20 ಕೆ.ಜಿ ಆರ್‌ಡಿಎಕ್ಸ್ ಇದೆ, ಮೋದಿಯನ್ನು ಕೊಲ್ಲುತ್ತೇನೆ: ಎನ್‌ಐಎಗೆ ಇಮೇಲ್

ಪ್ರಧಾನಿ ಮೋದಿ ಜೊತೆ ಲಕ್ಷಾಂತರ ಜನರ ಜೀವ ತೆಗೆಯಲು ನಾನು ಸಿದ್ಧನಾಗಿದ್ದೇನೆ ಎಂದೂ ಮೇಲ್‌ನಲ್ಲಿ ಬೆದರಿಕೆ ಒಡ್ಡಲಾಗಿದೆ ಎಂದು ತಿಳಿದು ಬಂದಿದೆ.

‘ನಾನು ಕೆಲ ಭಯೋತ್ಪಾದಕರನ್ನು ಭೇಟಿಯಾಗಿದ್ದೆ. ಅವರು ಆರ್‌ಡಿಎಕ್ಸ್ ನೀಡುವ ಮೂಲಕ ನೆರವು ನೀಡುತ್ತಿದ್ದಾರೆ. ನನಗೆ ಸುಲಭವಾಗಿ ಬಾಂಬ್ ಸಿಕ್ಕಿದ್ದಕ್ಕೆ ಅತ್ಯಂತ ಸಂತೋಷವಾಗುತ್ತಿದೆ. ಈಗ ನಾನು ಎಲ್ಲ ಕಡೆ ಸ್ಫೋಟ ನಡೆಸುತ್ತೇನೆ. ಇದಕ್ಕಾಗಿ ತಯಾರಿ ಮಾಡಿಕೊಂಡಿದ್ದೇನೆ. 20 ಸ್ಲೀಪರ್ ಸೆಲ್‌ಗಳು ಕ್ರಿಯಾಶೀಲವಾಗಲಿವೆ. ಲಕ್ಷಾಂತರ ಜನರನ್ನು ಕೊಲ್ಲುತ್ತೇವೆ’ ಎಂದು ಇಮೇಲ್‌ನಲ್ಲಿ ಉಲ್ಲೇಖಿಸಲಾಗಿದೆ.

ಇಮೇಲ್ ಕಳುಹಿಸಿದವನನ್ನು ಪತ್ತೆ ಮಾಡಲು ಎನ್‌ಐಎ ಮತ್ತು ಇತರ ತನಿಖಾ ಸಂಸ್ಥೆಗಳು ಮುಂದಾಗಿವೆ. ಐಪಿ ಅಡ್ರೆಸ್ ಜಾಡು ಹಿಡಿದು ಮೇಲ್ ಕಳುಹಿಸಿದ ದುಷ್ಕರ್ಮಿಯ ವಿಳಾಸ ಪತ್ತೆ ಮಾಡಲಾಗುತ್ತಿದೆ.

ಬೆದರಿಕೆ ಇಮೇಲ್ ಕುರಿತಂತೆ ಎನ್‌ಐಎ ಈವರೆಗೆ ಯಾವುದೇ ಅಧಿಕೃತ ಹೇಳಿಕೆ ಬಿಡುಗಡೆ ಮಾಡಿಲ್ಲ.

ಇದನ್ನೂ ಓದಿ.. ಕರ್ನಾಟಕದಲ್ಲಿ ಕಾಂಗ್ರೆಸ್‌ 150 ಸ್ಥಾನ ಗೆಲ್ಲಬೇಕು: ರಾಹುಲ್‌ ಗಾಂಧಿ