ದೇಶದಲ್ಲಿ 1,058 ಕಿ.ಮೀ ಮೆಟ್ರೊ ರೈಲು ಮಾರ್ಗದ ನಿರ್ಮಾಣ ಪ್ರಗತಿಯಲ್ಲಿ: ಸಚಿವ ಪುರಿ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ‘ದೇಶದಾದ್ಯಂತ 27 ನಗರಗಳಲ್ಲಿ 1,058 ಕಿ.ಮೀ ಉದ್ದದ ಮೆಟ್ರೊ ರೈಲು ಮಾರ್ಗದ ನಿರ್ಮಾಣ ಕಾಮಗಾರಿ ಪ್ರಗತಿಯಲ್ಲಿದೆ’ ಎಂದು ವಸತಿ ಮತ್ತು ನಗರ ವ್ಯವಹಾರಗಳ ಸಚಿವ ಹರದೀಪ್ ಸಿಂಗ್ ಪುರಿ ಶುಕ್ರವಾರ ತಿಳಿಸಿದರು.
ದೆಹಲಿ ಮೆಟ್ರೊ ಸೇವೆಯ ಗುಲಾಬಿ ಮಾರ್ಗದಲ್ಲಿರುವ ಮಯೂರ್ ವಿಹಾರ್ ಪಾಕೆಟ್–1 ಮತ್ತು ತ್ರಿಲೋಕಪುರಿ ಸಂಜಯ್ ಲೇಕ್ ನಿಲ್ದಾಣಗಳ ನಡುವಿನ 289 ಮೀಟರ್‌ ಉದ್ದದ ರೈಲು ಮಾರ್ಗವನ್ನು ಹರದೀಪ್ ಸಿಂಗ್ ಅವರು ವಿಡಿಯೊ ಕಾನ್ಫರೆನ್ಸ್‌ ಮೂಲಕ ಶುಕ್ರವಾರ ಉದ್ಘಾಟಿಸಿದರು.
ಈ ಬಳಿಕ ಮಾತನಾಡಿದ ಅವರು, ‘ದೆಹಲಿ ಮೆಟ್ರೊ ರೈಲು ನಿಗಮವು (ಡಿಎಂಆರ್‌ಸಿ) ನಗರ ಸಂಚಾರ ವ್ಯವಸ್ಥೆಯ ಪ್ರಮುಖ ಭಾಗವಾಗಿದೆ. ಇದೀಗ ತ್ರಿಲೋಕಪುರಿ ಸಂಜಯ್ ಲೇಕ್‌ಗೂ ಗುಲಾಬಿ ಮಾರ್ಗದ ಮೂಲಕ ಸಂಪರ್ಕ ಕಲ್ಪಿಸಲಾಗಿದೆ’ ಎಂದರು.
‘ಪ್ರಸ್ತುತ, ದೇಶದ 18 ನಗರಗಳಲ್ಲಿ 721 ಕಿ.ಮೀ ಉದ್ದದ ಮೆಟ್ರೊ ರೈಲು ಮಾರ್ಗ ಕಾರ್ಯನಿರ್ವಹಿಸುತ್ತಿದೆ’ ಎಂದು ಅವರು ಹೇಳಿದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
