ಶುಕ್ರವಾರ, ಅಕ್ಟೋಬರ್ 23, 2020
21 °C

ಪ್ರಾಬಲ್ಯ ಕಳೆದುಕೊಂಡಿರುವ ಎಕ್ಯೂಐಎಸ್ ಸಂಘಟನೆ: ಅಮೆರಿಕ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ವಾಷಿಂಗ್ಟನ್‌: ‘ಜಾಗತಿಕ ನಿಷೇಧಕ್ಕೊಳಗಾಗಿರುವ ಭಾರತ ಉಪಖಂಡದ ಅಲ್–ಕೈದಾ (ಎಕ್ಯೂಐಎಸ್) ಉಗ್ರ ಸಂಘಟನೆ ಈಗ ಸಣ್ಣ ಪ್ರಮಾಣದ ಪ್ರಾದೇಶಿಕ ದಾಳಿ ನಡೆಸಲು ಮಾತ್ರವೇ ಸಮರ್ಥವಾಗಿದೆ’ ಎಂದು ಅಮೆರಿಕದ ಭಯೋತ್ಪಾದನಾ ನಿಗ್ರಹ ದಳದ ಉನ್ನತ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಭಯೋತ್ಪಾದನೆಯ ಪ್ರಭಾವವನ್ನು ವಿಸ್ತರಿಸಲು 2014 ರಲ್ಲಿ ಈ ಸಂಘಟನೆಯನ್ನು ಅಲ್-ಕೈದಾ ಮುಖ್ಯಸ್ಥ ಅಮಾನ್ ಅಲ್‌ ಜವಾಹ್ರಿ ಪ್ರಾರಂಭಿಸಿದ್ದ. 

‘ದಕ್ಷಿಣ ಏಷ್ಯಾದಲ್ಲಿ ಎಕ್ಯೂಐಎಸ್ ಮುಖಂಡನಾಗಿದ್ದ ಅಸಿಮ್ ಉಮರ್ ಹತ್ಯೆಯ ನಂತರ ಸಂಘಟನೆ ಪ್ರಾಬಲ್ಯ ಗಳಿಸಲು ಹೆಣಗಾಡುತ್ತಿದೆ’ ಎಂದು ರಾಷ್ಟ್ರೀಯ ಭಯೋತ್ಪಾದನಾ ನಿಗ್ರಹ ಕೇಂದ್ರದ ಕ್ರಿಸ್ಟೋಫರ್ ಮಿಲ್ಲರ್ ಅವರು ಸಂಸತ್‌ ಸಮಿತಿಗೆ ಮಾಹಿತಿ ನೀಡಿದ್ದಾರೆ. 

‘ಭಯೋತ್ಪಾದನೆ ವಿರುದ್ಧದ ಜಾಗತಿಕ ಯುದ್ಧವು ಪ್ರಾರಂಭವಾಗಿ ಎರಡು ದಶಕ ಕಳೆದಿದ್ದು, ಈ ಸಂದರ್ಭದಲ್ಲಿ ಅಮೆರಿಕ ಎದುರಾಳಿಗಳನ್ನು ಗಮನಾರ್ಹವಾಗಿ ಎದುರಿಸಿದ್ದು, ಅವರ ಪ್ರಾಬಲ್ಯ ತಗ್ಗಿಸಲು ಕಠಿಣ ಕ್ರಮಗಳನ್ನು ತೆಗೆದುಕೊಂಡಿದೆ’ ಎಂದು ಹೇಳಿದ್ದಾರೆ. 

ಆಂತರಿಕ ಭದ್ರತೆ ಮತ್ತು ಆಡಳಿತಾತ್ಮಕ ವ್ಯವಹಾರಗಳ ಸೆನೆಟ್ ಸಮಿತಿಗೆ ‘ಆಂತರಿಕ ಭದ್ರತೆಗೆ ಬೆದರಿಕೆ’ ಸಂಬಂಧಿಸಿದ ವರದಿ ನೀಡಿರುವ ಅಮೆರಿಕದ ಭಯೋತ್ಪಾದನೆ ನಿಗ್ರಹ ದಳದ ಅಧಿಕಾರಿ, ‘ಕಳೆದ ಮಾರ್ಚ್‌ ಮಧ್ಯ ಭಾಗದಲ್ಲಿ, ನವಾಯಿ ಅಫ್ಗನ್‌ ಜಿಹಾದ್ ಕುರಿತು ವಿಶೇಷ ಸಂಚಿಕೆ ಹೊರತಂದಿದ್ದ ಆಕಿಸ್‌ ಪತ್ರಿಕೆ, ತಾಲಿಬಾನ್– ಅಮೆರಿಕ ಒಪ್ಪಂದಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿತ್ತು. ಅದರಲ್ಲಿಯೂ, ಅಲ್‌ ಕೈದಾ ನಾಯಕರ ಹೇಳಿಕೆಗಳನ್ನು ಆದ್ಯತೆ ಮೇರೆಗೆ ಪ್ರಕಟಿಸಿತ್ತು’ ಎಂದು ಹೇಳಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು