ಫೋಟೊಕ್ಕಾಗಿ ಇಡೀ ತಂಡ ಹೇಗೆ ಕೆಲಸ ಮಾಡಿತು ಎನ್ನುವ ಕುರಿತೂ ಬರೆದುಕೊಂಡಿದ್ದಾರೆ. ‘ಫೆಮಿನಾ’ದ ಜೂನ್ ಮುಖಪುಟ ಬಿಸಿಬಿಸಿಯಾಗಿದೆ. ಈ ಬಿಸಿಯನ್ನು ಕರಗಿಸಿದವರು ತಾನ್ಯಾ ಚೈತನ್ಯ. ಥ್ಯಾಂಕ್ಯೂ ಹಾಟ್ ಮುಖಪುಟಕ್ಕಾಗಿ....ಎಂದು ಶಿಲ್ಪಾ ಬರೆದುಕೊಂಡಿದ್ದಾರೆ.

‘ಫೆಮಿನಾ’ದ ಮುಖಪುಟದಲ್ಲಿ ಈಜುಡುಗೆಯಲ್ಲಿ ಮಿಂಚಿರುವ ಶಿಲ್ಪಾ, ತಮ್ಮ ಮೈಬಣ್ಣದ ಮೇಲುಡುಗೆ ಧರಿಸಿದ್ದಾರೆ. 44ರ ಹರೆಯದ ಶಿಲ್ಪಾ ನಿತ್ಯ ಯೋಗ ಮತ್ತು ವ್ಯಾಯಾಮವನ್ನು ತಪ್ಪಿಸುವುದಿಲ್ಲವಂತೆ. ತಮ್ಮದೇ ಹೆಸರಿನಲ್ಲಿ ಫಿಟ್‌ನೆಸ್ ಆ್ಯಪ್ ಅನ್ನೂ ಹೊಂದಿರುವ ಅವರು ಡಯೆಟ್ ಪ್ರಜ್ಞೆಯುಳ್ಳವರು. ಅದಕ್ಕಾಗಿಯೇ ತಮ್ಮದೇ ಆದ ಕಿಚನ್ ಆ್ಯಪ್ ಅನ್ನೂ ಶಿಲ್ಪಾ ರೂಪಿಸಿದ್ದಾರೆ. ಅದರಲ್ಲಿ ಆರೋಗ್ಯಕರವನ್ನು ದೇಹವನ್ನು ಕಾಪಾಡಿಕೊಳ್ಳಲು ಅನುಸರಿಸಬೇಕಾದ ಡಯೆಟ್ ಪ್ಲಾನಿಂಗ್ ಅನ್ನು ಶಿಲ್ಪಾ ನೀಡುತ್ತಾರೆ.