ಬಿಗ್‌ಬಾಸ್‌ 8ನೇ ಆವೃತ್ತಿ ಭಾನುವಾರದಿಂದ ಆರಂಭವಾಗಿದ್ದು, ಇದರ ಬೆನ್ನಲ್ಲೇ ಕಲರ್ಸ್‌ ಕನ್ನಡದ ವೆಬ್‌ಸೈಟ್‌ನಲ್ಲಿ ಬಿಗ್‌ಬಾಸ್‌ ಮನೆಯ 3ಡಿ ವ್ಯೂ ಹಾಕಲಾಗಿದೆ. ಇಲ್ಲಿ ಬಿಗ್‌ಬಾಸ್‌ ಮನೆಯೊಳಗಿನ ಜೈಲು, ಈಜುಕೊಳ, ಲಿವಿಂಗ್‌ ರೂಮ್‌, ಅಡುಗೆ ಮನೆ, ಸ್ಟೋರ್‌ ರೂಂ, ಜಿಮ್‌ ಪ್ರದೇಶ, ದೇವರ ಕೋಣೆ, ಎಲ್ಲವನ್ನೂ ಸುತ್ತಾಡಿ ಬರಬಹುದು. ಮನೆಯೊಳಗೆ ಪ್ರವೇಶಿಸಿದಂತ ಅನುಭವವನ್ನು ಇದು ನೀಡುತ್ತಿದೆ. ಹೈಡೆಫಿನೇಷನ್‌ ಕ್ಯಾಮೆರಾಗಳಲ್ಲಿ ಇದನ್ನು ಚಿತ್ರೀಕರಿಸಲಾಗಿದ್ದು, ಮನೆಯ ಇಂಚಿಂಚೂ ಭಾಗವನ್ನು ನೋಡಬಹುದಾಗಿದೆ ಹಾಗೂ ಮನೆಯೊಳಗಿನ ವಿನ್ಯಾಸವನ್ನು ಆನಂದಿಸಬಹುದಾಗಿದೆ.
