ಮಂಗಳವಾರ, ಜನವರಿ 18, 2022
27 °C

ಇಟಲಿಯಿಂದ ಅಮೃತಸರಕ್ಕೆ ಬಂದ 150 ಪ್ರಯಾಣಿಕರಿಗೆ ಕೋವಿಡ್

ಪ್ರಜಾವಾಣಿ ವೆಬ್‌ ಡೆಸ್ಕ್ Updated:

ಅಕ್ಷರ ಗಾತ್ರ : | |

ಅಮೃತಸರ: ಇಟಲಿಯಿಂದ ಪಂಜಾಬ್‌ನ ಅಮೃತಸರಕ್ಕೆ ಆಗಮಿಸಿರುವ 150 ಅಂತರರಾಷ್ಟ್ರೀಯ ಪ್ರಯಾಣಿಕರಿಗೆ ಕೋವಿಡ್-19 ದೃಢಪಟ್ಟಿದೆ. ಒಟ್ಟು 190 ಪ್ರಯಾಣಿಕರು ಇಟಲಿಯ ರೋಮ್‌ನಿಂದ ನಗರಕ್ಕೆ ಪ್ರಯಾಣ ಬೆಳೆಸಿದ್ದರು. ಸದ್ಯ ಸೋಂಕಿತರನ್ನು ಐಸೊಲೇಷನ್ ವಾರ್ಡ್‌ಗಳಿಗೆ ಸ್ಥಳಾಂತರಿಸಲಾಗಿದೆ.

ಇಟಲಿಯ ಮಿಲಾನ್ ನಗರದಿಂದ ಬಂದ 125 ಪ್ರಯಾಣಿಕರಲ್ಲಿ ಗುರುವಾರ ಸೋಂಕು ಕಾಣಿಸಿಕೊಂಡಿತ್ತು. ಪೋರ್ಚುಗಲ್ ಮೂಲದ ವಿಮಾನಯಾನ ಸಂಸ್ಥೆ ಯೂರೋ ಅಟ್ಲಾಂಟಿಕ್ ಏರ್‌ವೇಸ್‌ನ YU-661 ವಿಮಾನದಲ್ಲಿ ಅವರೆಲ್ಲ ಪ್ರಯಾಣಿಸಿದ್ದರು.

ಇಟಲಿಯನ್ನು 'ಕೋವಿಡ್‌-19 ಅಪಾಯಕಾರಿ ರಾಷ್ಟ್ರ'ವೆಂದು ಕೇಂದ್ರ ಆರೋಗ್ಯ ಸಚಿವಾಲಯವು ಗುರುತಿಸಿದೆ.

ದೇಶದ ಹತ್ತು ವಿಮಾನ ನಿಲ್ದಾಣಗಳಿಗೆ ಜನವರಿ 6ರಂದು ಆಗಮಿಸಿದ 2,437 ಪ್ರಯಾಣಿಕರನ್ನು ಕೋವಿಡ್ ಪರೀಕ್ಷೆಗೆ ಒಳಪಡಿಸಲಾಗಿದ್ದು, ಅದರಲ್ಲಿ 140 ಮಂದಿಗೆ ಸೋಂಕು ಖಚಿತವಾಗಿದೆ ಎಂದು ಭಾರತೀಯ ವಿಮಾನಯಾಣ ಪ್ರಾಧಿಕಾರ (ಎಎಐ) ತಿಳಿಸಿದೆ.

ಭಾರತಕ್ಕೆ ಬರುವ ಅಂತರರಾಷ್ಟ್ರೀಯ ಪ್ರಯಾಣಿಕರು 7 ದಿನ ಕಡ್ಡಾಯವಾಗಿ ಕ್ವಾರಂಟೈನ್‌ನಲ್ಲಿ ಇರಬೇಕು ಎಂದು ಈಗಾಗಲೇ ಕೇಂದ್ರ ಆರೋಗ್ಯ ಇಲಾಖೆ ಪ್ರಕಟಿಸಿದೆ.

ಇವ​ನ್ನೂ ಓದಿ
ಇಟಲಿಯಿಂದ ಅಮೃತಸರಕ್ಕೆ ಬಂದಿಳಿದ 125 ಪ್ರಯಾಣಿಕರಿಗೆ ಕೋವಿಡ್

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು