ನವದೆಹಲಿ (ಪಿಟಿಐ): ಪಂಜಾಬ್ನ ಭಾರತ–ಪಾಕಿಸ್ತಾನ ಅಂತರರಾಷ್ಟ್ರೀಯ ಗಡಿ ಬಳಿ ಪಾಕಿಸ್ತಾನದ ಡ್ರೋನ್ನನ್ನು ಗಡಿ ಭದ್ರತಾ ಪಡೆ (ಬಿಎಸ್ಎಫ್) ಹೊಡೆದುರುಳಿಸಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ಬುಧವಾರ ತಿಳಿಸಿದ್ದಾರೆ.
ಫಿರೋಜ್ಪುರ ವಲಯದಲ್ಲಿ ‘ದ ಹೆಕ್ಸ್ ಕಾಪ್ಟರ್’ ಡ್ರೋನ್ಅನ್ನು ಮಂಗಳವಾರ ರಾತ್ರಿ 11.25ಕ್ಕೆ ಗುಂಡಿಕ್ಕಿ ಉರುಳಿಸಲಾಯಿತು. ಬಿಎಸ್ಎಫ್ ಮತ್ತು ಸ್ಥಳೀಯ ಪೊಲೀಸರ ಜಂಟಿ ತಂಡವು ಡ್ರೋನ್ಅನ್ನು ಬುಧವಾರ ಬೆಳಿಗ್ಗೆ ವಶಕ್ಕೆ ತೆಗೆದುಕೊಂಡಿತು ಎಂದು ಅವರು ತಿಳಿಸಿದ್ದಾರೆ.