ನವದೆಹಲಿ: ಆಮ್ಲಜನಕ ಲಭ್ಯತೆ ಮತ್ತು ಪೂರೈಕೆ, ಕೋವಿಡ್ 19 ಸೋಂಕಿನ ಭೀಕರತೆಯಿಂದ ಜನರು ಕಂಗೆಟ್ಟಿರುವಾಗ ಬಿಹಾರ ಸರ್ಕಾರ ಜನರು ಮನೆಯೊಳಗೆ ಗಿಡಗಳನ್ನು ಬೆಳೆಸುವಂತೆ ಕರೆ ನೀಡಿದೆ.
ಶುದ್ಧ ಮತ್ತು ಹೆಚ್ಚಿನ ಪ್ರಮಾಣದ ಆಮ್ಲಜನಕ ನೀಡುವ ಗಿಡಗಳನ್ನು ಮನೆಯೊಳಗೆ ಬೆಳೆಸಿ ಎನ್ನುವ ಆಶಯದೊಂದಿಗೆ ಶುಕ್ರವಾರ ಬಿಹಾರ ಸರ್ಕಾರ #NatureCuresYou ಎನ್ನುವ ಅಭಿಯಾನವನ್ನು ಪರಿಸರ, ಅರಣ್ಯ ಇಲಾಖೆ ಸಹಯೋಗದಲ್ಲಿ ಆರಂಭಿಸಿದೆ.
ಔಷಧೀಯ ಗುಣಗಳನ್ನು ಹೊಂದಿರುವ ಗಿಡಗಳನ್ನು ಮನೆಯೊಳಗೆ ಬೆಳೆಸುವುದರಿಂದ, ಸಹಜವಾಗಿ ಶುದ್ಧ ಆಮ್ಲಜನಕ ಜನರಿಗೆ ದೊರೆಯುತ್ತದೆ ಎಂದು ಸರ್ಕಾರ ಹೇಳಿದೆ.
ಜತೆಗೆ ಅಭಿಯಾನದಡಿ ಜನರು ಗಿಲೊಯ್, ಕಾಲಿಮಿರ್ಚ್ ಮತ್ತು ಪಿಪ್ಪಾಲಿಯಂತಹ ಗಿಡಗಳನ್ನು ಸುಲಭದಲ್ಲಿ ಮನೆಯಲ್ಲಿಯೇ ಬೆಳೆಸುವಂತೆ ಕರೆ ನೀಡಿದೆ.
