ಜಾರ್ಖಂಡ್: ಹಳಿಯಲ್ಲಿ ಸ್ಫೋಟ– ಹಳಿತಪ್ಪಿದ ಎಂಜಿನ್ 

ಧನಬಾದ್‌ನ ಗರ್ವಾ ರಸ್ತೆ ಮತ್ತು ಬರ್ಕಾನಾ ನಡುವೆ ಬಾಂಬ್ ಸ್ಫೋಟ ಸಂಭವಿಸಿದೆ ಎಂದು ರೈಲ್ವೆ ಹೇಳಿದೆ.

‘ದುಷ್ಕರ್ಮಿಗಳು ನಡೆಸಿದ ಬಾಂಬ್ ಸ್ಫೋಟದಿಂದಾಗಿ ಧನ್‌ಬಾದ್ ವಿಭಾಗದ ಡೀಸೆಲ್ ಲೊಕೊ ಹಳಿ ತಪ್ಪಿದೆ‘ ಎಂದು ರೈಲ್ವೆ ಇಲಾಖೆ ಹೇಳಿದೆ.

ಇದು ನಕ್ಸಲ್ ಸಂಬಂಧಿತ ಕೃತ್ಯ ಎಂದು ಮೂಲಗಳು ತಿಳಿಸಿವೆ. ಯಾವುದೇ ಸಾವು-ನೋವಿನ ವರದಿಯಾಗಿಲ್ಲ.

ಹಿರಿಯ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿದ್ದು, ಹಳಿ ಮರುಸ್ಥಾಪನೆಯ ಕೆಲಸವನ್ನು ಕೈಗೆತ್ತಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.