ಗರ್ಭಿಣಿಯರಲ್ಲಿ ದುಗುಡನಕಾರಾತ್ಮಕ ಭಾವನೆ ಬೇಡ

ಈ ಕೋವಿಡ್-19 ಪಿಡುಗು ಶುರುವಾದಾಗ ಮಂಜುಳ ತನ್ನ ಎಂಟನೇ ತಿಂಗಳ ಗರ್ಭವಾಸ್ಥೆಯಲ್ಲಿದ್ದು ಕಾತುರದಿಂದ ತನ್ನ ಮಗುವಿನ ಆಗಮನವನ್ನು ಎದುರು ನೋಡುತ್ತಿದ್ದಳು. ಆದರೆ ಈ ಕೊರೊನಾ ಸೋಂಕಿನ ಕುರಿತು ಹೊರಬರುತ್ತಿರುವ ಎಲ್ಲ ನಕಾರಾತ್ಮಕ ಸುದ್ದಿಗಳು ಅವಳನ್ನು ಆತಂಕಕ್ಕೀಡು ಮಾಡುತ್ತಿವೆ.

. ‘ಈ ರೋಗದಿಂದ ನನ್ನನ್ನು ನಾನು ಹೇಗೆ ಕಾಪಾಡಿಕೊಳ್ಳಲಿ? ಈ ವೈರಸ್ನ ಪರಿಣಾಮ ನನ್ನ ಮಗುವಿನ ಮೇಲೆ ಉಂಟಾಗುತ್ತದೆಯೇ? ಗರ್ಭಿಣಿಯರು ಸ್ಯಾನಿಟೈಸರ್ (ಕ್ರಿಮಿನಾಶಕ ) ಗಳನ್ನು ಇಷ್ಟು ಹೆಚ್ಚಾಗಿ ಬಳಸುವುದು ಉಚಿತವೇ? ಹೆರಿಗೆಯ ವೇಳೆ ನನ್ನ ಜೊತೆಗಿರಲು ಅಮ್ಮನಿಗೆ ಆಸ್ಪತ್ರೆ ಅನುಮತಿ ಕೊಡುತ್ತದೆಯೇ ಅಥವಾ ನಾನು ಒಂಟಿಯಾಗಿರಬೇಕೆ? ಹೆರಿಗೆ ನೋವು ಕಾಣಿಸಿಕೊಂಡಾಗ ನನಗೆ ಆಸ್ಪತ್ರೆಗೆ ಹೋಗಲು ವಾಹನ ಸಿಗುತ್ತದೆಯೇ ? ಪ್ರಸವ ಪೂರ್ವ ಸ್ಕ್ಯಾನ್ ಮಾಡಲು ಆಸ್ಪತ್ರೆಗೆ ಹೋಗುವುದು ಈ ಪರಿಸ್ಥಿತಿಯಲ್ಲಿ ಸುರಕ್ಷಿತವೇ? ನನ್ನ ಮಗುವಿಗೆ ಇಂತಹ ಸಮಯದಲ್ಲಿ ಸ್ತನ್ಯಪಾನ ಮಾಡುವುದರಿಂದ ಏನಾದರೂ ತೊಂದರೆ ಉಂಟಾಗಬಹುದೇ?’ ಇವೇ ಮೊದಲಾದ ಪ್ರಶ್ನೆಗಳು ಆಕೆಯನ್ನು ಕಾಡುತ್ತಿವೆ.

. ಇವಿಷ್ಟು ಆತಂಕಗಳ ಜೊತೆಗೆ ‘ಸಂಪ್ರದಾಯದಂತೆ ಸೀಮಂತ ಮಾಡಲಾಗುತ್ತಿಲ್ಲವಲ್ಲಾ.. ಇದರಿಂದ ಬೇರೆ ಏನು ಪರಿಣಾಮ ಕಾದಿದೆಯೋ?’ ಎಂಬ ಹೆದರಿಕೆಯೂ ಗರ್ಭಿಣಿಯನ್ನು ಸತಾಯಿಸುತ್ತಿದೆ.

. ಈ ರೀತಿಯ ಹಲವಾರು ಯೋಚನೆಗಳಿಂದ ಮಂಜುಳಾಳ ಗರ್ಭವಾಸ್ಥೆಯ ಸಂತೋಷವು ನಿರಂತರ ಚಿಂತೆಯಾಗಿ ಬದಲಾಗಿದೆ. ಹಾಗಾದರೆ ಗರ್ಭಿಣಿಯರು ಇಂತಹ ಆತಂಕಗಳನ್ನು ಹೇಗೆ ನಿಭಾಯಿಸುವುದು? ಅವರ ಕುಟುಂಬದವರು ಈ ಕುರಿತಾಗಿ ಏನು ಮಾಡಬಹುದು?

. ಪರಿಹಾರಗಳು

. * ಬೇರೆಯವರ ಜೊತೆಗೆ ತಮ್ಮ ಭಾವನೆಗಳನ್ನು ಹಂಚಿಕೊಳ್ಳುವುದು

. * ಸೂಕ್ತವಾದ ಸಿದ್ಧತೆ ಮಾಡಿಕೊಳ್ಳುವುದು

. * ಆತಂಕ ಉಂಟುಮಾಡುವ ಯೋಚನೆಗಳಿಗೆ ಪರಿಹಾರ ಕಂಡುಕೊಳ್ಳುವುದು

. * ಸಕಾರಾತ್ಮಕ ಆಲೋಚನೆ, ಸಂತೋಷ ತರುವ ಕ್ಷಣಗಳನ್ನು ಹಂಚಿಕೊಳ್ಳುವುದು.

. * ನಿರಂತರವಾಗಿ ಚಿಂತೆಯಲ್ಲಿ ಮುಳುಗುವುದರ ಬದಲು ನಿಮಗೆ ಗಾಬರಿಯನ್ನು ಉಂಟುಮಾಡುತ್ತಿರುವ ಯೋಚನೆ/ ಚಿಂತೆಯನ್ನು ನಿಖರವಾಗಿ ಗುರುತಿಸಿಕೊಂಡು ಅದನ್ನು ಬೇರೆಯವರೊಂದಿಗೆ ಹಂಚಿಕೊಳ್ಳಿ.

. * ಗರ್ಭಿಣಿಯರಿಗೆ ಮಾಡುವಂತಹ ಸೀಮಂತ ಮುಂತಾದ ಸಂಪ್ರದಾಯಗಳನ್ನು ಆಚರಿಸಲು ಈ ಸಂದರ್ಭದಲ್ಲಿ ಸಾಧ್ಯವಿಲ್ಲ. ಬೇರೆ ವಿಶಿಷ್ಟ ರೀತಿಗಳಲ್ಲಿ ನಿಮ್ಮನ್ನು ಸಂತೋಷಪಡಿಸಿಕೊಳ್ಳಲು ಪ್ರಯತ್ನಿಸಿ. ಉದಾಹರಣೆಗೆ ಕುಟಂಬದವರು ಮಾತ್ರ ಸೇರಿಕೊಂಡು ಒಂದು ಸಣ್ಣ ಕಾರ್ಯಕ್ರಮ ಮಾಡಿ ಫೋಟೊ, ವಿಡಿಯೊಗಳನ್ನು ನಿಮ್ಮ ಸ್ನೇಹಿತರೊಂದಿಗೆ, ಸಂಬಂಧಿಕರೊಂದಿಗೆ ಹಂಚಿಕೊಳ್ಳಬಹುದು.

. * ಅತೀ ಮುಖ್ಯವಾದ ದೂರವಾಣಿ ಸಂಖ್ಯೆಗಳನ್ನು (ಆ್ಯಂಬುಲೆನ್ಸ್, ಆಸ್ಪತ್ರೆ, ಹತ್ತಿರದ ಸಂಬಂಧಿಕರು ) ಎಲ್ಲ ಸಮಯದಲ್ಲೂ ನಿಮ್ಮ ಬಳಿ ಇಟ್ಟುಕೊಳ್ಳಿ . ನಿಮ್ಮ ವೈದ್ಯರು ಮತ್ತು ಆಸ್ಪತ್ರೆಯ ಸಂಪರ್ಕ ಸಂಖ್ಯೆಗಳನ್ನೂ ಮತ್ತು ನಿಮ್ಮ 'ತಾಯಿ ಕಾರ್ಡ್' ಅಥವಾ 'ಗರ್ಭಿಣಿ ಕಾರ್ಡ್' ಮುಂತಾದ ದಾಖಲೆಗಳನ್ನು ಸ್ಕ್ಯಾನ್ ಮಾಡಿ ನಿಮ್ಮ ಹತ್ತಿರದ ಕುಟುಂಬದವರಿಗೆ ಮುಂಚಿತವಾಗಿ ಕಳಿಸಿ. ಲಾಕ್ ಡೌನ್ ಇರುವ ಈ ಪರಿಸ್ಥಿತಿಯಲ್ಲಿ ಪೊಲೀಸ್ಗೆ ತೋರಿಸಲು/ ವಾಹನದಲ್ಲಿ ಸಂಚರಿಸಲು ನಿಮ್ಮ ಕುಟುಂಬದವರಿಗೆ ಸಹಾಯವಾಗುತ್ತದೆ. ಬೆಂಕಿಗೆ ಪೆಟ್ರೋಲ್ ಸುರಿಯುವಂತೆ ನಿಮ್ಮ ಚಿಂತೆಗಳನ್ನು ಇನ್ನಷ್ಟು ಕೆರಳಿಸಬಹುದಾದಂತಹ ಸಾಮಾಜಿಕ ಜಾಲತಾಣಗಳಿಂದ ಆದಷ್ಟು ದೂರವಿರಿ

. * ನಿಮಗಾಗಿ ಒಂದು ‘ಸಮಾಧಾನ ಪೆಟ್ಟಿಗೆ ’ (ಕಂಫರ್ಟ್ ಬಾಕ್ಸ್) ತಯಾರಿಸಿಕೊಳ್ಳಿ- ಇದರಲ್ಲಿ ನಿಮಗೆ ಪ್ರಿಯವಾಗಿರುವ ಭಾವಚಿತ್ರಗಳಿರಬಹುದು, ಸುವಾಸನೆಯುಳ್ಳ ಯಾವುದೇ ವಸ್ತು ಇರಬಹುದು, ಮನಸ್ಸಿಗೆ ಹತ್ತಿರವಾದಂತಹ ಹಾಡಿನ ಸಾಲುಗಳಿರಬಹುದು- ಹೀಗೆ ನಿಮ್ಮ ಮನಸ್ಸಿಗೆ ಸಮಾಧಾನ ಕೊಡುವಂತಹ ಯಾವುದೇ ವಸ್ತುಗಳನ್ನು ನಿಮ್ಮ ಪೆಟ್ಟಿಗೆಯಲ್ಲಿಟ್ಟು ಆಗಾಗ ಅದನ್ನು ನೋಡುತ್ತಿರಿ. ಮನಸ್ಸಿಗೆ ನೆಮ್ಮದಿ ಎನಿಸುತ್ತದೆ.

. * ನಿಮ್ಮ ವೈದ್ಯರ/ ದಾದಿಯರ ಸಂಪರ್ಕವನ್ನು ನಿರಂತರವಾಗಿ ಇಟ್ಟುಕೊಳ್ಳಿ.

(ಲೇಖಕಿಯರು ವೈದ್ಯೆಯರು, ಗರ್ಭಾವಸ್ಥೆ ಹಾಗೂ ಪ್ರಸವೋತ್ತರದ ಮನೋವೈದ್ಯಕೀಯ ಘಟಕ, ಮನೋವೈದ್ಯಕೀಯ ವಿಭಾಗ ನಿಮ್ಹಾನ್ಸ್, ಬೆಂಗಳೂರು)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗರ್ಭಿಣಿಯರಲ್ಲಿ ದುಗುಡನಕಾರಾತ್ಮಕ ಭಾವನೆ ಬೇಡ

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ

WI vs AUS | ಸ್ಟಾರ್ಕ್‌ಗೆ 100ನೇ ಟೆಸ್ಟ್: 12 ವರ್ಷದ ಬಳಿಕ ಲಯನ್ ಕೈಬಿಟ್ಟ ಆಸಿಸ್

ಮಹಿಳಾ ಕ್ರಿಕೆಟ್ | 5ನೇ ಟಿ20 ಪಂದ್ಯದಲ್ಲಿ ಗೆದ್ದ ಇಂಗ್ಲೆಂಡ್; ಭಾರತಕ್ಕೆ ಸರಣಿ

Wimbledon 2025: ಆಧಿಪತ್ಯಕ್ಕೆ ಸಿನ್ನರ್–ಅಲ್ಕರಾಜ್‌ ಪೈಪೋಟಿ

ಪ್ಯಾರಾ ಅಥ್ಲೆಟಿಕ್ಸ್: ರಕ್ಷಿತಾ, ಶರತ್‌ಗೆ ಚಿನ್ನ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಗೋಕರ್ಣದ ಗುಹೆಯಲ್ಲಿ ಎರಡು ಮಕ್ಕಳೊಂದಿಗೆ ರಷ್ಯಾದ ಮಹಿಳೆ ರಹಸ್ಯವಾಗಿ ವಾಸ!

ಚಿನಕುರುಳಿ Cartoon: 12 ಜುಲೈ 2025

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ | ಪ್ರತ್ಯೇಕ ತನಿಖೆ: ಎಸ್‌ಪಿ