ಸಂಚಿತ ಶಿಲೆಗಳ ಆಗರ ಗೋಬಿ ಮರುಭೂಮಿ

ಸ್ವಾರಸ್ಯಕರ ಸಂಗತಿಗಳು:

*ಈ ಮರುಭೂಮಿಯು ಸೀಮೆಸುಣ್ಣ ಮತ್ತು ಸಂಚಿತಶಿಲೆಗಳಿಂದ ಕೂಡಿದ್ದು, ಮರಳಿಗಿಂತಲೂ ಇದನ್ನೇ ಹೆಚ್ಚಿನ ಸಂಖ್ಯೆಯಲ್ಲಿ ಕಾಣಬಹುದು.

*ಸಾವಿರಾರು ವರ್ಷಗಳ ಹಿಂದೆ ಮಧ್ಯ ಗೋಬಿಯಲ್ಲಿ ದೈತ್ಯಹಲ್ಲಿಗಳು (ಡೈನಾಸಾರ್ಸ್‌) ಇದ್ದಿದ್ದಕ್ಕೆ ಪುರಾವೆಗಳಿವೆ.

* ಬೇಸಿಗೆಯಲ್ಲಿ ಬಿರು ಬೇಸಿಗೆಯಿದ್ದರೆ, ಚಳಿಗಾಲದಲ್ಲಿ ವಿಪರೀತ ಚಳಿಯಿರುತ್ತದೆ. ವರ್ಷಕ್ಕೆ 55 ಮಿ.ಮೀ ಮಳೆಯಾದರೆ ಹೆಚ್ಚು. ಚಳಿ ಮತ್ತು ಬೇಸಿಗೆ ಕಾಲದಲ್ಲಿ ವಿಪರೀತ ಬಿರುಗಾಳಿ ಬೀಸುತ್ತದೆ.

* ಈ ಮರುಭೂಮಿಯಲ್ಲಿರುವ ಸರೋವರಗಳು, ಕೆರೆಗಳು ಬೇಸಿಗೆಯಲ್ಲಿ ಮಾತ್ರ ಸಣ್ಣಕ್ಕೆ ಹರಿಯುತ್ತವೆ. ನಂತರ ನಿಧಾನಕ್ಕೆ ಒಣಗಿ ಹೋಗುತ್ತವೆ.

* ಇಲ್ಲಿನ ಮರಳು ಮತ್ತು ಮಣ್ಣು ಬೂದು ಮಿಶ್ರಿತ ಕಂದುಬಣ್ಣದಲ್ಲಿದ್ದು, ಕಾರ್ಬನ್‌, ಜಿಪ್ಸಂ, ಜಲ್ಲಿಯ ಅಂಶ ಹೆಚ್ಚಿರುತ್ತದೆ. ಜಿಪ್ಸಂ ಖನಿಜ ಹೆಚ್ಚಿರುವುದರಿಂದ ಮಣ್ಣು ಈ ಸ್ವರೂಪದಲ್ಲಿದೆ.

* ವಿಶೇಷವಾದ ಸಸ್ಯ ಪ್ರಬೇಧಗಳಿದ್ದು, ಒಣಹವೆಯಲ್ಲಿ ಹುಲ್ಲುಗಾವಲು ಇದ್ದರೆ, ಕುರುಚಲು ಗಿಡಗಳು, ಪೊದೆಗಳನ್ನು ಅಲ್ಲಲ್ಲಿ ಕಾಣಬಹುದು.

* ಮಂಗೋಲಿಯನ್‌ ಈರುಳ್ಳಿ ಹೆಚ್ಚಾಗಿ ಬೆಳೆಯಲಾಗುತ್ತದೆ. ಪ್ರಪಂಚದ ಹಲವೆಡೆ ಈ ಈರುಳ್ಳಿಗೆ ಉತ್ತಮ ಬೇಡಿಕೆ ಇದೆ.