ಕ್ರಮ 4: ಓರೆಚಲನೆ
1.→ಬಲಹಸ್ತವನ್ನು ಎಡಮಂಡಿಯ ಮೇಲೆ ಇರಿಸಿಕೊಳ್ಳಿ. ಬಲಹೆಬ್ಬೆಟ್ಟನ್ನು ಚಾಚಿ. ಮಿಕ್ಕ ಬೆರಳುಗಳನ್ನು ಮಡಿಚಿ.
2. ಎಡಹಸ್ತದಿಂದ ಗಂಟಲ ಭಾಗವನ್ನು ಮೃದುವಾಗಿ ಹಿಡಿಯಿರಿ. ಸ್ಪರ್ಶಸಂವೇದನಾ ಗ್ರಹಿಕೆಯಿಂದ ಕುತ್ತಿಗೆಯು ಚಲಿಸದಂತೆ ಗಮನಿಸಿ.
3.→ಬಲಹೆಬ್ಬೆಟ್ಟನ್ನು ತದೇಕಚಿತ್ತದಿಂದ ರೆಪ್ಪೆಗಳನ್ನು ಅಲುಗಾಡಿಸದೇ ದೃಷ್ಟಿಸುತ್ತಾ ಹಸ್ತವನ್ನು ನಿಧಾನವಾಗಿ ಓರೆದಿಕ್ಕಿನಲ್ಲಿ ಚಲಿಸಿ.
4. ಹೆಬ್ಬೆಟ್ಟಿನ ತುದಿ ಕಾಣುವವರೆಗೂ ಬಲಗೈಯನ್ನು ಮೇಲಕ್ಕೆ ಚಲಿಸಿ.
5. ಉಸಿರನ್ನು ಬಿಡುತ್ತಾ ಬಲಹಸ್ತವನ್ನು ನಿಧಾನವಾಗಿ, ಅದೇ ಪಥದಲ್ಲಿ ಕೆಳಕ್ಕೆ ಚಲಿಸಿ.
6. ಈ ಕ್ರಮವನ್ನು ಸುಮಾರು 10-15 ಬಾರಿ ಪುನರಾವರ್ತಿಸಿ.
7. ಮತ್ತೊಂದು ಕಡೆ ಪುನರಾವರ್ತಿಸಿ.
8. ಕಣ್ಣುಗಳನ್ನು ಮುಚ್ಚಿ, ಕೈಗಳನ್ನು ವಿರಮಿಸಿ.
ಕ್ರಮ 5: ಹಸ್ತಕವಚ
1. ಕಣ್ಣುಗಳನ್ನು ಮುಚ್ಚಿ; ಹಸ್ತದ ಬುಡಗಳಿಂದ ಕಣ್ಣುಗಳನ್ನು ಮೃದುವಾಗಿ ಮುಚ್ಚಿ; ಕಣ್ಣುಗಳನ್ನು ಒತ್ತಬೇಡಿ.
2. ಕಣ್ಣಿನ ಮೇಲೆ ಬೆಳಕು ಬೀಳದಿದ್ದಷ್ಟೂ ಕತ್ತಲೆಯ ಗಾಢ ಹೆಚ್ಚುತ್ತದೆ.
3. ಭುಜಗಳು ಮತ್ತು ಮೊಣಕೈಗಳ ಮೇಲೆ ಒತ್ತಡ ಇರಬಾರದು.
4. ಸುಮಾರು 2-3 ನಿಮಿಷಗಳ ಕಾಲ ಈ ಸ್ಥಿತಿಯಲ್ಲಿರಿ.
5. ಕತ್ತಲಿದ್ದಷ್ಟೂ ಕಣ್ಣುಗಳಿಗೆ ವಿಶ್ರಾಂತಿ ದೊರೆಯುತ್ತದೆ.
6. ಕಣ್ಣುಗಳನ್ನು ತೆರೆಯಿರಿ, ಕೈಗಳನ್ನು ವಿರಮಿಸಿ.
ಕ್ರಮ 6 : ನಕ್ಷತ್ರವೀಕ್ಷಣೆ
ಮಾನವನ ಕಣ್ಣುಗಳು ಮೂಲಭೂತವಾಗಿ ದೂರವೀಕ್ಷಣೆಗೆ ಇರುವಂತಹುದು. ದೂರದ ವಸ್ತುಗಳನ್ನು ವೀಕ್ಷಿಸಿದಾಗ ಕಣ್ಣುಗಳು ಸಹಜವಾಗಿಯೇ ಒತ್ತಡರಹಿತವಾಗುತ್ತದೆ. ದೂರವೀಕ್ಷಣೆಯ ಉತ್ತಮ ವಿಧಾನವೆಂದರೆ ನಕ್ಷತ್ರವೀಕ್ಷಣೆ.
1. ಕತ್ತಲಾದ ನಂತರ ಕತ್ತನ್ನು ಸ್ವಲ್ಪ ಮೇಲಕ್ಕೆತ್ತಿ ಅಕಾಶದಲ್ಲಿರುವ ನಕ್ಷತ್ರವೊಂದರಲ್ಲಿ ದೃಷ್ಟಿಯನ್ನು ಇರಿಸಿ.
2. ಆ ನಕ್ಷತ್ರವನ್ನು ಸುಮಾರು 2 ನಿಮಿಷಗಳ ಕಾಲ ಎವೆಯಿಕ್ಕದೆ ದೃಷ್ಟಿಸಿ ನೋಡಿ.
3. ನಂತರ ಕತ್ತನ್ನು ವಿರಮಿಸಿ ಕಣ್ಣುಗಳನ್ನು ಮುಚ್ಚಿ.
4. ಈ ಕ್ರಮವನ್ನು 2-3 ಬಾರಿ ಪುನರಾವರ್ತಿಸಿ.
ಕ್ರಮ 7: ತ್ರಾಟಕ
1. ಸಾಧ್ಯವಾದಷ್ಟು ಗಾಳಿ ಬೀಸದ ಕೋಣೆಯಲ್ಲಿ ಒಂದು ನಂದಾದೀಪವನ್ನು ಇಟ್ಟುಕೊಳ್ಳಿ.
2. ದೀಪವನ್ನು ಸುಮಾರು 6 ಅಡಿಗಳಷ್ಟು ದೂರ ಕತ್ತಿಗೆ ಶ್ರಮವಾಗದಂತೆ ಇಟ್ಟುಕೊಳ್ಳಿ.
3. ನೇರವಾಗಿ ಕುಳಿತುಕೊಳ್ಳಿ. ನಿಮ್ಮ ಅಸ್ಥಿ-ಸ್ನಾಯು ವ್ಯವಸ್ಥೆಯ ಸಮಗ್ರ ಅರಿವಿರಲಿ.
4. ಹಸ್ತಗಳನ್ನು ಮೇಲ್ಮುಖವಾಗಿರಿಸಿ ಮಂಡಿಗಳ ಮೇಲೆ ವಿರಮಿಸಿ.
5. ಜ್ಯೋತಿಯನ್ನು ನೇರವಾಗಿ ದೃಷ್ಟಿಸಿ ನೋಡಿ.
6. ಕಣ್ಣುಗಳನ್ನು ಹೆಚ್ಚಾಗಿ ಮಿಟುಕಿಸಬೇಡಿ.
7. ಆರಂಭಿಕ ಹಂತದಲ್ಲಿ ಸುಮಾರು 1-2 ನಿಮಿಷಗಳ ಕಾಲ ದೃಷ್ಟಿಸಿ ನೋಡಿ
8. ನಂತರ ಕಣ್ಣುಗಳನ್ನು ಮೃದುವಾಗಿ ಮುಚ್ಚಿ ಒಂದು ನಿಮಿಷದಷ್ಟು ಕಾಲ ವಿರಮಿಸಿ; ಪುನರಾವರ್ತಿಸಿ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.