<p>`ಶಿವರಾಮ ಕಾರಂತರ ಅಭಿಮಾನಿಗಳಿಂದ ಬಯ್ಯಿಸಿಕೊಳ್ಳುವ ಅಳುಕಿತ್ತು. ಆ ಅಳುಕು ಈಗ ಮಾಯವಾಗಿದೆ~.<br /> <br /> `ಬೆಟ್ಟದ ಜೀವ~ ಚಿತ್ರ ತೆರೆಕಾಣುತ್ತಿರುವ ಸಂದರ್ಭದಲ್ಲಿ ನಿರ್ದೇಶಕ ಪಿ.ಶೇಷಾದ್ರಿ ಅವರ ಮನಸ್ಸಿನಲ್ಲಿರುವ ನೆಮ್ಮದಿಯಿದು. ಯಾಕೆಂದರೆ, ಈ ಬೆಟ್ಟದ ದಾರಿ ಅವರಿಗೆ ಅಷ್ಟು ಸಲೀಸಾಗಿರಲಿಲ್ಲ. <br /> <br /> ಕಾರಂತರ `ಬೆಟ್ಟದ ಜೀವ~ ಹಲವು ವರ್ಷಗಳಿಂದ ಚರ್ಚೆಯಾಗುತ್ತಲೇ ಇರುವ ಕಾದಂಬರಿ. ಹಲವು ನಿರ್ದೇಶಕರು ಹಂಬಲಿಸಿ, ಕೈಬಿಟ್ಟಿದ್ದ ಕನಸಿದು. <br /> <br /> ಕಾದಂಬರಿಯಲ್ಲಿರುವ ಬದುಕು, ಹಸಿರು, ನೀರು, ಗಾಳಿ, ತೋಟ- ಇವೆಲ್ಲವನ್ನು ದೃಶ್ಯಗಳಾಗಿಸುವುದು ಹೇಗೆ? ಕಾರಂತರ ಸಾಲುಗಳನ್ನು ಜೀವಂತಗೊಳಿಸುವುದು ಹೇಗೆ? ಈ ಸವಾಲು ನಿರ್ದೇಶಕರನ್ನು ಕಂಗೆಡಿಸುವಂತಹದ್ದು. <br /> <br /> `ಇದು ಸಿನಿಮಾಕ್ಕೆ ಒಗ್ಗುವಂತಹದ್ದಲ್ಲ~ ಎಂದು ಬೆಟ್ಟದಂಥ ಕಾಸರವಳ್ಳಿಯವರೇ ಉದ್ಘರಿಸಿದ್ದರು. ಕಲಾತ್ಮಕ ಸಿನಿಮಾ ಎಂದರೆ `ಇದೋ ನಾನು~ ಎನ್ನುತ್ತಿದ್ದ ಛಾಯಾಗ್ರಾಹಕ ರಾಮಚಂದ್ರ ಐತಾಳರೂ, `ಇದು ಗಗನಕುಸುಮ~ ಎಂದುಬಿಟ್ಟಿದ್ದರು. ಆದರೂ ಶೇಷಾದ್ರಿ `ಬೆಟ್ಟದ ಜೀವ~ ಕೈಗೆತ್ತಿಕೊಂಡಿದ್ದರು.<br /> <br /> ಕಾರಂತರ ಕಾದಂಬರಿಯನ್ನು ಸಿನಿಮಾ ಮಾಡಹೊರಟ ಶೇಷಾದ್ರಿ ಅವರಿಗೊಂದು ನಂಬಿಕೆಯಿತ್ತು. ಪರಿಣಾಮಕಾರಿ ಶಬ್ದ ಮತ್ತು ಸಶಕ್ತ ಛಾಯಾಗ್ರಹಣದ ಮೂಲಕ `ಬೆಟ್ಟದ ಜೀವ~ವನ್ನು ಕಟ್ಟಿಕೊಡಬಹುದೆನ್ನುವ- ಪ್ರೇಕ್ಷಕನಿಗೆ ತಾನು ಕಾಡಿನ ನಡುವೆ ಕೂತಿದ್ದೇನೆ ಎನ್ನುವ ಭಾವ ಉಂಟುಮಾಡುವ- ನಂಬಿಕೆಯದು. ಆ ನಂಬಿಕೆ ಈಗ ನಿಜವಾಗಿದೆ. `ಇನ್ನೊಮ್ಮೆ ಯೋಚಿಸಿ~ ಎಂದಿದ್ದ ಕಾಸರವಳ್ಳಿ ಅವರೇ ಸಿನಿಮಾ ನೋಡಿ ಅಚ್ಚರಿಗೊಂಡಿದ್ದಾರೆ.<br /> <br /> ಕೃತಿಯನ್ನು ಆಕೃತಿಗಿಳಿಸುವುದು ಕೂಡ ಸುಲಭವಾಗಿರಲಿಲ್ಲ. ಚಿತ್ರೀಕರಣ ನಡೆದದ್ದು ಕುಕ್ಕೆಯ ಆಸುಪಾಸಿನ ಐವತ್ತು ಕಿ.ಮೀ. ಪರಿಸರದಲ್ಲಿ. ಬಿಸಿಲೆ ಘಾಟ್, ಕುಮಾರಪರ್ವತ, ಕುಮಾರಧಾರಾ ನದಿ ಎಲ್ಲವನ್ನೂ ಸಿನಿಮಾದ ಭಾಗವನ್ನಾಗಿಸಿಕೊಂಡಿದ್ದಾಯಿತು. <br /> <br /> ಒಮ್ಮೆ ಹೀಗಾಯಿತು-<br /> ಕುಮಾರಧಾರಾ ನದಿಯಲ್ಲಿ ದತ್ತಣ್ಣ ಮುಳುಗೇಳುವ ಸನ್ನಿವೇಶ. ಚಿತ್ರೀಕರಣಕ್ಕೆ ಮೊದಲು ನೀರಿನ ಆಳ ನೋಡಿ, `ಎಲ್ಲವೂ ಸರಿಯಾಗಿದೆ~ ಎಂದು ಖಚಿತಪಡಿಸಿಕೊಂಡಾಗಿತ್ತು. <br /> <br /> ನೀರಿನ ಹರಿವು ತೆಳುವಾಗಿರುವಂತೆ ಮೇಲ್ನೋಟಕ್ಕೆ ಕಾಣುತ್ತಿತ್ತು. ದತ್ತಣ್ಣ ಕೂಡ ಎರಡು ಮೂರು ಸಲೀಸಾಗಿ ಮುಳುಗಿ ಎದ್ದರು. ಆದರೆ, ಮತ್ತೊಂದು ಮುಳುಗು ಅವರ ಆಯ ತಪ್ಪಿಸಿತ್ತು. ಪ್ರವಾಹ ಅವರನ್ನು ಒಂದಷ್ಟು ದೂರಕ್ಕೆ ಕೊಚ್ಚಿಕೊಂಡು ಹೋಯಿತು.<br /> <br /> ಮುಂದೆ, ಮಡುವಿನ ರೀತಿಯ ರಚನೆಯೊಂದರ ಬಳಿ ಅವರ ಕಾಲಿಗೆ ಯಾವುದೋ ಆಯ ದೊರೆತು, ನಿಂತುಕೊಂಡರು. ಇದೆಲ್ಲವನ್ನೂ ದಂಡೆಯ ಮೇಲಿನ ಚಿತ್ರತಂಡ ಅಸಹಾಯಕವಾಗಿ ವೀಕ್ಷಿಸಬೇಕಾಯಿತು. ಪ್ರಮಾದದಿಂದ ಪಾರಾಗಿ ದಂಡೆಗೆ ಬಂದ ದತ್ತಣ್ಣ ಕೇಳಿದ್ದು-<br /> <br /> `ಯಾರಾದ್ರೂ ಒಂದು ಸಿಗರೇಟ್ ಕೊಡ್ರಪ್ಪ~.<br /> ಆಘಾತದಿಂದ ಹೊರಬಂದ ನಂತರ ಚಿತ್ರತಂಡದ ಸದಸ್ಯರೊಬ್ಬರು ತಮಾಷೆ ಮಾಡಿದರಂತೆ- `ಹೆಚ್ಚೂಕಮ್ಮಿ ಆಗಿದ್ದರೆ ಈ ಪ್ರದೇಶ ಕೂಡ ಪ್ರೇಕ್ಷಣೀಯವಾಗುತ್ತಿತ್ತು. <br /> <br /> ಸುಬ್ರಹ್ಮಣ್ಯನ ನೋಡಲು ಬಂದವರು ದತ್ತಣ್ಣನ ನೆನಪಿಗಾಗಿ ಇಲ್ಲಿಗೆ ಬರುತ್ತಿದ್ದರು~.<br /> `ಬೆಟ್ಟದ ಜೀವ~ ಚಿತ್ರತಂಡ ಎದುರಿಸಿದ ಇನ್ನೊಂದು ಸಮಸ್ಯೆ ಇಂಬಳಗಳದ್ದು. ಇವುಗಳಿಂದ ಕಚ್ಚಿಸಿಕೊಂಡ ಬಗ್ಗೆ ಶೇಷಾದ್ರಿ ಹೇಳುವುದು- `ಈ ಚಿತ್ರಕ್ಕೆ ನಾವು ಬೆವರು ಮಾತ್ರವಲ್ಲ, ರಕ್ತವನ್ನೂ ಹರಿಸಿದ್ದೇವೆ~.<br /> <br /> ನಿರ್ದೇಶಕರಾಗಿ ಶೇಷಾದ್ರಿ ಅವರಿಗೆ `ಬೆಟ್ಟದ ಜೀವ~ ಖುಷಿ ಕೊಟ್ಟಿದೆ. ತಾಂತ್ರಿಕವಾಗಿ ಚಿತ್ರ ಉತ್ತಮವಾಗಿ ಮೂಡಿಬರುವಂತೆ ಅವರು ಎಚ್ಚರವಹಿಸಿದ್ದಾರೆ. `ಡಿಟಿಎಸ್~ ತಂತ್ರಜ್ಞಾನ ಬಳಕೆಯಾಗಿರುವ ಕನ್ನಡದ ಮೊದಲ ಕಲಾತ್ಮಕ ಚಿತ್ರವಿದು. <br /> `ಪರಿಸರ ವಿಭಾಗ~ದಲ್ಲಿ ರಾಷ್ಟ್ರಪ್ರಶಸ್ತಿ ಸಂದಿರುವ `ಬೆಟ್ಟದ ಜೀವ~ ಚಿತ್ರ ಇಂದು (ಜೂನ್ 17) ತೆರೆಕಾಣುತ್ತಿದೆ. <br /> <br /> ಸದ್ಯಕ್ಕೆ ಬೆಂಗಳೂರಿನಲ್ಲಷ್ಟೇ ತೆರೆಕಾಣುತ್ತಿರುವ ಚಿತ್ರ, ನಂತರದ ಹಂತಗಳಲ್ಲಿ ರಾಜ್ಯದ ವಿವಿಧ ಭಾಗಗಳಲ್ಲಿ ಸಂಚರಿಸಲಿದೆ. <br /> <br /> `ಈ ಚಿತ್ರ ಸೂತ್ರಬದ್ಧವಾದುದಲ್ಲ. ಗಣಿತದ ಲೆಕ್ಕಾಚಾರಕ್ಕೆ ಹೊಂದುವಂತಹದ್ದಲ್ಲ, ಇದೊಂದು ಸಂಭವ~ ಎಂದು `ಬೆಟ್ಟದ ಜೀವ~ವನ್ನು ಶೇಷಾದ್ರಿ ವಿಶ್ಲೇಷಿಸುತ್ತಾರೆ. ಹೌದು, ಇಂಥ ಸಂಭವಗಳೇ ಕನ್ನಡ ಚಿತ್ರರಂಗದ ಘಮವನ್ನು ನಾಡಿನಾಚೆಗೂ ಪಸರಿಸಿರುವುದು. <br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>`ಶಿವರಾಮ ಕಾರಂತರ ಅಭಿಮಾನಿಗಳಿಂದ ಬಯ್ಯಿಸಿಕೊಳ್ಳುವ ಅಳುಕಿತ್ತು. ಆ ಅಳುಕು ಈಗ ಮಾಯವಾಗಿದೆ~.<br /> <br /> `ಬೆಟ್ಟದ ಜೀವ~ ಚಿತ್ರ ತೆರೆಕಾಣುತ್ತಿರುವ ಸಂದರ್ಭದಲ್ಲಿ ನಿರ್ದೇಶಕ ಪಿ.ಶೇಷಾದ್ರಿ ಅವರ ಮನಸ್ಸಿನಲ್ಲಿರುವ ನೆಮ್ಮದಿಯಿದು. ಯಾಕೆಂದರೆ, ಈ ಬೆಟ್ಟದ ದಾರಿ ಅವರಿಗೆ ಅಷ್ಟು ಸಲೀಸಾಗಿರಲಿಲ್ಲ. <br /> <br /> ಕಾರಂತರ `ಬೆಟ್ಟದ ಜೀವ~ ಹಲವು ವರ್ಷಗಳಿಂದ ಚರ್ಚೆಯಾಗುತ್ತಲೇ ಇರುವ ಕಾದಂಬರಿ. ಹಲವು ನಿರ್ದೇಶಕರು ಹಂಬಲಿಸಿ, ಕೈಬಿಟ್ಟಿದ್ದ ಕನಸಿದು. <br /> <br /> ಕಾದಂಬರಿಯಲ್ಲಿರುವ ಬದುಕು, ಹಸಿರು, ನೀರು, ಗಾಳಿ, ತೋಟ- ಇವೆಲ್ಲವನ್ನು ದೃಶ್ಯಗಳಾಗಿಸುವುದು ಹೇಗೆ? ಕಾರಂತರ ಸಾಲುಗಳನ್ನು ಜೀವಂತಗೊಳಿಸುವುದು ಹೇಗೆ? ಈ ಸವಾಲು ನಿರ್ದೇಶಕರನ್ನು ಕಂಗೆಡಿಸುವಂತಹದ್ದು. <br /> <br /> `ಇದು ಸಿನಿಮಾಕ್ಕೆ ಒಗ್ಗುವಂತಹದ್ದಲ್ಲ~ ಎಂದು ಬೆಟ್ಟದಂಥ ಕಾಸರವಳ್ಳಿಯವರೇ ಉದ್ಘರಿಸಿದ್ದರು. ಕಲಾತ್ಮಕ ಸಿನಿಮಾ ಎಂದರೆ `ಇದೋ ನಾನು~ ಎನ್ನುತ್ತಿದ್ದ ಛಾಯಾಗ್ರಾಹಕ ರಾಮಚಂದ್ರ ಐತಾಳರೂ, `ಇದು ಗಗನಕುಸುಮ~ ಎಂದುಬಿಟ್ಟಿದ್ದರು. ಆದರೂ ಶೇಷಾದ್ರಿ `ಬೆಟ್ಟದ ಜೀವ~ ಕೈಗೆತ್ತಿಕೊಂಡಿದ್ದರು.<br /> <br /> ಕಾರಂತರ ಕಾದಂಬರಿಯನ್ನು ಸಿನಿಮಾ ಮಾಡಹೊರಟ ಶೇಷಾದ್ರಿ ಅವರಿಗೊಂದು ನಂಬಿಕೆಯಿತ್ತು. ಪರಿಣಾಮಕಾರಿ ಶಬ್ದ ಮತ್ತು ಸಶಕ್ತ ಛಾಯಾಗ್ರಹಣದ ಮೂಲಕ `ಬೆಟ್ಟದ ಜೀವ~ವನ್ನು ಕಟ್ಟಿಕೊಡಬಹುದೆನ್ನುವ- ಪ್ರೇಕ್ಷಕನಿಗೆ ತಾನು ಕಾಡಿನ ನಡುವೆ ಕೂತಿದ್ದೇನೆ ಎನ್ನುವ ಭಾವ ಉಂಟುಮಾಡುವ- ನಂಬಿಕೆಯದು. ಆ ನಂಬಿಕೆ ಈಗ ನಿಜವಾಗಿದೆ. `ಇನ್ನೊಮ್ಮೆ ಯೋಚಿಸಿ~ ಎಂದಿದ್ದ ಕಾಸರವಳ್ಳಿ ಅವರೇ ಸಿನಿಮಾ ನೋಡಿ ಅಚ್ಚರಿಗೊಂಡಿದ್ದಾರೆ.<br /> <br /> ಕೃತಿಯನ್ನು ಆಕೃತಿಗಿಳಿಸುವುದು ಕೂಡ ಸುಲಭವಾಗಿರಲಿಲ್ಲ. ಚಿತ್ರೀಕರಣ ನಡೆದದ್ದು ಕುಕ್ಕೆಯ ಆಸುಪಾಸಿನ ಐವತ್ತು ಕಿ.ಮೀ. ಪರಿಸರದಲ್ಲಿ. ಬಿಸಿಲೆ ಘಾಟ್, ಕುಮಾರಪರ್ವತ, ಕುಮಾರಧಾರಾ ನದಿ ಎಲ್ಲವನ್ನೂ ಸಿನಿಮಾದ ಭಾಗವನ್ನಾಗಿಸಿಕೊಂಡಿದ್ದಾಯಿತು. <br /> <br /> ಒಮ್ಮೆ ಹೀಗಾಯಿತು-<br /> ಕುಮಾರಧಾರಾ ನದಿಯಲ್ಲಿ ದತ್ತಣ್ಣ ಮುಳುಗೇಳುವ ಸನ್ನಿವೇಶ. ಚಿತ್ರೀಕರಣಕ್ಕೆ ಮೊದಲು ನೀರಿನ ಆಳ ನೋಡಿ, `ಎಲ್ಲವೂ ಸರಿಯಾಗಿದೆ~ ಎಂದು ಖಚಿತಪಡಿಸಿಕೊಂಡಾಗಿತ್ತು. <br /> <br /> ನೀರಿನ ಹರಿವು ತೆಳುವಾಗಿರುವಂತೆ ಮೇಲ್ನೋಟಕ್ಕೆ ಕಾಣುತ್ತಿತ್ತು. ದತ್ತಣ್ಣ ಕೂಡ ಎರಡು ಮೂರು ಸಲೀಸಾಗಿ ಮುಳುಗಿ ಎದ್ದರು. ಆದರೆ, ಮತ್ತೊಂದು ಮುಳುಗು ಅವರ ಆಯ ತಪ್ಪಿಸಿತ್ತು. ಪ್ರವಾಹ ಅವರನ್ನು ಒಂದಷ್ಟು ದೂರಕ್ಕೆ ಕೊಚ್ಚಿಕೊಂಡು ಹೋಯಿತು.<br /> <br /> ಮುಂದೆ, ಮಡುವಿನ ರೀತಿಯ ರಚನೆಯೊಂದರ ಬಳಿ ಅವರ ಕಾಲಿಗೆ ಯಾವುದೋ ಆಯ ದೊರೆತು, ನಿಂತುಕೊಂಡರು. ಇದೆಲ್ಲವನ್ನೂ ದಂಡೆಯ ಮೇಲಿನ ಚಿತ್ರತಂಡ ಅಸಹಾಯಕವಾಗಿ ವೀಕ್ಷಿಸಬೇಕಾಯಿತು. ಪ್ರಮಾದದಿಂದ ಪಾರಾಗಿ ದಂಡೆಗೆ ಬಂದ ದತ್ತಣ್ಣ ಕೇಳಿದ್ದು-<br /> <br /> `ಯಾರಾದ್ರೂ ಒಂದು ಸಿಗರೇಟ್ ಕೊಡ್ರಪ್ಪ~.<br /> ಆಘಾತದಿಂದ ಹೊರಬಂದ ನಂತರ ಚಿತ್ರತಂಡದ ಸದಸ್ಯರೊಬ್ಬರು ತಮಾಷೆ ಮಾಡಿದರಂತೆ- `ಹೆಚ್ಚೂಕಮ್ಮಿ ಆಗಿದ್ದರೆ ಈ ಪ್ರದೇಶ ಕೂಡ ಪ್ರೇಕ್ಷಣೀಯವಾಗುತ್ತಿತ್ತು. <br /> <br /> ಸುಬ್ರಹ್ಮಣ್ಯನ ನೋಡಲು ಬಂದವರು ದತ್ತಣ್ಣನ ನೆನಪಿಗಾಗಿ ಇಲ್ಲಿಗೆ ಬರುತ್ತಿದ್ದರು~.<br /> `ಬೆಟ್ಟದ ಜೀವ~ ಚಿತ್ರತಂಡ ಎದುರಿಸಿದ ಇನ್ನೊಂದು ಸಮಸ್ಯೆ ಇಂಬಳಗಳದ್ದು. ಇವುಗಳಿಂದ ಕಚ್ಚಿಸಿಕೊಂಡ ಬಗ್ಗೆ ಶೇಷಾದ್ರಿ ಹೇಳುವುದು- `ಈ ಚಿತ್ರಕ್ಕೆ ನಾವು ಬೆವರು ಮಾತ್ರವಲ್ಲ, ರಕ್ತವನ್ನೂ ಹರಿಸಿದ್ದೇವೆ~.<br /> <br /> ನಿರ್ದೇಶಕರಾಗಿ ಶೇಷಾದ್ರಿ ಅವರಿಗೆ `ಬೆಟ್ಟದ ಜೀವ~ ಖುಷಿ ಕೊಟ್ಟಿದೆ. ತಾಂತ್ರಿಕವಾಗಿ ಚಿತ್ರ ಉತ್ತಮವಾಗಿ ಮೂಡಿಬರುವಂತೆ ಅವರು ಎಚ್ಚರವಹಿಸಿದ್ದಾರೆ. `ಡಿಟಿಎಸ್~ ತಂತ್ರಜ್ಞಾನ ಬಳಕೆಯಾಗಿರುವ ಕನ್ನಡದ ಮೊದಲ ಕಲಾತ್ಮಕ ಚಿತ್ರವಿದು. <br /> `ಪರಿಸರ ವಿಭಾಗ~ದಲ್ಲಿ ರಾಷ್ಟ್ರಪ್ರಶಸ್ತಿ ಸಂದಿರುವ `ಬೆಟ್ಟದ ಜೀವ~ ಚಿತ್ರ ಇಂದು (ಜೂನ್ 17) ತೆರೆಕಾಣುತ್ತಿದೆ. <br /> <br /> ಸದ್ಯಕ್ಕೆ ಬೆಂಗಳೂರಿನಲ್ಲಷ್ಟೇ ತೆರೆಕಾಣುತ್ತಿರುವ ಚಿತ್ರ, ನಂತರದ ಹಂತಗಳಲ್ಲಿ ರಾಜ್ಯದ ವಿವಿಧ ಭಾಗಗಳಲ್ಲಿ ಸಂಚರಿಸಲಿದೆ. <br /> <br /> `ಈ ಚಿತ್ರ ಸೂತ್ರಬದ್ಧವಾದುದಲ್ಲ. ಗಣಿತದ ಲೆಕ್ಕಾಚಾರಕ್ಕೆ ಹೊಂದುವಂತಹದ್ದಲ್ಲ, ಇದೊಂದು ಸಂಭವ~ ಎಂದು `ಬೆಟ್ಟದ ಜೀವ~ವನ್ನು ಶೇಷಾದ್ರಿ ವಿಶ್ಲೇಷಿಸುತ್ತಾರೆ. ಹೌದು, ಇಂಥ ಸಂಭವಗಳೇ ಕನ್ನಡ ಚಿತ್ರರಂಗದ ಘಮವನ್ನು ನಾಡಿನಾಚೆಗೂ ಪಸರಿಸಿರುವುದು. <br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
