ಕ್ಯಾಪ್ಟನ್ ಆಯ್ಕೆಗೆ ಕುಣಿದು ಕುಪ್ಪಳಿಸಿದ ಸ್ಪರ್ಧಿಗಳು: ಈ ಬಾರಿ ಕ್ಯಾಪ್ಟನ್ ಆಯ್ಕೆಗೆ ಬಿಗ್ ಬಾಸ್ ವಿಶಿಷ್ಟ ಟಾಸ್ಕ್ ನೀಡಿದ್ದರು. ಕ್ಯಾಪ್ಟನ್ಸಿ ಟಾಸ್ಕ್ಗೆ ಆಯ್ಕೆಯಾಗಿದ್ದ ಮಂಜು ಪಾವಗಡ, ಅರವಿಂದ್ ಮತ್ತು ಚಕ್ರವರ್ತಿ ಚಂದ್ರಚೂಡ್ ಅವರಿಗೆ ಬೇರೆ ಬೇರೆ ಸಿನಿಮಾಗಳ ಹಾಡುಗಳನ್ನು ಪ್ಲೇ ಮಾಡಲಾಯಿತು. ಮನೆಯ ಸ್ಪರ್ಧಿಗಳು ಯಾವ ಸ್ಪರ್ಧಿ ಕ್ಯಾಪ್ಟನ್ ಆಗಬೇಕು ಅಂದುಕೊಳ್ಳುತ್ತಾರೋ ಆ ಸ್ಪರ್ಧಿಯ ಹಾಡು ಬಂದಾಗ ರೌಂಡ್ ಸ್ಟೇಜ್ ಮೇಲೆ ಹೋಗಿ ನೃತ್ಯ ಮಾಡಬೇಕಿತ್ತು. ಈ ಟಾಸ್ಕ್ನಲ್ಲಿ ಮೂವರೂ ಸ್ಪರ್ಧಿಗಳಿಗೆ ತಲಾ 3 ಮತಗಳು ಬಿದ್ದು, ಕ್ಯಾಪ್ಟನ್ಸಿ ಟಾಸ್ಕ್ ಟೈ ಆಯಿತು. ಬಳಿಕ ಬಿಗ್ ಬಾಸ್ ಮತ್ತೆ ಮೂರು ಬಾರಿ ಹಾಡು ಹಾಕಿ ಕ್ಯಾಪ್ಟನ್ಸಿಗೆ ಕಂಟೆಸ್ಟ್ ಮಾಡಿದ್ದ ಸ್ಪರ್ಧಿಗಳೇ ಪರಸ್ಪರರನ್ನು ಸಪೋರ್ಟ್ ಮಾಡಿ ಡ್ಯಾನ್ಸ್ ಮಾಡುವ ಮೂಲಕ ಕ್ಯಾಪ್ಟನ್ ಆಯ್ಕೆ ಮಾಡುವ ಕೆಲಸ ಕೊಟ್ಟರು.