ಈ ಸಿನಿಮಾದ ‘ಜಾಬ್ಲೆಸ್’ ಹಾಡು ಈಚೆಗೆ ಬಿಡುಗಡೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಹವಾ ಎಬ್ಬಿಸಿದೆ. ‘ಮೈ ತೋ ಹೂ ಜಾಬ್ಲೆಸ್’ ಎನ್ನುವ ಸಾಲುಗಳಿಗೆ ಹೆಜ್ಜೆ ಹಾಕಿರುವ ಶ್ರದ್ಧಾ, ಮಧ್ಯಮವರ್ಗದ ಹುಡುಗಿಯಾಗಿ ನೋಡುಗರ ಕಣ್ಮನ ಸೆಳೆಯುತ್ತಾರೆ. ಸಿಂಪಲ್ ಚೂಡಿದಾರ್ನಲ್ಲಿ ಸೀದಾಸಾದಾ ಹುಡುಗಿಯಾಗಿ ಕಾಣಿಸಿಕೊಂಡಿರುವ ಶ್ರದ್ಧಾ ಒಂದು ಕೋನದಲ್ಲಿ 90ರ ದಶಕದಲ್ಲಿ ಹಿಂದಿ ಚಿತ್ರರಂಗವನ್ನಾಳಿದ ಮಾಧುರಿ ದೀಕ್ಷಿತ್ ಅವರನ್ನು ನೆನಪಿಸುವಂತಿದ್ದಾರೆ ಎಂದು ಕೆಲವರು ಪ್ರತಿಕ್ರಿಯಿಸಿದ್ದಾರೆ.