<p>‘ಪಿಂಕ್’ ಚಿತ್ರ ತೆಲುಗಿಗೆ ರಿಮೇಕ್ ಆಗುತ್ತಿದ್ದು, ಈ ಚಿತ್ರದ ಮೂಲಕ ಪವರ್ಸ್ಟಾರ್ ಪವನ್ ಕಲ್ಯಾಣ್ ಟಾಲಿವುಡ್ನಲ್ಲಿ ಮತ್ತೆ ಬಣ್ಣ ಹಚ್ಚಲಿದ್ದಾರೆ ಎಂಬ ಸುದ್ದಿ ಕೆಲ ದಿನಗಳಿಂದ ಹರಿದಾಡಿತ್ತು. ಆದರೆ ಈ ಸಿನಿಮಾದಲ್ಲಿ ನಟಿಸಲು ಪವನ್ ಕಲ್ಯಾಣ್ ಆಸಕ್ತಿ ತೋರಿಸುತ್ತಿಲ್ಲವಂತೆ.</p>.<p>ಈ ಸಿನಿಮಾದಲ್ಲಿ ನಟಿಸಲು ನಿರ್ಮಾಪಕ ದಿಲ್ ರಾಜು, ನಟ ಪವನ್ ಕಲ್ಯಾಣ್ಗೆ ₹50 ಕೋಟಿ ಸಂಭಾವನೆಯನ್ನೂ ಕೊಡಲೂ ಸಿದ್ಧರಿದ್ದಾರೆ. ಆದರೆ ನಟನೆ ಬಗ್ಗೆ ಪವನ್ ಕಲ್ಯಾಣ್ರಿಂದ ಯಾವುದೇ ಸೂಚನೆ ಸಿಕ್ಕಿಲ್ಲ. ಪವನ್ ಕಲ್ಯಾಣ್ ನಟಿಸಿರುವ ಕೊನೆಯ ಚಿತ್ರ ‘ಅಜ್ಞಾತವಾಸಿ’ ಸಿನಿಮಾವು ಅವರಿಗೆ ನಿರೀಕ್ಷಿಸಿದಂತಹ ಗೆಲುವು ತಂದುಕೊಡಲಿಲ್ಲ. ಈ ಚಿತ್ರದ ಬಳಿಕ ಅವರು ಯಾವ ಚಿತ್ರವನ್ನೂ ಒಪ್ಪಿಕೊಂಡಿಲ್ಲ, ರಾಜಕೀಯದ ಕಡೆಗೆ ಪೂರ್ಣ ಗಮನ ಕೊಟ್ಟಿದ್ದಾರೆ.</p>.<p>ಕಳೆದ ಬಾರಿಯ ಚುನಾವಣೆಯಲ್ಲಿ ಅವರು ಸೋತಿದ್ದರೂ ರಾಜಕೀಯದಲ್ಲೇ ಮುಂದುವರಿಯುವ ಅಭಿಲಾಷೆ ಅವರದು. ಸೋಲು ಕಂಡಿದ್ದರಿಂದ ಅವರು ಚಿತ್ರರಂಗಕ್ಕೆ ವಾಪಸ್ಸಾಗಬಹುದು ಎಂದು ಅಭಿಮಾನಿಗಳು ಮಾತನಾಡಿಕೊಂಡಿದ್ದರು.</p>.<p>‘ಪಿಂಕ್’ ತೆಲುಗು ರಿಮೇಕ್ನಲ್ಲಿ, ಅವರು ಮೂಲ ಚಿತ್ರದಲ್ಲಿ ಅಮಿತಾಭ್ ಬಚ್ಚನ್ ಮಾಡಿರುವ ಪಾತ್ರ ನಿರ್ವಹಿಸಲಿದ್ದಾರೆ ಎಂಬ ಸುದ್ದಿ ಕೇಳಿಬಂದಿತ್ತು.</p>.<p>ಪವನ್ ಕಲ್ಯಾಣ್ ಜೊತೆ ಕೆಲಸ ಮಾಡುವುದು ದಿಲ್ ರಾಜು ಅವರ ಕನಸಾಗಿತ್ತು. ತೆಲುಗು ಚಿತ್ರರಂಗದ ಎಲ್ಲಾ ಶ್ರೇಷ್ಠ ನಟರ ಜೊತೆ ದಿಲ್ ರಾಜು ಕೆಲಸ ಮಾಡಿದ್ದಾರೆ. ಆದರೆ ಪವನ್ ಕಲ್ಯಾಣ್ ಜೊತೆಗೆ ಯಾವ ಸಿನಿಮಾವನ್ನು ಮಾಡಿಲ್ಲ. ಈಗ ಈ ಚಿತ್ರಕ್ಕೆ ಪವನ್ ಜೊತೆ ಮಾತುಕತೆ ನಡೆಸಿದ್ದರು.</p>.<p>‘ಪಿಂಕ್’ ಕಮರ್ಷಿಯಲ್ ಅಥವಾ ಮಾಸ್ ಜನರಿಗೆ ಇಷ್ಟವಾಗುವ ಸಿನಿಮಾವಲ್ಲ. ಅದು ಕೋರ್ಟ್ರೂಮ್ ಡ್ರಾಮಾ ಸಿನಿಮಾ. ಒಂದು ವೇಳೆ ತೆಲುಗಿನಲ್ಲಿ ಈ ಸಿನಿಮಾ ಸೋತರೆ?’ ಎಂಬ ಲೆಕ್ಕಾಚಾರ ಪವನ್ ಅವರದು ಎಂಬ ಸುದ್ದಿಗಳೂ ಹರಿದಾಡುತ್ತಿವೆ. ಮುಂದಿನ ದಿನಗಳಲ್ಲಿ ಪವನ್ ಈ ಸಿನಿಮಾಕ್ಕೆ ಒಪ್ಪಿಗೆ ಕೊಡುತ್ತಾರಾ ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಪಿಂಕ್’ ಚಿತ್ರ ತೆಲುಗಿಗೆ ರಿಮೇಕ್ ಆಗುತ್ತಿದ್ದು, ಈ ಚಿತ್ರದ ಮೂಲಕ ಪವರ್ಸ್ಟಾರ್ ಪವನ್ ಕಲ್ಯಾಣ್ ಟಾಲಿವುಡ್ನಲ್ಲಿ ಮತ್ತೆ ಬಣ್ಣ ಹಚ್ಚಲಿದ್ದಾರೆ ಎಂಬ ಸುದ್ದಿ ಕೆಲ ದಿನಗಳಿಂದ ಹರಿದಾಡಿತ್ತು. ಆದರೆ ಈ ಸಿನಿಮಾದಲ್ಲಿ ನಟಿಸಲು ಪವನ್ ಕಲ್ಯಾಣ್ ಆಸಕ್ತಿ ತೋರಿಸುತ್ತಿಲ್ಲವಂತೆ.</p>.<p>ಈ ಸಿನಿಮಾದಲ್ಲಿ ನಟಿಸಲು ನಿರ್ಮಾಪಕ ದಿಲ್ ರಾಜು, ನಟ ಪವನ್ ಕಲ್ಯಾಣ್ಗೆ ₹50 ಕೋಟಿ ಸಂಭಾವನೆಯನ್ನೂ ಕೊಡಲೂ ಸಿದ್ಧರಿದ್ದಾರೆ. ಆದರೆ ನಟನೆ ಬಗ್ಗೆ ಪವನ್ ಕಲ್ಯಾಣ್ರಿಂದ ಯಾವುದೇ ಸೂಚನೆ ಸಿಕ್ಕಿಲ್ಲ. ಪವನ್ ಕಲ್ಯಾಣ್ ನಟಿಸಿರುವ ಕೊನೆಯ ಚಿತ್ರ ‘ಅಜ್ಞಾತವಾಸಿ’ ಸಿನಿಮಾವು ಅವರಿಗೆ ನಿರೀಕ್ಷಿಸಿದಂತಹ ಗೆಲುವು ತಂದುಕೊಡಲಿಲ್ಲ. ಈ ಚಿತ್ರದ ಬಳಿಕ ಅವರು ಯಾವ ಚಿತ್ರವನ್ನೂ ಒಪ್ಪಿಕೊಂಡಿಲ್ಲ, ರಾಜಕೀಯದ ಕಡೆಗೆ ಪೂರ್ಣ ಗಮನ ಕೊಟ್ಟಿದ್ದಾರೆ.</p>.<p>ಕಳೆದ ಬಾರಿಯ ಚುನಾವಣೆಯಲ್ಲಿ ಅವರು ಸೋತಿದ್ದರೂ ರಾಜಕೀಯದಲ್ಲೇ ಮುಂದುವರಿಯುವ ಅಭಿಲಾಷೆ ಅವರದು. ಸೋಲು ಕಂಡಿದ್ದರಿಂದ ಅವರು ಚಿತ್ರರಂಗಕ್ಕೆ ವಾಪಸ್ಸಾಗಬಹುದು ಎಂದು ಅಭಿಮಾನಿಗಳು ಮಾತನಾಡಿಕೊಂಡಿದ್ದರು.</p>.<p>‘ಪಿಂಕ್’ ತೆಲುಗು ರಿಮೇಕ್ನಲ್ಲಿ, ಅವರು ಮೂಲ ಚಿತ್ರದಲ್ಲಿ ಅಮಿತಾಭ್ ಬಚ್ಚನ್ ಮಾಡಿರುವ ಪಾತ್ರ ನಿರ್ವಹಿಸಲಿದ್ದಾರೆ ಎಂಬ ಸುದ್ದಿ ಕೇಳಿಬಂದಿತ್ತು.</p>.<p>ಪವನ್ ಕಲ್ಯಾಣ್ ಜೊತೆ ಕೆಲಸ ಮಾಡುವುದು ದಿಲ್ ರಾಜು ಅವರ ಕನಸಾಗಿತ್ತು. ತೆಲುಗು ಚಿತ್ರರಂಗದ ಎಲ್ಲಾ ಶ್ರೇಷ್ಠ ನಟರ ಜೊತೆ ದಿಲ್ ರಾಜು ಕೆಲಸ ಮಾಡಿದ್ದಾರೆ. ಆದರೆ ಪವನ್ ಕಲ್ಯಾಣ್ ಜೊತೆಗೆ ಯಾವ ಸಿನಿಮಾವನ್ನು ಮಾಡಿಲ್ಲ. ಈಗ ಈ ಚಿತ್ರಕ್ಕೆ ಪವನ್ ಜೊತೆ ಮಾತುಕತೆ ನಡೆಸಿದ್ದರು.</p>.<p>‘ಪಿಂಕ್’ ಕಮರ್ಷಿಯಲ್ ಅಥವಾ ಮಾಸ್ ಜನರಿಗೆ ಇಷ್ಟವಾಗುವ ಸಿನಿಮಾವಲ್ಲ. ಅದು ಕೋರ್ಟ್ರೂಮ್ ಡ್ರಾಮಾ ಸಿನಿಮಾ. ಒಂದು ವೇಳೆ ತೆಲುಗಿನಲ್ಲಿ ಈ ಸಿನಿಮಾ ಸೋತರೆ?’ ಎಂಬ ಲೆಕ್ಕಾಚಾರ ಪವನ್ ಅವರದು ಎಂಬ ಸುದ್ದಿಗಳೂ ಹರಿದಾಡುತ್ತಿವೆ. ಮುಂದಿನ ದಿನಗಳಲ್ಲಿ ಪವನ್ ಈ ಸಿನಿಮಾಕ್ಕೆ ಒಪ್ಪಿಗೆ ಕೊಡುತ್ತಾರಾ ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
