ಇನ್ಸ್ಟಾಗ್ರಾಂನಲ್ಲಿ ರಾನು ಅವರ ನೈಜ ಮೇಕಪ್ ಚಿತ್ರ ಮತ್ತು ಫೋಟೋಶಾಪ್ಗೊಂಡ ಚಿತ್ರಗಳನ್ನು ಒಟ್ಟಿಗೆ ಅಪ್ಲೋಡ್ ಮಾಡಿ ವ್ಯತ್ಯಾಸ ಸಾಬೀತು ಮಾಡುವ ಪ್ರಯತ್ನ ಮಾಡಿದ್ದಾರೆ.‘ನೈಜ ಚಿತ್ರಕ್ಕೂ, ಎಡಿಟೆಡ್ ಚಿತ್ರಕ್ಕೂ ಇರುವ ವ್ಯತ್ಯಾಸವನ್ನು ನೀವು ನೋಡಬಹುದು. ನಿಮ್ಮ ಮೀಮ್, ಟ್ರೋಲ್ಗಳೆಲ್ಲವನ್ನೂ ಒಪ್ಪುತ್ತೇವೆ. ಅದರಿಂದ ನಾವು ನಕ್ಕಿದ್ದೇವೆ. ಆದರೆ, ಮತ್ತೊಬ್ಬರ ಭಾವನೆಗಳಿಗೆ ಅವು ಧಕ್ಕೆ ತಂದಿವೆ. ಇದು ಒಳ್ಳೆಯದಲ್ಲ. ನಿಜ ಏನು ಎಂಬುದನ್ನು ನೀವೆಲ್ಲರೂ ಈ ಚಿತ್ರಗಳನ್ನು ನೋಡಿದ ಮೇಲೆ ಅರ್ಥ ಮಾಡಿಕೊಳ್ಳುತ್ತೀರಿ ಎಂದು ನಾವು ಭಾವಿಸಿದ್ದೇವೆ. ನೈಜತೆ ಮತ್ತು ನಕಲಿ ಯಾವುದೆಂದು ನೀವೇ ತಿಳಿಯುತ್ತೀರಿ ಎಂದು ಭಾವಿಸಿದ್ದೇನೆ. ನಾನು ನಿಮ್ಮಿಂದ ನಿರೀಕ್ಷಿಸುವುದು ಇಷ್ಟೇ,’ ಎಂದು ಅವರು ಟ್ರೋಲ್ ಮಾಡುತ್ತಿರುವವರಿಗೆ ಮನವಿ ಮಾಡಿದ್ದಾರೆ.