ಕ್ರಾಂತಿ ಮಾಧವ್‌ ನಿರ್ದೇಶನದ ‘ವರ್ಲ್ಡ್‌ ಫೇಮಸ್‌ ಲವರ್’ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ಮಕಾಡೆ ಮಲಗಿದ ಬಳಿಕ ನಟ ವಿಜಯ್ ದೇವರಕೊಂಡ ಅವರ ಮಾರುಕಟ್ಟೆ ಮೌಲ್ಯವೂ ಕುಸಿದಿದೆ ಎಂಬುದು ಟಾಲಿವುಡ್‌ ಸಿನಿ ಪಂಡಿತರ ಲೆಕ್ಕಾಚಾರ. ಇದಕ್ಕೆ ಅವರು ಎದೆಗುಂದದೆ ಪುರಿ ಜಗನ್ನಾಥ್‌ ಜೊತೆಗೂಡಿ ‘ಫೈಟರ್‌’ ಆಗಲು ಸನ್ನದ್ಧರಾಗಿದ್ದಾರೆ. ಈ ಚಿತ್ರದಲ್ಲಿ ಅವರಿಗೆ ಬಾಲಿವುಡ್‌ ನಟಿ ಅನನ್ಯಾ ಪಾಂಡೆ ಜೋಡಿ. ಬಾಲಿವುಡ್‌ನ ಹಲವು ನಟಿಯರ ಜೊತೆಗೆ ನಟಿಸಲು ಇಚ್ಛೆಯಿದೆ ಎಂದು ಅವರು ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ.
