ಫಿನಾಲೆಯಲ್ಲಿ ನೀಡಿದ ಪ್ರದರ್ಶನ,ತೀರ್ಪುಗಾರರ ಸಲಹೆ ಹಾಗೂ ಜನರು ವೋಟ್‌ ಮಾಡಿ ನೀಡಿದ ಬೆಂಬಲವನ್ನು ಪರಿಗಣಿಸಿ ಹಿರಿಯ ಸಂಗೀತ ನಿರ್ದೇಶಕ ಹಂಸಲೇಖ ಕೀರ್ತನ್‌ನನ್ನು ವಿಜೇತ ಎಂದು ಘೋಷಿಸಿದರು. ಇದರೊಂದಿಗೆ ಕೀರ್ತನ್ ₹35 ಲಕ್ಷ ಮೌಲ್ಯದ ಅಪಾರ್ಟ್‌ಮೆಂಟ್‌ನ್ನು ಬಹುಮಾನವಾಗಿ ಪಡೆದರೆ, ದ್ವಿತೀಯ ಸ್ಥಾನ ಪಡೆದ ಹನುಮಂತಗೆ ₹15 ಲಕ್ಷ ಮೌಲ್ಯದ ಸೈಟ್‌ ಹಾಗೂ ₹1 ಲಕ್ಷದ ಚೆಕ್‌ ನೀಡಲಾಯಿತು. ಫೈನಲ್‌ ಪ್ರವೇಶಿಸಿದ್ದ ಏಕೈಕ ಮಹಿಳಾ ಸ್ಪರ್ಧಿ ಸಾಧ್ಬಿ ತೃತೀಯ ಸ್ಥಾನವನ್ನು ತಮ್ಮದಾಗಿಸಿ ಕೊಂಡರು. ಅವರಿಗೆ ₹2 ಲಕ್ಷದ ಚೆಕ್‌ ನೀಡಿ ಪ್ರಶಂಸಲಾಯಿತು.
