‘ಲಸಿಕೆ ಹಾಕಿಸಿಕೊಂಡ ಜಾಗದಲ್ಲಿ ಎಲ್ಇಡಿ ಬಲ್ಬ್ ಇರಿಸಿದರೆ ಅದರಲ್ಲಿ ಬೆಳಕು ಮೂಡುತ್ತದೆ’! ಹೌದೇ?, ಇಂತಹದ್ದೊಂದು ವಿಚಿತ್ರ ಸಂಗತಿ ಇರುವ ವಿಡಿಯೊ ವೈರಲ್ ಆಗಿದ್ದು, ಅಚ್ಚರಿಗೆ ಕಾರಣವಾಗಿದೆ. ವಿಡಿಯೊದಲ್ಲಿರುವ ವ್ಯಕ್ತಿಯೊಬ್ಬರು ತಾವು ಲಸಿಕೆ ಹಾಕಿಸಿಕೊಂಡ ಕೈಗೆ ತಾಗಿಸಿ ಈ ಎಲ್ಇಡಿ ಬಲ್ಬ್ ಇರಿಸುತ್ತಾರೆ. ಅದು ತಕ್ಷಣ ಹೊತ್ತಿಕೊಳ್ಳುತ್ತದೆ. ದೇಹದ ಇತರ ಭಾಗಗಳಲ್ಲಿ ಇಟ್ಟರೆ ಅದು ಹೊತ್ತುವುದಿಲ್ಲ ಎಂದು ಸ್ವತಃ ಅವರೇ ಹೇಳುತ್ತಾರೆ. ತಮ್ಮ ಸ್ನೇಹಿತರ ಜೊತೆ ಹಂಚಿಕೊಂಡ ಈ ವಿಡಿಯೊ ವೈರಲ್ ಆಗುತ್ತಿದ್ದಂತೆ ಎಚ್ಚೆತ್ತ ಅವರು, ಅದು ‘ತಮಾಷೆ’ಗೆ ಮಾಡಿದ್ದು ಎಂದು ಸ್ಪಷ್ಟನೆ ನೀಡಿ ವಿಷಾದಿಸಿದ್ದಾರೆ.
