‘ನಾನು ಮತ್ತು ಜಾಕ್ವೆಲಿನ್ ಸಹ ಜೀವನ ನಡೆಸುತ್ತಿದ್ದರಿಂದ ನೋರಾಳನ್ನು ಕಡೆಗಣಿಸಿದ್ದೆ. ಆದರೆ, ನೋರಾ ಕರೆ ಮಾಡಿ ನನಗೆ ತೊಂದರೆ ಕೊಡುತ್ತಿದ್ದಳು. ಸಂಗೀತಕ್ಕೆ ಸಂಬಂಧಿಸಿದ ಕಂಪನಿ ಸ್ಥಾಪಿಸಲು ಬಾಬಿಗೆ(ನೋರಾ ಸಂಬಂಧಿ) ಸಹಾಯ ಮಾಡಿ ಎಂದು ಹೇಳುತ್ತಿದ್ದಳು. ಅವಳು ಬಯಸಿದ ಹರ್ಮ್ಸ್ ಬ್ರಾಂಡಿನ ಬ್ಯಾಗ್ಗಳು ಮತ್ತು ಆಭರಣಗಳ ಚಿತ್ರಗಳನ್ನು ನನಗೆ ಕಳುಹಿಸುತ್ತಲೇ ಇದ್ದಳು. ಅವುಗಳನ್ನು ನಾನು ಅವಳಿಗೆ ನೀಡುವ ಮೂಲಕ ಅವಳಿಂದ ಅಂತರ ಕಾಯ್ದುಕೊಂಡಿದ್ದೇನೆ. ಅವುಗಳನ್ನೆಲ್ಲ ನೋರಾ ಇಲ್ಲಿಯವರೆಗೆ ಬಳಸುತ್ತಿದ್ದಳು. ಅವಳ ಬಳಿ ಇರುವ ಹರ್ಮ್ಸ್ ಬ್ಯಾಗ್ಗಳ ಒಂದು ಬಿಲ್ ಅನ್ನು ಕೊಡಲು ಹೇಳಿ. ಅದು ಅವಳಿಂದ ಸಾಧ್ಯವಿಲ್ಲ. ಏಕೆಂದರೆ, ಅವುಗಳನ್ನು ನಾನು ಖರೀದಿಸಿ ನೀಡಿದ್ದೇನೆ. ಆ ಬ್ಯಾಗ್ಗಳು ₹2 ಕೋಟಿಗಿಂತ ಹೆಚ್ಚು ಮೌಲ್ಯದ್ದಾಗಿವೆ’ಎಂದು ಸುಕೇಶ್ ಹೇಳಿಕೊಂಡಿದ್ದಾರೆ.