ಜಮ್ಮು–ಕಾಶ್ಮೀರ: ₹28,400 ಕೋಟಿ ಮೌಲ್ಯದ ಕೈಗಾರಿಕಾಭಿವೃದ್ಧಿ ಯೋಜನೆ ಘೋಷಣೆ

‘ಭವಿಷ್ಯವನ್ನು ಗಮನದಲ್ಲಿ ಇರಿಸಿಕೊಂಡು ತೆಗೆದುಕೊಳ್ಳಲಾದ ಪ್ರಮುಖ ನಿರ್ಧಾರ ಇದಾಗಿದ್ದು, ಕೇಂದ್ರ ಸರ್ಕಾರವು ಜಮ್ಮು ಮತ್ತು ಕಾಶ್ಮೀರದ ನೂತನ ಐಡಿಎಸ್‌ಗೆ ಒಪ್ಪಿಗೆ ನೀಡಿದೆ. ಈ ಪ್ರದೇಶದ ಸಾಮಾಜಿಕ–ಆರ್ಥಿಕ ಅಭಿವೃದ್ಧಿಯ ಆಗಮನದ ಕಾಲವನ್ನು ಈ ಯೋಜನೆಯು ಸೂಚಿಸುತ್ತದೆ. ಈ ಯೋಜನೆಯು ಅಧಿಸೂಚನೆ ಪ್ರಕಟವಾದ ದಿನಾಂಕದಿಂದ 2037ರವರೆಗೆ ಇರಲಿದ್ದು, ಇದರ ಒಟ್ಟಾರೆ ವೆಚ್ಚ ₹28,400 ಕೋಟಿ’ ಎಂದು ಲೆಫ್ಟಿನೆಂಟ್‌ ಗವರ್ನರ್‌ ಮನೋಜ್‌ ಸಿನ್ಹಾ ಹೇಳಿದರು.

‘ಬ್ಲಾಕ್‌ ಮಟ್ಟಕ್ಕೂ ಅಭಿವೃದ್ಧಿಯನ್ನು ಹೊತ್ತೊಯ್ಯುತ್ತಿರುವ ಮೊದಲ ಕೈಗಾರಿಕಾ ಪ್ರೋತ್ಸಾಹ ಯೋಜನೆ ಇದಾಗಿದೆ. ಈ ಯೋಜನೆಯು ಕೇಂದ್ರಾಡಳಿತ ಪ್ರದೇಶದಲ್ಲಿ ಹೊಸ ಬಂಡವಾಳ ಹೂಡಿಕೆಯನ್ನು ಉತ್ತೇಜಿಸಲಿದ್ದು, ಪ್ರಸ್ತುತ ಇರುವ ಕೈಗಾರಿಕೆಗಳಿಗೂ ಪ್ರೋತ್ಸಾಹ ನೀಡಲಿದೆ. 4.5 ಲಕ್ಷ ಜನರಿಗೆ ಈ ಯೋಜನೆಯು ಉದ್ಯೋಗ ಸೃಷ್ಟಿಸಲಿದೆ’ ಎಂದರು.