ಮಂಗಳವಾರ, ನವೆಂಬರ್ 24, 2020
22 °C
ಹಬ್ಬದ ಜನಸಂದಣಿಯಿಂದ ಹರಡುವಿಕೆ ಅಪಾಯ

ಕೋವಿಡ್‌: ಮತ್ತೆ ಏರಿಕೆ ಕಳವಳ, 49,881 ಹೊಸ ಪ್ರಕರಣಗಳು ದೃಢ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ನವದೆಹಲಿ: ಇಳಿಮುಖದತ್ತ ಸಾಗಿದ್ದ ಕೋವಿಡ್‌ ಹೊಸ ಪ್ರಕರಣಗಳ ಸಂಖ್ಯೆ ಕಳೆದ ಎರಡು ದಿನಗಳಿಂದ ಮತ್ತೆ ಏರಿಕೆ
ಕಾಣತೊಡಗಿದೆ. ಕೇರಳ, ದೆಹಲಿ ಮತ್ತುಪಶ್ಚಿಮ ಬಂಗಾಳ ರಾಜ್ಯಗಳಲ್ಲಿ ಹೊಸ ಪ್ರಕಣಗಳು ಹೆಚ್ಚಿನ ಸಂಖ್ಯೆಯಲ್ಲಿ ವರದಿ ಆಗುತ್ತಿವೆ.  ಕೇರಳ, ದೆಹಲಿ ಮತ್ತು ಪಶ್ಚಿಮ ಬಂಗಾಳದಲ್ಲಿ ಪ್ರಕರಣಗಳ ಸಂಖ್ಯೆ ತೀವ್ರ ಗತಿಯಲ್ಲಿ ಏರಿಕೆ ಆಗುತ್ತಿರುವುದು ಕಳವಳಕ್ಕೆ ಕಾರಣವಾಗಿದೆ.

ಗುರುವಾರ ಬೆಳಗ್ಗೆ 8 ಗಂಟೆಯವರೆಗಿನ 24 ತಾಸುಗಳಲ್ಲಿ 49,881ಹೊಸ ಪ್ರಕರಣಗಳು ದೃಢಪಟ್ಟಿವೆ. ಬುಧ
ವಾರ 43,893 ಪ್ರಕರಣಗಳು ವರದಿಯಾಗಿದ್ದವು. ಮಂಗಳವಾರ ಅತ್ಯಂತ ಕಡಿಮೆ ಅಂದರೆ 36,470 ಪ್ರಕರಣಗಳು ಮಾತ್ರ ದೃಢಪಟ್ಟಿದ್ದವು ಎಂದು ಕೇಂದ್ರಆರೋಗ್ಯ ಸಚಿವಾಲಯದ ಮಾಹಿತಿಹೇಳುತ್ತದೆ. ಅದೇ ದಿನ ಕೋವಿಡ್‌ನಿಂದಾದ ಮರಣ ಸಂಖ್ಯೆ ಕೂಡ ಹಲವು ವಾರಗಳ ಬಳಿಕ 500ರ ಒಳಗೆ ಕುಸಿದಿತ್ತು. ಗುರುವಾರದ ಮಾಹಿತಿ ಪ್ರಕಾರ, ಹಿಂದಿನ 24 ತಾಸುಗಳಲ್ಲಿ ಕೋವಿಡ್‌ನಿಂದ ಮೃತಪಟ್ಟವರ ಸಂಖ್ಯೆ 517.

ಹೆಚ್ಚಳಕ್ಕೆ ಕಾರಣವೇನು?: ಹಬ್ಬಗಳಿಂದಾಗಿ ಜನರ ಒಟ್ಟು ಸೇರುವಿಕೆ, ಗಾಳಿಯ ಗುಣಮಟ್ಟ ಕುಸಿತ, ಉಸಿರಾಟದ ಸಮಸ್ಯೆಗಳಲ್ಲಿ ಹೆಚ್ಚಳ, ಕೆಲಸದ ಸ್ಥಳಗಳಲ್ಲಿ ಸೋಂಕು ಹರಡುವಿಕೆಯು ಪ್ರಕರಣಗಳ ಏರಿಕೆಗೆ ಮುಖ್ಯ ಕಾರಣ ಎಂದು ಆರೋಗ್ಯ ಸಚಿವಾಲಯದ ಅಧಿಕಾರಿಗಳು ಹೇಳಿದ್ದಾರೆ. 

ಹಬ್ಬಗಳು ಸೋಂಕು ಹರಡುವಿಕೆಗೆ ಮುಖ್ಯ ಕಾರಣ ಆಗಿರುವುದು ಕಳವಳ ಸೃಷ್ಟಿಸಿದೆ. ಹಾಗಾಗಿ, ಈ ವಿಚಾರದಲ್ಲಿ ಜಾಗೃತಿ ಮೂಡಿಸುವಂತೆ, ಮಾಸ್ಕ್‌ ಧರಿಸುವುದು, ಅಂತರ ಕಾಯ್ದುಕೊಳ್ಳುವುದು ಮುಂತಾದ ಎಚ್ಚರ ವಹಿಸಲು ಜನರಿಗೆ ತಿಳಿಸುವಂತೆ ರಾಜ್ಯಗಳಿಗೆ ಸೂಚಿಸಲಾಗಿದೆ. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು