‘ನಾಗಸೂರನ್’ ಸಿನಿಮಾದ ಮೂಲಕ ಸದ್ದು ಮಾಡಿದ್ದ ಬೆಡಗಿ ಶ್ರೀಯಾ ಶರಣ್, ಈಗ ಮತ್ತೊಂದು ಸಿನಿಮಾದ ಸಂಭ್ರಮದಲ್ಲಿದ್ದಾರೆ. ಮಾದೇಶ್ ಮತ್ತು ವೇಮಲ್ ಜತೆಗೂಡಿ ನಿರ್ಮಿಸುತ್ತಿರುವ ‘ಸದಕ್ಕರಿ’ಸಿನಿಮಾದಲ್ಲಿ ನಾಯಕಿಯಾಗಿ ಶ್ರೀಯಾ ಅಭಿನಯಿಸುತ್ತಿದ್ದಾರೆ.
ಕಳೆದ ವರ್ಷ ರಷ್ಯನ್ ಗೆಳೆಯನೊಂದಿಗೆ ಹಸೆಮಣೆ ಏರಿದ್ದ ಶ್ರೀಯಾ, ಮದುವೆಯಾದ ಮೇಲೂ ತಮ್ಮ ಬೇಡಿಕೆ ಉಳಿಸಿಕೊಂಡಿದ್ದಾರೆ. ಮಲಯಾಳಂನ ‘ಬಾಸ್’ ಸಿನಿಮಾದ ಮೂಲಕಥೆಯನ್ನು ಹೊಂದಿರುವ ‘ಸದಕ್ಕರಿ’ಯಲ್ಲಿ ಶ್ರೀಯಾ ಜೋಡಿ ಯಾರಾಗಲಿದ್ದಾರೆ ಎಂಬ ಮಾಹಿತಿ ಸದ್ಯಕ್ಕೆ ಬಹಿರಂಗವಾಗಿಲ್ಲ.
‘ಬಾಸ್’ನಲ್ಲಿ ದಿಲೀಪ್ ಮತ್ತು ಮಮತಾ ಮೋಹನ್ ದಾಸ್ ಜೋಡಿಯಾಗಿ ನಟಿಸಿದ್ದರು. ಈಚೆಗಷ್ಟೇ ಶ್ರೀಯಾ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಸಿಬಿಸಿಯಾಗಿ ಕಾಣಿಸಿಕೊಂಡಿರುವ ವಿಡಿಯೊವೊಂದು ವೈರಲ್ ಆಗಿತ್ತು.
