ವೈರಲ್ | ‘ಹೈಹೀಲ್ಡ್‌ ಶೂ’ ಸವಿದ ಶಿಲ್ಪಾ ಶೆಟ್ಟಿ

ಶಿಲ್ಪಾ ಪಾಲಿಗೆ ಭಾನುವಾರ ಎನ್ನುವುದು ದೈನಂದಿನ ಡಯಟ್‌ನಿಂದ ತುಸು ದೂರ ಸರಿದು,ನಾಲಿಗೆಗೆ ಸವಿ ಉಣಿಸುವ ದಿನ. ಸಾಮಾನ್ಯವಾಗಿ ರಸಗುಲ್ಲಾ, ಗುಲಾಬ್‌ ಜಾಮೂನ್‌, ಕೇಕ್‌ನಂಥವು ಅವರಭಾನುವಾರದ ಸಂಭ್ರಮ ಹೆಚ್ಚಿಸುತ್ತವೆ. ಆದರೆ ಈ ಭಾನುವಾರ ಎಂದಿನಂತೆ ಇರಲಿಲ್ಲ.

ಈ ಬಾರಿ ಶಿಲ್ಪಾ ಹೈಹೀಲ್ಡ್‌ ಶೂ ವಿನ್ಯಾಸದ ಚಾಕೊಲೇಟ್‌ ಒಂದನ್ನು ಮನಸಾರೆ ಸವಿದರು.ಶೂ (ಚಾಕೊಲೇಟ್) ಕೈಲಿ ಹಿಡಿದು, ‘ಆಹಾ ಎಷ್ಟು ಚೆನ್ನಾಗಿದೆ. ಶೂ ತಿಂತೀರಾ?’ ಎಂದು ಅಭಿಮಾನಿಗಳನ್ನು ಪ್ರಶ್ನಿಸಿ ಉದ್ದನೆ ಹೀಲ್ಡ್‌ ಅನ್ನು ಬಾಯಿಂದ ಕಚ್ಚಿ, ರುಚಿಗೆ ಮನಸೋತು ಕಣ್ಮುಚ್ಚಿದರು. ಇನ್ನೊಮ್ಮೆ ಚಾಕೊಲೇಟ್ ಕಚ್ಚಿ, ಅದರ ರುಚಿ ಮೆಚ್ಚಿ ಹಣೆಗೆ ಒತ್ತಿಕೊಂಡಾಗ ಚಾಕೊಲೇಟ್ ಮುರಿಯಿತು. ಅದನ್ನು ನೋಡುತ್ತಾ ಶಿಲ್ಪಾ ಮಾತ್ರ ಮನಸಾರೆ ನಕ್ಕರು.