ಮನೆಯೇ ಮಂತ್ರಾಲಯ

ಹೌದಲ್ವ, ಮನೆಯೊಂದು ದೇವಾಲಯವಿದ್ದಂತೆ, ಜೀವಂತಿಕೆ ತುಂಬಿದ ಮನೆಯದು ದಾಂಪತ್ಯದ ಸೊಗಸಿಗೊಂದು ಗರಿ ಸೇರಿಸಿದಂತೆ. ಗಂಡ-ಹೆಂಡತಿ, ಅಪ್ಪ-ಅಮ್ಮ, ಮಕ್ಕಳು, ಸೋದರ-ಸೋದರಿಯರು, ಭಾವ-ನಾದಿನಿ, ಅಣ್ಣ-ಅತ್ತಿಗೆ ಸಂಬಂಧಗಳನ್ನೆಲ್ಲಾ ಬೆಸೆದ ಕೊಂಡಿಯದು. ಇಂತಹ ಮನೆ ಭಾವಿಸಲಷ್ಟೇ ಅಲ್ಲದೇ ನೋಡಲೂ ಸೊಗಸಾಗಿದ್ದರೆ ಮತ್ತಷ್ಟು ಚಂದವಲ್ಲವೇ?

. ನಾನೊಬ್ಬಳು ಉದ್ಯೋಗಸ್ಥ ಮಹಿಳೆ ಅಂದ ಮೇಲೆ ಮನೆಗೆಲಸ ಕೆಲವೊಮ್ಮೆ ಹೊರೆ ಎನಿಸುವುದು ಸಹಜ. ಆದರೆ ನನ್ನ ಪತಿರಾಯರು ನೀಡುವ ನೆರವದು ನನಗೆ ಸಾವಿರ ಆನೆಯ ಬಲವಿದ್ದಂತೆ. ಇಪ್ಪತ್ತು ವರ್ಷಗಳ ದಾಂಪತ್ಯದ ಬದುಕಿನಲ್ಲಿ ಮನೆಗೆಲಸಗಳಲ್ಲಿ ನನ್ನೊಂದಿಗೆ ನನ್ನವರು ಕೈಜೋಡಿಸದ ದಿನಗಳು ಬಹು ಅಪರೂಪ. ಅವರಿಗೆ ಆ ಕುರಿತಾಗಿ ಯಾವ ಕೀಳರಿಮೆಯೂ ಇಲ್ಲ. ಪ್ರತಿದಿನ ಬೆಳಗ್ಗೆ 5 ಗಂಟೆಗೆ ಶುರುವಾಗುವ ನಮ್ಮಿಬ್ಬರ ದಿನಚರಿ ರಾತ್ರಿ 11ಕ್ಕೆ ಮುಗಿಯುವಷ್ಟರಲ್ಲಿ ಸಾಕೇ ಸಾಕಾಗಿರುತ್ತದೆ. ಬಹುಶಃ ನನ್ನವರ ಸಹಕಾರವಿರದಿದ್ದರೆ ವರ್ಗಾವಣೆಯ ಶಿಕ್ಷೆ, ಓಡಾಟದ ಬವಣೆಯ ನಡುವೆ ನಾನೆಂದೋ ನನ್ನ ನೌಕರಿಗೆ ವಿದಾಯ ಹೇಳಬೇಕಾಗಿತ್ತೇನೋ. ಮನೆಗೆ ಬಂದವರೆಲ್ಲ ಮನೆ ತುಂಬಾ ಚೊಕ್ಕವಾಗಿದೆ ಎಂದಾಗ ಮನಸು ಮೊದಲು ಕೃತಜ್ಞತೆ ಸಲ್ಲಿಸುವುದು ನನ್ನವರಿಗೇನೇ.

. ತಮ್ಮ ವೃತ್ತಿ ಬದುಕಿನಲ್ಲಿ ಅದೆಷ್ಟೇ ಒತ್ತಡಗಳಿದ್ದರೂ ಅವರ ದಿನಚರಿಯೆಂದೂ ಬದಲಾಗಿಲ್ಲ. ಬೆಳಗೆದ್ದು ಮನೆ ಸ್ವಚ್ಚಗೊಳಿಸುವುದರಿಂದ ಹಿಡಿದು ನನ್ನೆಲ್ಲಾ ಕೆಲಸಗಳಲ್ಲೂ ಕೈಜೋಡಿಸುವ ನನ್ನವರು ಸದಾ ಚಟುವಟಿಕೆಯಿಂದ ಇರಬಯಸುವವರು. ಮಗಳ ಕೆಲಸವೆಂದರಂತೂ ಒಂದು ಹೆಜ್ಜೆ ಮುಂದೆಯೇ. ಹೆಣ್ಣಿನ ಸಹಜ ದೈಹಿಕ ತಾಪತ್ರಯಗಳು ನನ್ನನ್ನೂ ಕಾಡುವಾಗ ಎಷ್ಟೋ ಬಾರಿ ಅವರೇ ಎಲ್ಲಾ ಕೆಲಸಗಳನ್ನೂ ನಿಭಾಯಿಸಿರುವುದುಂಟು, ಅಪ್ಪ-ಅಮ್ಮನ ಅನಾರೋಗ್ಯವೆಂದು ನಾನು ಆಸ್ಪತ್ರೆಯಲ್ಲೇ ಉಳಿಯಬೇಕಾದ ದಿನಗಳಲ್ಲೂ ಮಗಳ ಕಾಲೇಜಿಗೆ ತೊಂದರೆಯಾಗದಂತೆ ತಿಂಡಿ-ಊಟ, ಮನೆಗೆಲಸ ಎಲ್ಲವನ್ನೂ ನಿಭಾಯಿಸಿದವರು ನನ್ನವರು.

. ಅನಿವಾರ್ಯವಾಗಿ ಚಿಕ್ಕಂದಿನಿಂದಲೂ ಬೇರೆಯವರ ಮನೆಯಲ್ಲಿ ಬೆಳೆದ ನನ್ನವರಿಗೆ ಅಲ್ಲಿಂದ ಶುರುವಾದ ಮನೆಗೆಲಸದ ಶಿಕ್ಷೆ ನನ್ನೊಂದಿಗಿನ ದಾಂಪತ್ಯದಿಂದಾಗಿ ಶಾಪವಾಗಿಬಿಟ್ಟಿತಾ ಎಂದು ಒಮ್ಮೊಮ್ಮೆ ಅನಿಸುವುದುಂಟು. ಎಷ್ಟೋ ಬಾರಿ ಇರುವ ನೌಕರಿಗೆ ವಿದಾಯ ಹೇಳಿ ಇನ್ನು ಮುಂದೆಯಾದರೂ ಅವರಿಗೆ ಮನೆಗೆಲಸದ ಹೊರೆ ತಪ್ಪಿಸುವ ಮನಸ್ಸಿದೆ. ಆ ದಿನಗಳಿಗಾಗಿ ಕಾತುರದಿಂದ ಕಾಯ್ತಾ ಇದೀನಿ.

. ಎಂ.ಭಾರತಿ, ತುಮಕೂರು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮನೆಯೇ ಮಂತ್ರಾಲಯ

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಚಿನಕುರುಳಿ Cartoon: 07 ಜುಲೈ 2025

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

RSA vs ZIM Test | ಮಲ್ಡರ್‌ ಅಜೇಯ 367 ‘ಡಿಕ್ಲೇರ್’: ಲಾರಾ ದಾಖಲೆ ಸುರಕ್ಷಿತ

ಲೈಂಗಿಕ ದೌರ್ಜನ್ಯ; ಆರ್‌ಸಿಬಿ ಆಟಗಾರ ಯಶ್ ದಯಾಳ್ ವಿರುದ್ಧ ಎಫ್‌ಐಆರ್

ನೋಂದಣಿಯಾಗದ ಕೋಚ್‌ಗಳಿಗೆ ಭಾರತ ಅಥ್ಲೆಟಿಕ್ಸ್‌ ಫೆಡರೇಷನ್‌ ಕಡಿವಾಣ

ಪುರುಷರ ಡಬಲ್ಸ್‌ ಟೆನಿಸ್: ಯುಕಿ– ಗ್ಯಾಲವೆ ಜೋಡಿಗೆ ನಿರಾಸೆ

ಫುಟ್ಬಾಲ್‌ ಆಟಗಾರ ಸ್ಟೀಫನ್‌ ನಿಧನ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಚಿನಕುರುಳಿ Cartoon: 07 ಜುಲೈ 2025

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

RSA vs ZIM Test | ಮಲ್ಡರ್‌ ಅಜೇಯ 367 ‘ಡಿಕ್ಲೇರ್’: ಲಾರಾ ದಾಖಲೆ ಸುರಕ್ಷಿತ