ಅಮೃತಸರ: ದೀರ್ಘಕಾಲದ ಅನಾರೋಗ್ಯದಿಂದಾಗಿ ಪ್ರಸಿದ್ಧ ಪಂಜಾಬಿ ಗಾಯಕಿ ಗುರ್ಮೀತ್ ಬಾವಾ(77) ಅವರು ಭಾನುವಾರ ನಿಧನರಾದರು.
‘ಗುರ್ಮೀತ್ ಅವರಿಗೆ ತೀವ್ರ ಉಸಿರಾಟದ ತೊಂದರೆ ಕಾಣಿಸಿಕೊಂಡ ಕಾರಣ ಶನಿವಾರ ಸಂಜೆ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆಗೆ ಸ್ಪಂದಿಸದೆ ಅಲ್ಲಿಯೇ ಕೊನೆಯುಸಿರೆಳೆದರು ಎಂದು ಅವರ ಕುಟುಂಬ ಸ್ನೇಹಿತ ಭೂಪೀಂದರ್ ಸಿಂಗ್ ಸಂಧು ಹೇಳಿದರು.
ಪಂಜಾಬ್ ಜನಪದ ಗಾಯಕ ಕಿರ್ಪಾಲ್ ಬಾವಾ ಅವರ ಪತ್ನಿ ಗುರ್ಮೀತ್ ಬಾವಾ ಅವರು 45 ಸೆಕೆಂಡುಗಳ ಕಾಲ ಉಸಿರನ್ನು ಹಿಡಿದು ಸುಮಧುರ ರಾಗವನ್ನು ಹಾಡುವಲ್ಲಿ ಹೆಸರುವಾಸಿಯಾಗಿದ್ದರು.