<p>ಪೂಜೆ ನಡೆದ ಪೆಂಡಾಲಿನಿಂದ ಗುಂಡಿನ ಮಳೆಗರೆವ ಸದ್ದು. ಕಂಠೀರವ ಸ್ಟುಡಿಯೋ ಆವರಣದಲ್ಲಿ ಚೆಲ್ಲಾಪಿಲ್ಲಿಯಾಗಿದ್ದವರೆಲ್ಲ ಒಂದೆಡೆ ಜಮೆಗೊಂಡು ಸದ್ದು ಬಂದಕಡೆ ಇಣುಕತೊಡಗಿದರು. ದೊಡ್ಡ ಪರದೆಯ ಮೇಲೆ `ಟ್ರೇಲರ್~ ಪ್ರಸಾರ. <br /> <br /> ಮುಹೂರ್ತದ ದಿನವೇ ಕೆಲವು ಸ್ಟೆಪ್ಪು, ಪೋಸುಗಳನ್ನೊಳಗೊಂಡ `ಪ್ರೋಮೋ~ ತೋರಿಸಿದ ಖ್ಯಾತಿ ನಿರ್ದೇಶಕ ಸೂರಿ ಅವರಿಗೆ ಸಲ್ಲಬೇಕು. `ಪರಮಾತ್ಮ~ ತೆರೆಕಂಡ ಮರುದಿನವೇ ಪುನೀತ್ ಬಣ್ಣ ಹಚ್ಚಿಕೊಂಡು ಚಿತ್ರೀಕರಣಕ್ಕೆ ಸಿದ್ಧರಾಗಿದ್ದ ಹೊಸ ಸಿನಿಮಾ <br /> <br /> `<strong>ಅಣ್ಣಾ ಬಾಂಡ್~.<br /> </strong>ಮೈಗಂಟಿದ ಟಿ-ಶರ್ಟ್ ತೊಟ್ಟಿದ್ದ ಪುನೀತ್ಗೆ ಅಡಿಗಡಿಗೆ ಅಭಿಮಾನಿಗಳು ಇದಿರಾಗುತ್ತಿದ್ದರು. ಕೆಲವರು ಹೂಗುಚ್ಛ ಕೊಟ್ಟು ಶುಭ ಕೋರಿದರೆ, ಇನ್ನು ಕೆಲವರು ಹಸ್ತಾಕ್ಷರಕ್ಕೆ ಕೈಯೊಡ್ಡಿ ನಿಲ್ಲುತ್ತಿದ್ದರು.<br /> <br /> ಯಾರಿಗೂ ನಿರಾಸೆ ಮಾಡದೆ ಪುನೀತ್ ಎಲ್ಲರನ್ನೂ ನಿಭಾಯಿಸುತ್ತಲೇ ಸಹಾಯಕ ಹಿಡಿದುಕೊಂಡ ಕೊಡೆಯಡಿ ಲವಲವಿಕೆಯಿಂದ ನಡೆದಾಡುತ್ತಿದ್ದರು.<br /> <br /> ಅದೇ ಸಂದರ್ಭದಲ್ಲಿ ನಾಯಕಿರಾದ ಪ್ರಿಯಾಮಣಿ, ನಿಧಿ ಸುಬ್ಬಯ್ಯ ಅವರಿಗೆ ಕ್ಯಾಮೆರಾ ಕಣ್ಣು ಬಯಸಿದ ಭಂಗಿಯಲ್ಲಿ ನಿಲ್ಲುವ ಅನಿವಾರ್ಯತೆ.<br /> <br /> ಒಂದು ಹಂತದಲ್ಲಂತೂ ಪ್ರಿಯಾಮಣಿ ನಾಲಗೆಯನ್ನು ಹೊರಗೆ ಚಾಚಿ ಥೇಟ್ ಚಾಮುಂಡೇಶ್ವರಿಯ ಪೋಸು ಕೊಟ್ಟು, ಅದು ತಮಾಷೆಗೆಂಬಂತೆ ನಕ್ಕರು. <br /> <br /> ಒಟ್ಟಿನಲ್ಲಿ ಕಂಠೀರವ ಸ್ಟುಡಿಯೋದ ಹಸಿರು ಅಂಗಣದಲ್ಲಿ ಇದ್ದದ್ದು ಹಬ್ಬದ ವಾತಾವರಣ.<br /> ವಜ್ರೇಶ್ವರಿ ಕಂಬೈನ್ಸ್ ನಿರ್ಮಾಣದ 80ನೇ ಚಿತ್ರ `ಅಣ್ಣಾ ಬಾಂಡ್~. ಶುರುವಾಗಿ ಮುಗಿಯುವವರೆಗೆ ಜನ ಮೈಮರೆತು ನೋಡಬೇಕು; ಹಾಗಿರುತ್ತೆ ಈ ಸಿನಿಮಾ ಎಂದು ಮಾತು ಪ್ರಾರಂಭಿಸಿದ್ದು ನಿರ್ಮಾಪಕ ರಾಘವೇಂದ್ರ ರಾಜ್ಕುಮಾರ್.<br /> <br /> ಏಳೆಂಟು ತಿಂಗಳು ಸುತ್ತಾಡಿ ಸೂರಿ ಲೊಕೇಷನ್ಗಳನ್ನು ಕಂಡು, ಮನಸ್ಸಿನಲ್ಲಿಯೇ ದೃಶ್ಯ ಪರಿಕಲ್ಪನೆ ಮಾಡಿಕೊಂಡಿದ್ದಾರೆ. `ಸ್ಕ್ರಿಪ್ಟ್~ ಎಂಬುದು ಅವರಿಗೆ ಒಂದು `ಪ್ರಾಪರ್ಟಿ~ ಅಷ್ಟೆ. <br /> <br /> `ಒಂದು ಸೀನ್ನಲ್ಲಿ ಶಾಟ್ಗಳು ಹೇಗಿರಬೇಕು ಎಂಬುದನ್ನು ನಿರ್ಧರಿಸುತ್ತಲೇ ಸಿನಿಮಾ ತೆಗೆಯುತ್ತಾ ಹೋಗುವುದು ನನ್ನ ಶೈಲಿ. ಜಾಕಿ ಚಿತ್ರವನ್ನೂ ಮೀರಿಸುವಂಥ ಸಿನಿಮಾ ಮಾಡಬೇಕು ಎಂಬ ಚಾಲೆಂಜನ್ನು ನನಗೆ ನಾನೇ ಹಾಕಿಕೊಂಡೆ. <br /> <br /> ಕನ್ನಡ ಗೊತ್ತಿರುವ ಇಬ್ಬರು ನಾಯಕಿಯರು ನನಗೆ ಸಿಕ್ಕಿದ್ದಾರೆ. ಪ್ರಿಯಾಮಣಿ ಮನೆ ಕೆ.ಆರ್.ಸರ್ಕಲ್ ಹತ್ತಿರವೇ ಇದೆ. ಅದು ನನ್ನ ಮನೆಗೂ ಸಮೀಪದ ಜಾಗ. <br /> <br /> `ಪರುತ್ತಿವೀರನ್~ ಸಿನಿಮಾ ನೋಡಿ ಅವರನ್ನು ಮೆಚ್ಚಿಕೊಂಡಿದ್ದೆ. ನಮ್ಮ ಸಿನಿಮಾ ಪಾತ್ರಕ್ಕೆ ಅವರು ಸೂಕ್ತ ಎನ್ನಿಸಿತು. ಅವರಿಗೆ ಪಾತ್ರ ಪರಿಚಯ ಮಾಡಿಕೊಟ್ಟೆ. ತಕ್ಷಣ ಒಪ್ಪಿಕೊಂಡರು. <br /> ನಿಧಿ ಸುಬ್ಬಯ್ಯ ನಮ್ಮ ಪಂಚರಂಗಿ ಹುಡುಗಿ. ಅವರಿಗೂ ಪಾತ್ರವೇನು ಅಂತ ಸ್ವಲ್ಪಸ್ವಲ್ಪವೇ ಹೇಳಿದೆ. ಒಪ್ಪಿದರು. ಈಗ ಸಿನಿಮಾ ಮುಹೂರ್ತ ನಡೆದಿದೆ...~ ಸೂರಿ ಬಿಡಿಬಿಡಿ ಮಾತುಗಳಿಗೆ ಇಡಿಯಾದ ಸ್ವರೂಪ ಕೊಡುವ ಗೋಜಿಗೆ ಹೋಗಲಿಲ್ಲ. <br /> <br /> `ಅಣ್ಣಾ ಬಾಂಡ್~ ಎಂಬುದು ಲೋಕಲ್ ಶೈಲಿಯಲ್ಲಿ ನಾಯಕನಿಗೆ ಇರುವ ಅಡ್ಡಹೆಸರು. ಗೋಲಿ ಚೆನ್ನಾಗಿ ಆಡುವ ಹುಡುಗನನ್ನು ಗೆಳೆಯರು ಅಣ್ಣಾ ಬಾಂಡ್ ಎಂದು ಕರೆದದ್ದು ಸೂರಿ ಕಿವಿಮೇಲೆ ಬಿದ್ದಿತ್ತಂತೆ.<br /> <br /> ಪೊಲೀಸ್ ಅಧಿಕಾರಿಯಲ್ಲದ ಸ್ಥಳೀಯ ಹುಡುಗನೊಬ್ಬ ಸಮಸ್ಯೆಗಳನ್ನು ಹೇಗೆ ಬಗೆಹರಿಸುತ್ತಾನೆ ಎಂಬ ಆಶಯ ಚಿತ್ರದ್ದು. ಇದು ಕಿರಿಕ್ ಟೈಟಲ್ ಇರುವ ದೊಡ್ಡ ಆಕ್ಷನ್ ಸಿನಿಮಾ ಎಂದು ಸೂರಿ ಬಣ್ಣಿಸಿಕೊಂಡರು. <br /> <br /> ನನ್ನ ಪಾತ್ರ, ಕಥೆ ಏನು ಅಂತ ಈಗೀಗ ಸ್ವಲ್ಪ ಸ್ವಲ್ಪ ಗೊತ್ತಾಗುತ್ತಿದೆ ಎಂದಷ್ಟೇ ಹೇಳಿ ಪುನೀತ್ ಕೂಡ ಜಾರಿಕೊಂಡರು. ಹುರಿಗಟ್ಟಿದ ಅವರ ಮೈ ಕ್ಯಾಮೆರಾ ಕಣ್ಣುಗಳನ್ನು ಆಕರ್ಷಿಸುತ್ತಿತ್ತು. <br /> <br /> ಪುನೀತ್ `ಸಿಕ್ಸ್ಪ್ಯಾಕ್~ ಮಾಡುವ ಸಾಧ್ಯತೆಯನ್ನು `ಟ್ರೇಲರ್~ ತೋರಿಸಿತು. ಆ ಬಗ್ಗೆ ಪುನೀತ್ ಸೇರಿದಂತೆ ಯಾರೂ ಏನೂ ಹೇಳಿಕೊಳ್ಳಲಿಲ್ಲ. ದೈಹಿಕವಾಗಿ ವಿಶೇಷ ಸಿದ್ಧತೆಯನ್ನೇನೂ ಮಾಡಿಕೊಂಡಿಲ್ಲ ಎನ್ನುವ ಮೂಲಕ ಪುನೀತ್ ಕುತೂಹಲವನ್ನು ತಣ್ಣಗಾಗಿಸಿದರು. <br /> <br /> ಸಂಗೀತ ಕೇಳಿ ಕೂತಲ್ಲೇ ಮೈಕುಣಿಸುತ್ತಿದ್ದ ಪ್ರಿಯಾಮಣಿ, ಪುನೀತ್ ಜೊತೆ ಮತ್ತೊಮ್ಮೆ ನೃತ್ಯ ಮಾಡುವ ಅವಕಾಶ ಕೂಡಿಬಂದಿರುವುದೇ ಸಂತೋಷದ ಸಂಗತಿ ಎಂದು ಹೆಮ್ಮೆಪಟ್ಟರು. <br /> <br /> ಅರ್ಧ ಗಂಟೆ ಕಥೆ ಹೇಳಿ, `ಏನಾದರೂ ಅರ್ಥವಾಯ್ತೇನಮ್ಮಾ?~ ಎಂದು ಸೂರಿ ಪ್ರಶ್ನೆ ಕೇಳಿದ ರೀತಿಯನ್ನು ನೆನಪಿಸಿಕೊಂಡು ನಕ್ಕವರು ನಿಧಿ. ಚಿತ್ರದಲ್ಲಿ ಅವರದ್ದು ಫೋಟೋಗ್ರಾಫರ್ ಪಾತ್ರ. <br /> <br /> ಸತ್ಯ ಹೆಗಡೆ ಛಾಯಾಗ್ರಹಣದ ಹೊಣೆ ಹೊತ್ತಿದ್ದಾರೆ. ರಾಜ್ಕುಮಾರ್ ಕುಟುಂಬದ ಬ್ಯಾನರ್ನಲ್ಲಿ ಅವರಿಗಿದು ಮೂರನೇ ಅವಕಾಶ. ಪದೇಪದೇ ಹೀಗೆ ಸಿಗುವ ಅವಕಾಶದಿಂದ ಜವಾಬ್ದಾರಿಯೂ ಹೆಚ್ಚಾಗುತ್ತದೆ ಎಂಬ ಅರಿವು ಅವರಿಗಿದೆ. <br /> <br /> ಒಟ್ಟು 97-98 ದಿನಗಳಲ್ಲಿ ಚಿತ್ರೀಕರಣ ಮುಗಿಸಬೇಕು ಎಂದುಕೊಂಡಿರುವ ಸೂರಿ ಬಜೆಟ್ ಇನ್ನೂ ನಿಗದಿಯಾಗಿಲ್ಲ ಎಂದರು. <br /> <br /> ಕಥೆಯೇ ಗೊತ್ತಿಲ್ಲದ ಹರಿಕೃಷ್ಣ ಎಂಥ ಹಾಡುಗಳನ್ನು ಕೊಡಬೇಕು ಎಂದು ತಲೆಕೆಡಿಸಿಕೊಳ್ಳುತ್ತಿದ್ದಾರೆ. ಅವಿನಾಶ್, ರಂಗಾಯಣ ರಘು, ಸತೀಶ್ ನೀನಾಸಂ ಮೊದಲಾದವರು ತಾರಾಬಳಗದಲ್ಲಿದ್ದಾರೆ. <br /> <br /> ನಟರಂಗ ರಾಜೇಶ್ ಈ ಚಿತ್ರದಲ್ಲಿ ಸೂರಿ ಅವರ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡುತ್ತಿರುವುದು ಇನ್ನೊಂದು ವಿಶೇಷ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಪೂಜೆ ನಡೆದ ಪೆಂಡಾಲಿನಿಂದ ಗುಂಡಿನ ಮಳೆಗರೆವ ಸದ್ದು. ಕಂಠೀರವ ಸ್ಟುಡಿಯೋ ಆವರಣದಲ್ಲಿ ಚೆಲ್ಲಾಪಿಲ್ಲಿಯಾಗಿದ್ದವರೆಲ್ಲ ಒಂದೆಡೆ ಜಮೆಗೊಂಡು ಸದ್ದು ಬಂದಕಡೆ ಇಣುಕತೊಡಗಿದರು. ದೊಡ್ಡ ಪರದೆಯ ಮೇಲೆ `ಟ್ರೇಲರ್~ ಪ್ರಸಾರ. <br /> <br /> ಮುಹೂರ್ತದ ದಿನವೇ ಕೆಲವು ಸ್ಟೆಪ್ಪು, ಪೋಸುಗಳನ್ನೊಳಗೊಂಡ `ಪ್ರೋಮೋ~ ತೋರಿಸಿದ ಖ್ಯಾತಿ ನಿರ್ದೇಶಕ ಸೂರಿ ಅವರಿಗೆ ಸಲ್ಲಬೇಕು. `ಪರಮಾತ್ಮ~ ತೆರೆಕಂಡ ಮರುದಿನವೇ ಪುನೀತ್ ಬಣ್ಣ ಹಚ್ಚಿಕೊಂಡು ಚಿತ್ರೀಕರಣಕ್ಕೆ ಸಿದ್ಧರಾಗಿದ್ದ ಹೊಸ ಸಿನಿಮಾ <br /> <br /> `<strong>ಅಣ್ಣಾ ಬಾಂಡ್~.<br /> </strong>ಮೈಗಂಟಿದ ಟಿ-ಶರ್ಟ್ ತೊಟ್ಟಿದ್ದ ಪುನೀತ್ಗೆ ಅಡಿಗಡಿಗೆ ಅಭಿಮಾನಿಗಳು ಇದಿರಾಗುತ್ತಿದ್ದರು. ಕೆಲವರು ಹೂಗುಚ್ಛ ಕೊಟ್ಟು ಶುಭ ಕೋರಿದರೆ, ಇನ್ನು ಕೆಲವರು ಹಸ್ತಾಕ್ಷರಕ್ಕೆ ಕೈಯೊಡ್ಡಿ ನಿಲ್ಲುತ್ತಿದ್ದರು.<br /> <br /> ಯಾರಿಗೂ ನಿರಾಸೆ ಮಾಡದೆ ಪುನೀತ್ ಎಲ್ಲರನ್ನೂ ನಿಭಾಯಿಸುತ್ತಲೇ ಸಹಾಯಕ ಹಿಡಿದುಕೊಂಡ ಕೊಡೆಯಡಿ ಲವಲವಿಕೆಯಿಂದ ನಡೆದಾಡುತ್ತಿದ್ದರು.<br /> <br /> ಅದೇ ಸಂದರ್ಭದಲ್ಲಿ ನಾಯಕಿರಾದ ಪ್ರಿಯಾಮಣಿ, ನಿಧಿ ಸುಬ್ಬಯ್ಯ ಅವರಿಗೆ ಕ್ಯಾಮೆರಾ ಕಣ್ಣು ಬಯಸಿದ ಭಂಗಿಯಲ್ಲಿ ನಿಲ್ಲುವ ಅನಿವಾರ್ಯತೆ.<br /> <br /> ಒಂದು ಹಂತದಲ್ಲಂತೂ ಪ್ರಿಯಾಮಣಿ ನಾಲಗೆಯನ್ನು ಹೊರಗೆ ಚಾಚಿ ಥೇಟ್ ಚಾಮುಂಡೇಶ್ವರಿಯ ಪೋಸು ಕೊಟ್ಟು, ಅದು ತಮಾಷೆಗೆಂಬಂತೆ ನಕ್ಕರು. <br /> <br /> ಒಟ್ಟಿನಲ್ಲಿ ಕಂಠೀರವ ಸ್ಟುಡಿಯೋದ ಹಸಿರು ಅಂಗಣದಲ್ಲಿ ಇದ್ದದ್ದು ಹಬ್ಬದ ವಾತಾವರಣ.<br /> ವಜ್ರೇಶ್ವರಿ ಕಂಬೈನ್ಸ್ ನಿರ್ಮಾಣದ 80ನೇ ಚಿತ್ರ `ಅಣ್ಣಾ ಬಾಂಡ್~. ಶುರುವಾಗಿ ಮುಗಿಯುವವರೆಗೆ ಜನ ಮೈಮರೆತು ನೋಡಬೇಕು; ಹಾಗಿರುತ್ತೆ ಈ ಸಿನಿಮಾ ಎಂದು ಮಾತು ಪ್ರಾರಂಭಿಸಿದ್ದು ನಿರ್ಮಾಪಕ ರಾಘವೇಂದ್ರ ರಾಜ್ಕುಮಾರ್.<br /> <br /> ಏಳೆಂಟು ತಿಂಗಳು ಸುತ್ತಾಡಿ ಸೂರಿ ಲೊಕೇಷನ್ಗಳನ್ನು ಕಂಡು, ಮನಸ್ಸಿನಲ್ಲಿಯೇ ದೃಶ್ಯ ಪರಿಕಲ್ಪನೆ ಮಾಡಿಕೊಂಡಿದ್ದಾರೆ. `ಸ್ಕ್ರಿಪ್ಟ್~ ಎಂಬುದು ಅವರಿಗೆ ಒಂದು `ಪ್ರಾಪರ್ಟಿ~ ಅಷ್ಟೆ. <br /> <br /> `ಒಂದು ಸೀನ್ನಲ್ಲಿ ಶಾಟ್ಗಳು ಹೇಗಿರಬೇಕು ಎಂಬುದನ್ನು ನಿರ್ಧರಿಸುತ್ತಲೇ ಸಿನಿಮಾ ತೆಗೆಯುತ್ತಾ ಹೋಗುವುದು ನನ್ನ ಶೈಲಿ. ಜಾಕಿ ಚಿತ್ರವನ್ನೂ ಮೀರಿಸುವಂಥ ಸಿನಿಮಾ ಮಾಡಬೇಕು ಎಂಬ ಚಾಲೆಂಜನ್ನು ನನಗೆ ನಾನೇ ಹಾಕಿಕೊಂಡೆ. <br /> <br /> ಕನ್ನಡ ಗೊತ್ತಿರುವ ಇಬ್ಬರು ನಾಯಕಿಯರು ನನಗೆ ಸಿಕ್ಕಿದ್ದಾರೆ. ಪ್ರಿಯಾಮಣಿ ಮನೆ ಕೆ.ಆರ್.ಸರ್ಕಲ್ ಹತ್ತಿರವೇ ಇದೆ. ಅದು ನನ್ನ ಮನೆಗೂ ಸಮೀಪದ ಜಾಗ. <br /> <br /> `ಪರುತ್ತಿವೀರನ್~ ಸಿನಿಮಾ ನೋಡಿ ಅವರನ್ನು ಮೆಚ್ಚಿಕೊಂಡಿದ್ದೆ. ನಮ್ಮ ಸಿನಿಮಾ ಪಾತ್ರಕ್ಕೆ ಅವರು ಸೂಕ್ತ ಎನ್ನಿಸಿತು. ಅವರಿಗೆ ಪಾತ್ರ ಪರಿಚಯ ಮಾಡಿಕೊಟ್ಟೆ. ತಕ್ಷಣ ಒಪ್ಪಿಕೊಂಡರು. <br /> ನಿಧಿ ಸುಬ್ಬಯ್ಯ ನಮ್ಮ ಪಂಚರಂಗಿ ಹುಡುಗಿ. ಅವರಿಗೂ ಪಾತ್ರವೇನು ಅಂತ ಸ್ವಲ್ಪಸ್ವಲ್ಪವೇ ಹೇಳಿದೆ. ಒಪ್ಪಿದರು. ಈಗ ಸಿನಿಮಾ ಮುಹೂರ್ತ ನಡೆದಿದೆ...~ ಸೂರಿ ಬಿಡಿಬಿಡಿ ಮಾತುಗಳಿಗೆ ಇಡಿಯಾದ ಸ್ವರೂಪ ಕೊಡುವ ಗೋಜಿಗೆ ಹೋಗಲಿಲ್ಲ. <br /> <br /> `ಅಣ್ಣಾ ಬಾಂಡ್~ ಎಂಬುದು ಲೋಕಲ್ ಶೈಲಿಯಲ್ಲಿ ನಾಯಕನಿಗೆ ಇರುವ ಅಡ್ಡಹೆಸರು. ಗೋಲಿ ಚೆನ್ನಾಗಿ ಆಡುವ ಹುಡುಗನನ್ನು ಗೆಳೆಯರು ಅಣ್ಣಾ ಬಾಂಡ್ ಎಂದು ಕರೆದದ್ದು ಸೂರಿ ಕಿವಿಮೇಲೆ ಬಿದ್ದಿತ್ತಂತೆ.<br /> <br /> ಪೊಲೀಸ್ ಅಧಿಕಾರಿಯಲ್ಲದ ಸ್ಥಳೀಯ ಹುಡುಗನೊಬ್ಬ ಸಮಸ್ಯೆಗಳನ್ನು ಹೇಗೆ ಬಗೆಹರಿಸುತ್ತಾನೆ ಎಂಬ ಆಶಯ ಚಿತ್ರದ್ದು. ಇದು ಕಿರಿಕ್ ಟೈಟಲ್ ಇರುವ ದೊಡ್ಡ ಆಕ್ಷನ್ ಸಿನಿಮಾ ಎಂದು ಸೂರಿ ಬಣ್ಣಿಸಿಕೊಂಡರು. <br /> <br /> ನನ್ನ ಪಾತ್ರ, ಕಥೆ ಏನು ಅಂತ ಈಗೀಗ ಸ್ವಲ್ಪ ಸ್ವಲ್ಪ ಗೊತ್ತಾಗುತ್ತಿದೆ ಎಂದಷ್ಟೇ ಹೇಳಿ ಪುನೀತ್ ಕೂಡ ಜಾರಿಕೊಂಡರು. ಹುರಿಗಟ್ಟಿದ ಅವರ ಮೈ ಕ್ಯಾಮೆರಾ ಕಣ್ಣುಗಳನ್ನು ಆಕರ್ಷಿಸುತ್ತಿತ್ತು. <br /> <br /> ಪುನೀತ್ `ಸಿಕ್ಸ್ಪ್ಯಾಕ್~ ಮಾಡುವ ಸಾಧ್ಯತೆಯನ್ನು `ಟ್ರೇಲರ್~ ತೋರಿಸಿತು. ಆ ಬಗ್ಗೆ ಪುನೀತ್ ಸೇರಿದಂತೆ ಯಾರೂ ಏನೂ ಹೇಳಿಕೊಳ್ಳಲಿಲ್ಲ. ದೈಹಿಕವಾಗಿ ವಿಶೇಷ ಸಿದ್ಧತೆಯನ್ನೇನೂ ಮಾಡಿಕೊಂಡಿಲ್ಲ ಎನ್ನುವ ಮೂಲಕ ಪುನೀತ್ ಕುತೂಹಲವನ್ನು ತಣ್ಣಗಾಗಿಸಿದರು. <br /> <br /> ಸಂಗೀತ ಕೇಳಿ ಕೂತಲ್ಲೇ ಮೈಕುಣಿಸುತ್ತಿದ್ದ ಪ್ರಿಯಾಮಣಿ, ಪುನೀತ್ ಜೊತೆ ಮತ್ತೊಮ್ಮೆ ನೃತ್ಯ ಮಾಡುವ ಅವಕಾಶ ಕೂಡಿಬಂದಿರುವುದೇ ಸಂತೋಷದ ಸಂಗತಿ ಎಂದು ಹೆಮ್ಮೆಪಟ್ಟರು. <br /> <br /> ಅರ್ಧ ಗಂಟೆ ಕಥೆ ಹೇಳಿ, `ಏನಾದರೂ ಅರ್ಥವಾಯ್ತೇನಮ್ಮಾ?~ ಎಂದು ಸೂರಿ ಪ್ರಶ್ನೆ ಕೇಳಿದ ರೀತಿಯನ್ನು ನೆನಪಿಸಿಕೊಂಡು ನಕ್ಕವರು ನಿಧಿ. ಚಿತ್ರದಲ್ಲಿ ಅವರದ್ದು ಫೋಟೋಗ್ರಾಫರ್ ಪಾತ್ರ. <br /> <br /> ಸತ್ಯ ಹೆಗಡೆ ಛಾಯಾಗ್ರಹಣದ ಹೊಣೆ ಹೊತ್ತಿದ್ದಾರೆ. ರಾಜ್ಕುಮಾರ್ ಕುಟುಂಬದ ಬ್ಯಾನರ್ನಲ್ಲಿ ಅವರಿಗಿದು ಮೂರನೇ ಅವಕಾಶ. ಪದೇಪದೇ ಹೀಗೆ ಸಿಗುವ ಅವಕಾಶದಿಂದ ಜವಾಬ್ದಾರಿಯೂ ಹೆಚ್ಚಾಗುತ್ತದೆ ಎಂಬ ಅರಿವು ಅವರಿಗಿದೆ. <br /> <br /> ಒಟ್ಟು 97-98 ದಿನಗಳಲ್ಲಿ ಚಿತ್ರೀಕರಣ ಮುಗಿಸಬೇಕು ಎಂದುಕೊಂಡಿರುವ ಸೂರಿ ಬಜೆಟ್ ಇನ್ನೂ ನಿಗದಿಯಾಗಿಲ್ಲ ಎಂದರು. <br /> <br /> ಕಥೆಯೇ ಗೊತ್ತಿಲ್ಲದ ಹರಿಕೃಷ್ಣ ಎಂಥ ಹಾಡುಗಳನ್ನು ಕೊಡಬೇಕು ಎಂದು ತಲೆಕೆಡಿಸಿಕೊಳ್ಳುತ್ತಿದ್ದಾರೆ. ಅವಿನಾಶ್, ರಂಗಾಯಣ ರಘು, ಸತೀಶ್ ನೀನಾಸಂ ಮೊದಲಾದವರು ತಾರಾಬಳಗದಲ್ಲಿದ್ದಾರೆ. <br /> <br /> ನಟರಂಗ ರಾಜೇಶ್ ಈ ಚಿತ್ರದಲ್ಲಿ ಸೂರಿ ಅವರ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡುತ್ತಿರುವುದು ಇನ್ನೊಂದು ವಿಶೇಷ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
