ನವದೆಹಲಿ: ವಿಶ್ವವಿದ್ಯಾಲಯಗಳಲ್ಲಿನ ಸಹಾಯಕಪ್ರಾಧ್ಯಾಪಕರ ನೇರ ನೇಮಕಾತಿಯ ಅರ್ಹತೆಗಾಗಿ ನಿಗದಿ ಪಡಿಸಲಾಗಿದ್ದ ಪಿಎಚ್‌.ಡಿ ಕಡ್ಡಾಯ ಮಾನದಂಡ ಅನ್ವಯವಾಗುವ ದಿನಾಂಕವನ್ನು ವಿಶ್ವವಿದ್ಯಾಲಯ ಧನಸಹಾಯ ಆಯೋಗ (ಯುಜಿಸಿ) ಎರಡು ವರ್ಷಗಳವರೆಗೆ ವಿಸ್ತರಿಸಿದೆ.
ಕೋವಿಡ್‌ ಪಿಡುಗನ್ನು ಗಮನದಲ್ಲಿಟ್ಟುಕೊಂಡು ಯುಜಿಸಿ ಈ ನಿರ್ಧಾರ ತೆಗೆದುಕೊಂಡಿದೆ.
ವಿಶ್ವವಿದ್ಯಾಲಯಗಳ ವಿಭಾಗಗಳಲ್ಲಿನ ಸಹಾಯಕ ಪ್ರಾಧ್ಯಾಪಕರ ನೇರ ನೇಮಕಾತಿಗೆ 2021ರ ಜುಲೈ 1ರಿಂದ ಪಿಎಚ್‌.ಡಿ ಅನ್ನು ಕಡ್ಡಾಯಗೊಳಿಸಲಾಗಿತ್ತು. ಈ ನಿಯಮ ಜಾರಿಯನ್ನು 2023ರ ಜುಲೈ 1ರವರೆಗೆ ಮುಂದೂಡಿರುವುದಾಗಿ ಯುಜಿಸಿ ಪ್ರಕಟಣೆ ಮಂಗಳವಾರ ತಿಳಿಸಿದೆ.
