<p>ಭೂಮಿ ಮತ್ತು ಪರಿಸರ ಸಂರಕ್ಷಣೆ ಉದ್ದೇಶದೊಂದಿಗೆ ಎಂಬೆಸಿಗ್ರೂಪ್ ಭಾನುವಾರ ‘ಪೆಡಲ್ ಫಾರ್ ಪ್ಲಾನೆಟ್’ ಹೆಸರಿನಲ್ಲಿ ಸೈಕ್ಲೋಥಾನ್ ಆಯೋಜಿಸಿದೆ.</p>.<p>ಭಾನುವಾರ ಇಡೀ ದಿನ ನಗರದ ಎಂಬೆಸಿ ಸ್ಪ್ರಿಂಗ್ಸ್ನಲ್ಲಿ ಸೈಕ್ಲೋಥಾನ್, ಸಂಡೇ ಸೋಲ್ ಸಂತೆ ಸೇರಿದಂತೆ ವಿಭಿನ್ನ ಕಾರ್ಯಕ್ರಮ ನಡೆಯಲಿವೆ. ಐದು ವರ್ಷಗಳಿಂದ ಈ ಕಾರ್ಯಕ್ರಮ ನಡೆಯುತ್ತಿದ್ದು, ಇದು ಆರನೇ ಆವೃತ್ತಿ.</p>.<p>ಸೈಕ್ಲೋಥಾನ್ನಲ್ಲಿ ಭಾಗವಹಿಸಲು ವಯೋಮಾನದ ನಿರ್ಬಂಧವಿಲ್ಲ. ಸೈಕ್ಲಿಂಗ್ ಬಗ್ಗೆ ಆಸಕ್ತಿ ಹೊಂದಿರುವ ಎಲ್ಲ ವಯೋಮಾನದವರೂ ಮುಕ್ತವಾಗಿ ಪಾಲ್ಗೊಳ್ಳಬಹುದು. ವಯೋಮಾನದ ಅನುಸಾರ ಸೈಕ್ಲಿಂಗ್ ವಿಂಗಡಿಸಲಾಗಿದೆ. ಸ್ಥಳದಲ್ಲಿಯೇ ಬಾಡಿಗೆ ಸೈಕಲ್ ದೊರೆಯುತ್ತವೆ. ನಟ ದಿಗಂತ್ ಕೂಡ ಸೈಕ್ಲಿಂಗ್ನಲ್ಲಿ ಪಾಲ್ಗೊಳ್ಳಲಿದ್ದಾರೆ.</p>.<p>ಪ್ರತಿ ವರ್ಷ ವಿಭಿನ್ನ ಧ್ಯೇಯದೊಂದಿಗೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗುತ್ತದೆ. ಪರಿಸರ ರಕ್ಷಣೆ ಮತ್ತು ಮಾಲಿನ್ಯ ತಡೆಗಾಗಿ ಸೈಕಲ್ ಬಳಕೆ ಉತ್ತೇಜಿಸುವುದು ಈ ಬಾರಿಯ ಧ್ಯೇಯವಾಗಿದೆ. ಸೈಕಲ್ ಬಳಸುವುದರಿಂದ ಪರಿಸರದಲ್ಲಿ ಇಂಗಾಲ ಡೈಆಕ್ಸೈಡ್ ಪ್ರಮಾಣ ಕಡಿಮೆಯಾಗುವ ಜತೆಗೆ ಜನರ ಆರೋಗ್ಯವೂ ಸುಧಾರಿಸುತ್ತದೆ ಎನ್ನುತ್ತಾರೆ ಎಂಬೆಸಿ ಗ್ರೂಪ್ ಸಿಒಒ ಆದಿತ್ಯ ವಿರ್ವಾನಿ.ಎಂಬೆಸಿ ಮಾನ್ಯತಾ ಬ್ಯುಸಿನೆಸ್ ಟೆಕ್ ಪಾರ್ಕ್ನಲ್ಲಿರುವ ಉದ್ಯೋಗಿಗಳಿಗಾಗಿ 150 ಸೈಕಲ್ ಇಡಲಾಗಿದೆ ಎಂದರು.</p>.<p>ಸಂಡೇ ಸೋಲ್ ಸಂತೆಯಲ್ಲಿ ತೆರೆಯಲಾಗುವ ನೂರಕ್ಕೂ ಹೆಚ್ಚು ಅಂಗಡಿಗಳಲ್ಲಿ ಪರಿಸರ ಸ್ನೇಹಿ ಮತ್ತು ಸ್ಥುಸ್ಥಿರ ಉತ್ಪನ್ನಗಳ ಮಾರಾಟ ನಡೆಯಲಿದೆ. ಫ್ಯಾಶನ್ ಶೋ, ಸಂಗೀತ ಸಂಜೆ, ಮಕ್ಕಳಿಗೆ ಆಟೋಟಗಳನ್ನು ಏರ್ಪಡಿಸಲಾಗಿದೆ ಎಂದು ಸೋಲ್ ಸಂತೆಯ ಸಹ ಸಂಸ್ಥಾಪಕ ಹರೀಶ್ ರಾವ್ ತಿಳಿಸಿದರು.</p>.<p>ಇಲ್ಲಿ ಸಂಗ್ರಹವಾಗುವ ಹಣವನ್ನು ‘ಕಲರ್ಸ್ ಆಫ್ ಲೈಫ್’ ಸ್ವಯಂ ಸೇವಾ ಸಂಸ್ಥೆಗೆ ದಾನ ನೀಡಲಾಗುವುದು. 17 ಸರ್ಕಾರಿ ಶಾಲೆಗಳ ಏಳು ಸಾವಿರ ಮಕ್ಕಳ ಶಿಕ್ಷಣಕ್ಕೆ ಈ ಸಂಸ್ಥೆ ನೆರವು ನೀಡುತ್ತಿದೆ.</p>.<p>ಆಸಕ್ತರು www.embassyindia.com/pedalforplanet ಇಲ್ಲಿ ಹೆಸರು ನೋಂದಣಿ ಮಾಡಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಭೂಮಿ ಮತ್ತು ಪರಿಸರ ಸಂರಕ್ಷಣೆ ಉದ್ದೇಶದೊಂದಿಗೆ ಎಂಬೆಸಿಗ್ರೂಪ್ ಭಾನುವಾರ ‘ಪೆಡಲ್ ಫಾರ್ ಪ್ಲಾನೆಟ್’ ಹೆಸರಿನಲ್ಲಿ ಸೈಕ್ಲೋಥಾನ್ ಆಯೋಜಿಸಿದೆ.</p>.<p>ಭಾನುವಾರ ಇಡೀ ದಿನ ನಗರದ ಎಂಬೆಸಿ ಸ್ಪ್ರಿಂಗ್ಸ್ನಲ್ಲಿ ಸೈಕ್ಲೋಥಾನ್, ಸಂಡೇ ಸೋಲ್ ಸಂತೆ ಸೇರಿದಂತೆ ವಿಭಿನ್ನ ಕಾರ್ಯಕ್ರಮ ನಡೆಯಲಿವೆ. ಐದು ವರ್ಷಗಳಿಂದ ಈ ಕಾರ್ಯಕ್ರಮ ನಡೆಯುತ್ತಿದ್ದು, ಇದು ಆರನೇ ಆವೃತ್ತಿ.</p>.<p>ಸೈಕ್ಲೋಥಾನ್ನಲ್ಲಿ ಭಾಗವಹಿಸಲು ವಯೋಮಾನದ ನಿರ್ಬಂಧವಿಲ್ಲ. ಸೈಕ್ಲಿಂಗ್ ಬಗ್ಗೆ ಆಸಕ್ತಿ ಹೊಂದಿರುವ ಎಲ್ಲ ವಯೋಮಾನದವರೂ ಮುಕ್ತವಾಗಿ ಪಾಲ್ಗೊಳ್ಳಬಹುದು. ವಯೋಮಾನದ ಅನುಸಾರ ಸೈಕ್ಲಿಂಗ್ ವಿಂಗಡಿಸಲಾಗಿದೆ. ಸ್ಥಳದಲ್ಲಿಯೇ ಬಾಡಿಗೆ ಸೈಕಲ್ ದೊರೆಯುತ್ತವೆ. ನಟ ದಿಗಂತ್ ಕೂಡ ಸೈಕ್ಲಿಂಗ್ನಲ್ಲಿ ಪಾಲ್ಗೊಳ್ಳಲಿದ್ದಾರೆ.</p>.<p>ಪ್ರತಿ ವರ್ಷ ವಿಭಿನ್ನ ಧ್ಯೇಯದೊಂದಿಗೆ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗುತ್ತದೆ. ಪರಿಸರ ರಕ್ಷಣೆ ಮತ್ತು ಮಾಲಿನ್ಯ ತಡೆಗಾಗಿ ಸೈಕಲ್ ಬಳಕೆ ಉತ್ತೇಜಿಸುವುದು ಈ ಬಾರಿಯ ಧ್ಯೇಯವಾಗಿದೆ. ಸೈಕಲ್ ಬಳಸುವುದರಿಂದ ಪರಿಸರದಲ್ಲಿ ಇಂಗಾಲ ಡೈಆಕ್ಸೈಡ್ ಪ್ರಮಾಣ ಕಡಿಮೆಯಾಗುವ ಜತೆಗೆ ಜನರ ಆರೋಗ್ಯವೂ ಸುಧಾರಿಸುತ್ತದೆ ಎನ್ನುತ್ತಾರೆ ಎಂಬೆಸಿ ಗ್ರೂಪ್ ಸಿಒಒ ಆದಿತ್ಯ ವಿರ್ವಾನಿ.ಎಂಬೆಸಿ ಮಾನ್ಯತಾ ಬ್ಯುಸಿನೆಸ್ ಟೆಕ್ ಪಾರ್ಕ್ನಲ್ಲಿರುವ ಉದ್ಯೋಗಿಗಳಿಗಾಗಿ 150 ಸೈಕಲ್ ಇಡಲಾಗಿದೆ ಎಂದರು.</p>.<p>ಸಂಡೇ ಸೋಲ್ ಸಂತೆಯಲ್ಲಿ ತೆರೆಯಲಾಗುವ ನೂರಕ್ಕೂ ಹೆಚ್ಚು ಅಂಗಡಿಗಳಲ್ಲಿ ಪರಿಸರ ಸ್ನೇಹಿ ಮತ್ತು ಸ್ಥುಸ್ಥಿರ ಉತ್ಪನ್ನಗಳ ಮಾರಾಟ ನಡೆಯಲಿದೆ. ಫ್ಯಾಶನ್ ಶೋ, ಸಂಗೀತ ಸಂಜೆ, ಮಕ್ಕಳಿಗೆ ಆಟೋಟಗಳನ್ನು ಏರ್ಪಡಿಸಲಾಗಿದೆ ಎಂದು ಸೋಲ್ ಸಂತೆಯ ಸಹ ಸಂಸ್ಥಾಪಕ ಹರೀಶ್ ರಾವ್ ತಿಳಿಸಿದರು.</p>.<p>ಇಲ್ಲಿ ಸಂಗ್ರಹವಾಗುವ ಹಣವನ್ನು ‘ಕಲರ್ಸ್ ಆಫ್ ಲೈಫ್’ ಸ್ವಯಂ ಸೇವಾ ಸಂಸ್ಥೆಗೆ ದಾನ ನೀಡಲಾಗುವುದು. 17 ಸರ್ಕಾರಿ ಶಾಲೆಗಳ ಏಳು ಸಾವಿರ ಮಕ್ಕಳ ಶಿಕ್ಷಣಕ್ಕೆ ಈ ಸಂಸ್ಥೆ ನೆರವು ನೀಡುತ್ತಿದೆ.</p>.<p>ಆಸಕ್ತರು www.embassyindia.com/pedalforplanet ಇಲ್ಲಿ ಹೆಸರು ನೋಂದಣಿ ಮಾಡಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
