ಗೆಲುವಿನ ಸಂಭ್ರಮ

ರಫೆಲ್ ನಡಾಲ್ ಸ್ಟಟ್‌ಗರ್ಟ್‌ ಓಪನ್ ಟೆನಿಸ್‌ ಟೂರ್ನಿಯಲ್ಲಿ ಫೈನಲ್‌ ಪ್ರವೇಶಿಸಿದ್ದಾರೆ. ಹುಲ್ಲಿನಂಕನದಲ್ಲಿ ನಡೆದ ಸೆಮಿಫೈನಲ್‌ ಪಂದ್ಯದಲ್ಲಿ ನಡಾಲ್ 6–3, 6–4ರಿಂದ ಗೇಲ್ ಮೊನಫಿಸ್‌ ವಿರುದ್ಧ ಜಯ ಗಳಿಸಿದರು. 90 ನಿಮಿಷಗಳ ಕಾಲ ನಡೆದ ಪಂದ್ಯದಲ್ಲಿ ನಡಾಲ್ ಎದುರಾಳಿಯನ್ನು ಸೋಲಿಸಿದರು. 29 ವರ್ಷ ವಯಸ್ಸಿನ ನಡಾಲ್ 66ನೇ ಟ್ರೋಫಿ ಗೆಲ್ಲುವ ಹಾದಿಯಲ್ಲಿದ್ದಾರೆ. ಅವರು ಇಲ್ಲಿಯವರೆಗೆ 13 ಬಾರಿ ಮೊನಫಿಸ್ ಅವರ ಎದುರು ಸೆಣಸಿದ್ದಾರೆ. ಅದರಲ್ಲಿ 11 ಬಾರಿ ಅವರು ಗೆಲುವು ಸಾಧಿಸಿದ್ದಾರೆ.