ಜೈರಾಜ್ ಮಾತನಾಡಿ, ‘ಶೇ 50ರ ಆಸನ ಭರ್ತಿಯ ಕಾರಣದಿಂದಾಗಿ ಹೊಸ ಸಿನಿಮಾಗಳು ಬಿಡುಗಡೆ ಆಗುತ್ತಿಲ್ಲ. ಶೇ 50ರಷ್ಟು ಆಸನ ಭರ್ತಿ ಮಾಡಿ ಪ್ರದರ್ಶನ ಮಾಡಿದರೆ ನಮ್ಮ ವೆಚ್ಚವೇನೂ ಕಡಿಮೆ ಆಗುವುದಿಲ್ಲ. ಅದು ಶೇ 100ರ ಪ್ರದರ್ಶನದಷ್ಟೇ ಇರುತ್ತದೆ. ನಿರ್ಮಾಪಕರೂ ಚಿತ್ರಗಳನ್ನು ಬಿಡುಗಡೆ ಮಾಡದೇ ಹೋದರೆ ಪ್ರದರ್ಶನದಲ್ಲಿ ನಿರಂತರತೆ (ಒಂದು ಚಿತ್ರದ ಪ್ರದರ್ಶನ ಅವಧಿ ಮುಗಿದ ಬಳಿಕ ಇನ್ನೊಂದು ಚಿತ್ರ) ಕಾಯ್ದುಕೊಳ್ಳಲು ಅಸಾಧ್ಯ. ಒಟ್ಟಿನಲ್ಲಿ ಪರಿಸ್ಥಿತಿ ಹೀಗೇ ಮುಂದುವರಿದರೆ ಚಿತ್ರೋದ್ಯಮದ ಚೇತರಿಕೆ ಅಸಾಧ್ಯ’ ಎಂದು ಅವರು ಹೇಳಿದರು.