ಡಿಎಂಕೆ ಸಂಸದನ ₹8.60 ಕೋಟಿ ಮೌಲ್ಯದ ಆಸ್ತಿ ಜಪ್ತಿ

ಗೌತಮ್‌, ಕಲ್ಲಕುರುಚ್ಚಿ ಲೋಕಸಭಾ ಕ್ಷೇತ್ರದ ಸಂಸದರಾಗಿದ್ದಾರೆ. ಎಫ್‌ಇಎಂಎಯ ಸೆಕ್ಷನ್‌ 37ಎಯಡಿ ಜಪ್ತಿ ಆದೇಶವನ್ನು ಹೊರಡಿಸಲಾಗಿದೆ ಎಂದು ಪ್ರಕಟಣೆಯಲ್ಲಿ ಇ.ಡಿ ಉಲ್ಲೇಖಿಸಿದೆ. ‘ಜಕರ್ತಾದ ಪಿಟಿ ಎಕ್ಸೆಲ್‌ ಮೆಜಿಂಡೊದ 2.45 ಲಕ್ಷ ಷೇರುಗಳ ಖರೀದಿಗೆ ₹41.57 ಲಕ್ಷ ಹಾಗೂ ಯು.ಎ.ಇಯ ಎಂ.ಎಸ್‌.ಯುನಿವರ್ಸಲ್‌ ಬಿಜಿನೆಸ್‌ ವೆಂಚರ್ಸ್‌ನಲ್ಲಿ ₹22.86 ಲಕ್ಷ ಹೂಡಿಕೆ ಮಾಡಿರುವುದು ತನಿಖೆ ವೇಳೆ ಬೆಳಕಿಗೆ ಬಂದಿದೆ.

‘ಯುನಿವರ್ಸಲ್‌ ಬಿಜಿನೆಸ್‌ ವೆಂಚರ್ಸ್‌ನಿಂದ ಪಡೆದ ₹7.05 ಕೋಟಿ ಲಾಭವನ್ನು ಸ್ವದೇಶಕ್ಕೆ ತರದೆ ವಿದೇಶದಲ್ಲೇ ಇರಿಸಿಕೊಂಡಿದ್ದರು. ಇದೇ ಕಂಪನಿಯ ಖಾತೆಯಲ್ಲಿದ್ದ ₹90.20 ಲಕ್ಷವನ್ನೂ ಸ್ವದೇಶಕ್ಕೆ ತರದೇ ವಿದೇಶದಲ್ಲೇ ಇರಿಸಲಾಗಿತ್ತು. ತಮಿಳುನಾಡಿನಲ್ಲಿ ಇರುವ ಜಮೀನು, ವಾಣಿಜ್ಯ ಹಾಗೂ ವಸತಿ ಕಟ್ಟಡಗಳು ಸೇರಿದಂತೆ ಸ್ಥಿರಾಸ್ತಿಗಳನ್ನು ಜಪ್ತಿ ಮಾಡಲಾಗಿದೆ. ಪ್ರಕರಣದ ಕುರಿತು ತನಿಖೆ ಮುಂದುವರಿದಿದೆ’ ಎಂದು ಇ.ಡಿ ತಿಳಿಸಿದೆ.