<p>ಮಳೆಗಾಲದಲ್ಲಿ ಎಂಥ ಉಡುಪು ತೊಟ್ಟರೆ ಸುರಕ್ಷಿತವಾಗಿರಬಹುದು. ಅದರಲ್ಲಿಯೂ ಮಕ್ಕಳಿಗೆ ಎಂಥ ದಿರಿಸು ಇದ್ದರೆ ಅವರ ಆರೋಗ್ಯಕ್ಕೆ ತೊಂದರೆಯಾಗುವುದಿಲ್ಲ ಎಂಬುದನ್ನು ಸೂಕ್ಷ್ಮವಾಗಿ ಅರ್ಥ ಮಾಡಿಕೊಂಡರೆ ಮಳೆಗಾಲದಲ್ಲಿ ಬರುವ ಸಾಮಾನ್ಯ ಶೀತ, ನೆಗಡಿ, ಕೆಮ್ಮು ಸಮಸ್ಯೆಗಳನ್ನು ತಡೆಗಟ್ಟಬಹುದು. </p><p>ಮಳೆಯಲ್ಲಿ ನೆನೆಯುವುದಕ್ಕೆ ಯಾರಿಗೆ ತಾನೇ ಇಷ್ಟವಿಲ್ಲ. ಪುಟಿದೇಳುವ ಮಕ್ಕಳು ಚಿಟಪಟ ಮಳೆಯಲ್ಲಿ ಹೆಜ್ಜೆಹಾಕುತ್ತ, ಕುಣಿಯುತ್ತ ನೆನೆಯಲು ಇಷ್ಟಪಡುತ್ತಾರೆ.</p><p>ಗಾಳಿ, ಮಳೆಗೆ ಬೇಗನೆ ಶೀತವಾಗುವ ಪರಿಸ್ಥಿತಿ ಇದ್ದರೆ ಆದಷ್ಟು ಬೆಚ್ಚಗಿನ ಉಡುಪುಗಳಿಗೆ ಆದ್ಯತೆ ಕೊಡಿ. ಶಾಲೆಗೆ ಹೋಗುವ ಮಕ್ಕಳಾದರೆ ಸಮವಸ್ತ್ರದೊಂದಿಗೆ ರೇನ್ಕೋಟ್ ಜತೆ ಇರಲಿ. ಗಾಢ ಬಣ್ಣದ, ಚಿತ್ತಾರಗಳಿರುವ ರೇನ್ಕೋಟ್ಗಳಾದರೆ ಮಕ್ಕಳು ಇಷ್ಟಪಟ್ಟು ಧರಿಸುತ್ತಾರೆ.</p><p>ಪುಸ್ತಕ ಹಾಗೂ ಅಧ್ಯಯನ ಸಾಮಗ್ರಿ ನೆನೆಯದಂತಿರಲು ವಾಟರ್ಪ್ರೂಫ್ ಬ್ಯಾಗ್ಗಳನ್ನು ನೀಡಿ. </p><p>ಮಕ್ಕಳಿಗೆ ಸಾಧ್ಯವಾದಷ್ಟು ಗಾಢ ಬಣ್ಣದ ಬಟ್ಟೆಗಳನ್ನು ಆಯ್ಕೆ ಮಾಡಿ. ಒಂದೊಮ್ಮೆ ರಸ್ತೆಯ ಕೆಸರು ತಾಕಿದರೂ ಎದ್ದು ಕಾಣದಂತೆ ಮರೆಮಾಚುತ್ತದೆ. ಸಿಂಥೆಟಿಕ್ ಮತ್ತು ಉಣ್ಣೆಯ ಮಾದರಿಯ ಬಟ್ಟೆಗಳನ್ನು ಹೆಚ್ಚಾಗಿ ಬಳಸಿ ಇದು ಮಕ್ಕಳನ್ನು ಬೆಚ್ಚಗಿಡುತ್ತದೆ.</p><p>ಅಡಿಯಿಂದ ಮುಡಿಯವರೆಗೆ ಮಕ್ಕಳನ್ನು ಬೆಚ್ಚಗಿಡಲು ಪ್ರಯತ್ನಿಸಿ. ಸಾಧ್ಯವಾದಷ್ಟು ನೀರು ಹೀರುವ ಹತ್ತಿ ಬಟ್ಟೆಗಳನ್ನು ಬಳಸಬೇಡಿ.</p><p>ಮಕ್ಕಳ ಪಾದಗಳಿಗೆ ಉಣ್ಣೆಯ ಸಾಕ್ಸ್ಗಳನ್ನು ಹಾಕಿ. ವಾಟರ್ ಪ್ರೂಫ್ ಬೂಟ್ಗಳ ಬಳಕೆ ಹೆಚ್ಚಿರಲಿ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮಳೆಗಾಲದಲ್ಲಿ ಎಂಥ ಉಡುಪು ತೊಟ್ಟರೆ ಸುರಕ್ಷಿತವಾಗಿರಬಹುದು. ಅದರಲ್ಲಿಯೂ ಮಕ್ಕಳಿಗೆ ಎಂಥ ದಿರಿಸು ಇದ್ದರೆ ಅವರ ಆರೋಗ್ಯಕ್ಕೆ ತೊಂದರೆಯಾಗುವುದಿಲ್ಲ ಎಂಬುದನ್ನು ಸೂಕ್ಷ್ಮವಾಗಿ ಅರ್ಥ ಮಾಡಿಕೊಂಡರೆ ಮಳೆಗಾಲದಲ್ಲಿ ಬರುವ ಸಾಮಾನ್ಯ ಶೀತ, ನೆಗಡಿ, ಕೆಮ್ಮು ಸಮಸ್ಯೆಗಳನ್ನು ತಡೆಗಟ್ಟಬಹುದು. </p><p>ಮಳೆಯಲ್ಲಿ ನೆನೆಯುವುದಕ್ಕೆ ಯಾರಿಗೆ ತಾನೇ ಇಷ್ಟವಿಲ್ಲ. ಪುಟಿದೇಳುವ ಮಕ್ಕಳು ಚಿಟಪಟ ಮಳೆಯಲ್ಲಿ ಹೆಜ್ಜೆಹಾಕುತ್ತ, ಕುಣಿಯುತ್ತ ನೆನೆಯಲು ಇಷ್ಟಪಡುತ್ತಾರೆ.</p><p>ಗಾಳಿ, ಮಳೆಗೆ ಬೇಗನೆ ಶೀತವಾಗುವ ಪರಿಸ್ಥಿತಿ ಇದ್ದರೆ ಆದಷ್ಟು ಬೆಚ್ಚಗಿನ ಉಡುಪುಗಳಿಗೆ ಆದ್ಯತೆ ಕೊಡಿ. ಶಾಲೆಗೆ ಹೋಗುವ ಮಕ್ಕಳಾದರೆ ಸಮವಸ್ತ್ರದೊಂದಿಗೆ ರೇನ್ಕೋಟ್ ಜತೆ ಇರಲಿ. ಗಾಢ ಬಣ್ಣದ, ಚಿತ್ತಾರಗಳಿರುವ ರೇನ್ಕೋಟ್ಗಳಾದರೆ ಮಕ್ಕಳು ಇಷ್ಟಪಟ್ಟು ಧರಿಸುತ್ತಾರೆ.</p><p>ಪುಸ್ತಕ ಹಾಗೂ ಅಧ್ಯಯನ ಸಾಮಗ್ರಿ ನೆನೆಯದಂತಿರಲು ವಾಟರ್ಪ್ರೂಫ್ ಬ್ಯಾಗ್ಗಳನ್ನು ನೀಡಿ. </p><p>ಮಕ್ಕಳಿಗೆ ಸಾಧ್ಯವಾದಷ್ಟು ಗಾಢ ಬಣ್ಣದ ಬಟ್ಟೆಗಳನ್ನು ಆಯ್ಕೆ ಮಾಡಿ. ಒಂದೊಮ್ಮೆ ರಸ್ತೆಯ ಕೆಸರು ತಾಕಿದರೂ ಎದ್ದು ಕಾಣದಂತೆ ಮರೆಮಾಚುತ್ತದೆ. ಸಿಂಥೆಟಿಕ್ ಮತ್ತು ಉಣ್ಣೆಯ ಮಾದರಿಯ ಬಟ್ಟೆಗಳನ್ನು ಹೆಚ್ಚಾಗಿ ಬಳಸಿ ಇದು ಮಕ್ಕಳನ್ನು ಬೆಚ್ಚಗಿಡುತ್ತದೆ.</p><p>ಅಡಿಯಿಂದ ಮುಡಿಯವರೆಗೆ ಮಕ್ಕಳನ್ನು ಬೆಚ್ಚಗಿಡಲು ಪ್ರಯತ್ನಿಸಿ. ಸಾಧ್ಯವಾದಷ್ಟು ನೀರು ಹೀರುವ ಹತ್ತಿ ಬಟ್ಟೆಗಳನ್ನು ಬಳಸಬೇಡಿ.</p><p>ಮಕ್ಕಳ ಪಾದಗಳಿಗೆ ಉಣ್ಣೆಯ ಸಾಕ್ಸ್ಗಳನ್ನು ಹಾಕಿ. ವಾಟರ್ ಪ್ರೂಫ್ ಬೂಟ್ಗಳ ಬಳಕೆ ಹೆಚ್ಚಿರಲಿ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>