ಬೆಂಗಳೂರು: ನವದಂಪತಿ ಕತ್ರೀನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಮದುವೆ ಬಳಿಕ ಮುಂಬೈನ ಹೊಸಮನೆಗೆ ಸ್ಥಳಾಂತರವಾಗಿದ್ದಾರೆ.
ಈ ಜೋಡಿಯ ಕುರಿತು ಸಾಮಾಜಿಕ ತಾಣಗಳಲ್ಲಿ ವಿವಿಧ ರೀತಿಯ ಚರ್ಚೆಗಳು ನಡೆಯುತ್ತಲೇ ಇವೆ.
ಕತ್ರೀನಾ ಕೈಫ್ ಇತ್ತೀಚೆಗೆ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಮೆಹಂದಿ ಫೋಟೊ ಹಂಚಿಕೊಂಡಿದ್ದರು.
ಅದರಲ್ಲಿ ವಿಕ್ಕಿ ಕೌಶಲ್ ಹೆಸರು ಇರಬಹುದು ಎಂದು ಅಭಿಮಾನಿಗಳು ಹುಡುಕಾಟ ನಡೆಸಿದ್ದರು. ಅಲ್ಲದೆ, ಬಹಳಷ್ಟು ಮಂದಿ ಕಾಮೆಂಟ್ ಮಾಡಿ, ಅದರಲ್ಲಿ ವಿಕ್ಕಿ ಹೆಸರು ಎಲ್ಲಿದೆ ಎಂದು ಪ್ರಶ್ನಿಸಿದ್ದರು.
ಕೊನೆಗೂ ಅಭಿಮಾನಿಗಳು ಕತ್ರೀನಾ ಅವರ ಮೆಹಂದಿಯಲ್ಲಿ ವಿಕ್ಕಿ ಹೆಸರು ಹುಡುಕಿದ್ದಾರೆ.
ಬಲಗೈನ ಉಂಗುರ ಬೆರಳಿನಲ್ಲಿ ಚಿಕ್ಕದಾಗಿ ವಿಕ್ಕಿ ಹೆಸರಿನ ಅಕ್ಷರಗಳನ್ನು ಮೆಹಂದಿಯಲ್ಲಿ ಮೂಡಿಸಲಾಗಿದೆ.
