ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಇಂಡೊ–ಪೆಸಿಫಿಕ್‌ ಪ್ರದೇಶದಲ್ಲಿ ಸ್ಥಿರತೆಗೆ ಭಾರತ ಪಾತ್ರ ಮಹತ್ವದ್ದು: ಜಸ್ಟರ್‌

Last Updated 5 ಜನವರಿ 2021, 14:35 IST
ಅಕ್ಷರ ಗಾತ್ರ

ನವದೆಹಲಿ: ಹಿಂದೂಮಹಾಸಾಗರ (ಇಂಡೊ)–‍ಪೆಸಿಫಿಕ್‌ ಪ್ರದೇಶದಲ್ಲಿ ಸ್ಥಿರತೆ ಬೇಕು. ಅಭಿವೃದ್ಧಿ, ಪ್ರಜಾತಂತ್ರ ಮೌಲ್ಯಗಳನ್ನಾಧರಿಸಿದ ಪ್ರಭುತ್ವದ ಅಗತ್ಯವೂ ಇದೆ. ಇದು ಸಾಕಾರಗೊಳ್ಳಲು ಭಾರತದ ಪಾತ್ರ ಮಹತ್ವದ್ದು ಎಂದು ಭಾರತದಲ್ಲಿ ಅಮೆರಿಕದ ರಾಯಭಾರಿ ಕೆನ್ನೆತ್‌ ಜಸ್ಟರ್‌ ಪ್ರತಿಪಾದಿಸಿದ್ದಾರೆ.

ರಾಯಭಾರಿ ಹುದ್ದೆಯಿಂದ ನಿರ್ಗಮಿಸಲಿರುವ ಅವರು, ಬೀಳ್ಕೊಡುಗೆ ಹಿನ್ನೆಲೆಯಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಮಾತನಾಡಿ, ‘ಇಂಡೊ–ಪೆಸಿಫಿಕ್‌ ಪ್ರದೇಶದ ವ್ಯಾಪ್ತಿಯ ದೇಶಗಳ ಅಭಿವೃದ್ಧಿ ದೃಷ್ಟಿಯಿಂದ ಹೊಸ ಮಾರ್ಗಸೂಚಿಗಳ ಅವಶ್ಯಕತೆ ಇದೆ’ ಎಂದರು.

ಅವರು ಭಾರತದಲ್ಲಿ ರಾಯಭಾರಿಯಾಗಿ 2017ರ ನವೆಂಬರ್‌ 3ರಂದು ನೇಮಕಗೊಂಡಿದ್ದರು.

‘ಭಾರತ ಮತ್ತು ಅಮೆರಿಕದ ನಡುವಿನ ದ್ವಿಪಕ್ಷೀಯ ಸಂಬಂಧ ವಿಶಾಲ ತಳಹದಿ ಮೇಲೆ ನಿಂತಿದೆ. ದೃಢವೂ ಇದೆ. ವಿಶ್ವದಲ್ಲಿ ಬೇರೆ ಯಾವ ದೇಶಗಳ ನಡುವೆಯೂ ಇಂಥ ದ್ವಿಪಕ್ಷೀಯ ಸಂಬಂಧ ಇಲ್ಲ’ ಎಂದೂ ಹೇಳಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT