ಪ್ರತಿ ಶನಿವಾರ ಮತ್ತು ಭಾನುವಾರ ಪ್ರಸಾರಗೊಳ್ಳಲಿರುವ ರಾಜ-ರಾಣಿ ಶೋ, ಸೆಲಿಬ್ರಿಟಿಗಳ ಸಂಸಾರದ ಸುಖ ದುಃಖಗಳನ್ನು ಬಣ್ಣಬಣ್ಣವಾಗಿ ನಮ್ಮ ಮುಂದಿಡುತ್ತದೆ. ಅಲ್ಲಿ ಮಾತು, ಆಟ, ಕಣ್ಣೀರು, ಪನ್ನೀರು ಎಲ್ಲವೂ ಇರುತ್ತದೆ.
ಸಂಸಾರ ಅಂದರೆ ಅದೇ ಪ್ರೆಷರ್ ಕುಕ್ಕರು, ಫ್ರಿಜ್ಜು, ವಾಷಿಂಗ್ ಮಶೀನು, ಲಂಚ್ ಬಾಕ್ಸು, ಮಕ್ಕಳ ಯೂನಿಫಾರ್ಮು, ವೀಕೆಂಡ್ ಶಾಪಿಂಗ್, ದಿನಸಿ ಪಟ್ಟಿ ಅಂತ ಅಂದುಕೊಳ್ಳಬಹುದು. ಹಾಗಿದ್ದರೂ ಪ್ರತೀ ಸಂಸಾರವೂ ಬೇರೆ ಬೇರೆ. ಇನ್ನೊಬ್ಬರ ಸಂಸಾರ ತಾಪತ್ರಯಗಳೊಳಗೆ ಇಣುಕಿ ನೋಡುವುದರಲ್ಲಿ ಕುತೂಹಲ, ಖುಷಿಗಳಿದ್ದಂತೆಯೇ ಕಲಿಯುವುದೂ ಸಾಕಷ್ಟಿರುತ್ತದೆ ಎಂದಿದೆ ವಾಹಿನಿಯ ತಂಡ.