ಸೋಮವಾರ, 22 ಏಪ್ರಿಲ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

Budget 2024 Live Updates | ಆರ್ಥಿಕ ಸ್ಥಿತಿಗತಿ ಕುರಿತು ಸರ್ಕಾರದಿಂದ ಶ್ವೇತಪತ್ರ: ನಿರ್ಮಲಾ
LIVE

Published 1 ಫೆಬ್ರುವರಿ 2024, 2:49 IST
Last Updated 1 ಫೆಬ್ರುವರಿ 2024, 8:00 IST
ಅಕ್ಷರ ಗಾತ್ರ
06:5101 Feb 2024

ಹಣಕಾಸು ಮಸೂದೆ–2024 ಅನ್ನು ಲೋಕಸಭೆ ಅಂಗೀಕರಿಸಿದೆ. ಬಜೆಟ್ ಅಧಿವೇಶನವನ್ನು ನಾಳೆಗೆ (ಫೆಬ್ರುವರಿ 2ಕ್ಕೆ) ಮುಂದೂಡಲಾಗಿದೆ.

59 ನಿಮಿಷ 15 ಸೆಕೆಂಡ್‌ಗಳಲ್ಲಿ ಬಜೆಟ್ ಭಾಷಣ ಮುಕ್ತಾಯ

ಪ್ರಸ್ತುತ ಹಣಕಾಸು ಕೊರತೆ ಶೇ 5.8 ರಷ್ಟಿದ್ದು, ಅದನ್ನು 2024–25ರ ಆರ್ಥಿಕ ವರ್ಷದಲ್ಲಿ ಶೇ 5.1ಕ್ಕೆ ಇಳಿಸುವ ಗುರಿ ಇಟ್ಟುಕೊಳ್ಳಲಾಗಿದೆ: ನಿರ್ಮಲಾ ಸೀತಾರಾಮನ್

2027ಕ್ಕೆ ವಿಕಸಿತ ಭಾರತ

  • ಎಲ್ಲರ ಸಮಗ್ರ ಅಭಿವೃದ್ಧಿ

  • 'ಪ್ರತಿಯೊಬ್ಬರ ಪ್ರಯತ್ನ' ಚಿಂತನೆಯಲ್ಲಿ 3ಡಿ (ಡೆಮಾಗ್ರಫಿ, ಡೆಮಾಕ್ರಸಿ, ಡೈವರ್ಸಿಟಿ) ಅಭಿವೃದ್ಧಿ.

ಆದ್ಯತೆಯ ವಲಯಗಳು: ಬಡವರ ಕಲ್ಯಾಣ–ದೇಶದ ಕಲ್ಯಾಣ, ಯುವ ಸಬಲೀಕರಣ, ರೈತರ ಕ್ಷೇಮಾಭ್ಯದಯ, ನಾರಿ ಶಕ್ತಿ

08:0001 Feb 2024
ಮಧ್ಯಂತರ ಬಜೆಟ್‌ ವ್ಯಾಪಕ ಮತ್ತು ವಿನೂತನವಾಗಿದೆ. ನಿರಂತರತೆಯ ವಿಶ್ವಾಸ ಇದರಲ್ಲಿದೆ. ವಿಕಸಿತ ಭಾರತದ ನಾಲ್ಕು ಆಧಾರ ಸ್ಥಂಭಗಳಾದ ಯುವ ಜನರು, ಬಡವರು, ಮಹಿಳೆಯರು ಮತ್ತು ರೈತರನ್ನು ಈ ಬಜೆಟ್‌ ಸಬಲೀಕರಣಗೊಳಿಸಲಿದೆ. 2047ರ ಹೊತ್ತಿಗೆ ಭಾರತವನ್ನು ಅಭಿವೃದ್ಧಿ ಹೊಂದಿದ ರಾಷ್ಟ್ರವಾಗಿಸುವ ಖಾತ್ರಿ ನೀಡಿದೆ.
–ನರೇಂದ್ರ ಮೋದಿ, ಪ್ರಧಾನ ಮಂತ್ರಿ
06:4601 Feb 2024
9ರಿಂದ 14 ವರ್ಷ ವಯಸ್ಸಿನ ಹೆಣ್ಣುಮಕ್ಕಳಿಗೆ ಗರ್ಭಕಂಠ ಕ್ಯಾನ್ಸರ್‌ ನಿರೋಧಕ ಲಸಿಕೆ ಹಾಕಿಸಲು ಸರ್ಕಾರ ಉತ್ತೇಜನ ನೀಡಲಿದೆ.
–ನಿರ್ಮಲಾ ಸೀತಾರಾಮನ್

ಸದ್ಯ ಇರುವ ಆಸ್ಪತ್ರೆಗಳಲ್ಲಿನ ಮೂಲಸೌಕರ್ಯಗಳನ್ನು ಬಳಸಿಕೊಂಡು ಹೆಚ್ಚಿನ ವೈದ್ಯಕೀಯ ಕಾಲೇಜುಗಳನ್ನು ಸ್ಥಾಪಿಸಲು ಸರ್ಕಾರ ಆದ್ಯತೆ ನೀಡಲಿದೆ

06:4601 Feb 2024

ಸುಸ್ಥಿರ ಅಭಿವೃದ್ಧಿ ಮತ್ತು ಉತ್ಪಾದಕತೆ ಹೆಚ್ಚಿಸುವ ಆರ್ಥಿಕತೆಯನ್ನು ಸರ್ಕಾರ ಅಳವಡಿಸಿಕೊಳ್ಳಲಿದೆ

06:4001 Feb 2024

ನೇರ ತೆರಿಗೆಗೆ ಸಂಬಂಧಿಸಿದ 1962ರಷ್ಟು ಹಳೆಯ ಹಲವು ವಿವಾದಗಳು ದಾಖಲೆಗಳಲ್ಲೇ ಉಳಿದಿವೆ. 2009 ರವರೆಗಿನ ₹ 25,000ಕ್ಕಿಂತ ಕಡಿಮೆ ಮೊತ್ತದ ವಿವಾದಗಳನ್ನು ತೆಗೆದುಹಾಕಲು ಪ್ರಸ್ತಾಪಿಸಲಾಗಿದೆ.

06:3301 Feb 2024
ಆರ್ಥಿಕ ಸ್ಥಿತಿಗತಿ ಕುರಿತು ಸರ್ಕಾರವು ಸಂಸತ್ತಿನಲ್ಲಿ ಶ್ವೇತಪತ್ರ ಹೊರಡಿಸಲಿದೆ.
–ನಿರ್ಮಲಾ ಸೀತಾರಾಮನ್
06:2401 Feb 2024

ಆದಾಯ ತೆರಿಗೆ

  • ತೆರಿಗೆ ದರಗಳಲ್ಲಿ ಯಥಾಸ್ಥಿತಿ

  • ₹ 7 ಲಕ್ಷದ ವರೆಗಿನ ಆದಾಯಕ್ಕೆ ಯಾವುದೇ ತೆರಿಗೆ ಹೊರೆ ಇಲ್ಲ

  • ಕಳೆದ 10 ವರ್ಷಗಳಲ್ಲಿ ತೆರಿಗೆ ಸಂಗ್ರಹ ದುಪ್ಪಟ್ಟು

ಆದಾಯ ಸ್ವೀಕೃತಿಗಳು ಬಜೆಟ್‌ನ ಅಂದಾಜಿಗಿಂತ ಸುಮಾರು ₹ 30.03 ಲಕ್ಷ ಕೋಟಿಗೂ ಅಧಿಕ ಇರಬಹುದು ಎಂದು ನಿರೀಕ್ಷಿಸಲಾಗಿದೆ. ತೆರಿಗೆ ಸ್ವೀಕೃತಿ 20.02 ಲಕ್ಷ ಕೋಟಿ ಇರಲಿದೆ ಎಂದು ಅಂದಾಜಿಸಲಾಗಿದೆ.
–ನಿರ್ಮಲಾ ಸೀತಾರಾಮನ್

ತಂತ್ರಜ್ಞಾನ ಪ್ರಿಯ ಯುವ ಜನಾಂಗಕ್ಕೆ ಇದೊಂದು ಸುವರ್ಣ ಕಾಲ. 50 ವರ್ಷಗಳ ಬಡ್ಡಿರಹಿತ ಸಾಲ ನೀಡುವುದಕ್ಕಾಗಿ 1 ಲಕ್ಷ ಕೋಟಿ ನಿಧಿ ಸ್ಥಾಪನೆ. ಇದು ದೀರ್ಘಕಾಲಿಕ ಹಣಕಾಸು ನೆರವು ಅಥವಾ ತೀರಾ ಕಡಿಮೆ ಬಡ್ಡಿ ಅಥವಾ ಶೂನ್ಯ ಬಡ್ಡಿಯಲ್ಲಿ ಹೆಚ್ಚುವರಿ ಹಣಕಾಸು ನೆರವು

06:2401 Feb 2024

ಮಧ್ಯಮ ವರ್ಗದವರಿಗೆ ಮನೆ

ಬಾಡಿಗೆ, ಸ್ಲಂ ಅಥವಾ ಅನಧಿಕೃತ ಕಾಲನಿಗಳಲ್ಲಿ ವಾಸಿಸುತ್ತಿರುವ ಮಧ್ಯಮ ವರ್ಗದವರಿಗೆ ಮನೆ ಕಟ್ಟಲು ಅಥವಾ ಖರೀದಿಸಲು ನೆರವು.

06:2301 Feb 2024

ಜನಸಂಖ್ಯೆ ವಿಪರೀತ ಏರಿಕೆಯಿಂದ ಸಂಭವನೀಯ ಸವಾಲುಗಳ ನಿರ್ವಹಣೆಗೆ ಉನ್ನತ ಮಟ್ಟದ ಸಮಿತಿ ರಚನೆಗೆ ಒತ್ತು..

06:1901 Feb 2024

ಪ್ರವಾಸೋದ್ಯಮ

  • ಪ್ರವಾಸಿ ತಾಣಗಳ ಅಭಿವೃದ್ಧಿಗೆ ರಾಜ್ಯಗಳಿಗೆ ಉತ್ತೇಜನ

  • ದ್ವೀಪ ಪ್ರದೇಶಗಳಲ್ಲಿ ಬಂದರು ಸಂಪರ್ಕ ಮತ್ತು ಪ್ರವಾಸೋದ್ಯಮ ಅಭಿವೃದ್ಧಿ