ಮೋದಿ ಪ್ರೊಫೈಲ್ ಚಿತ್ರವಾಗಿ ತಿರಂಗ: ಪ್ರತಿಯೊಬ್ಬರೂ ಅನುಕರಿಸುವಂತೆ ಪ್ರಧಾನಿ ಮನವಿ

ಇದನ್ನೂ ಓದಿ:ಆ. 2-15ರ ವರೆಗೆ ಪ್ರೊಫೈಲ್ ಚಿತ್ರವಾಗಿ ತಿರಂಗ ಬಳಸಿ: ಮನ್‌ ಕಿ ಬಾತ್‌ನಲ್ಲಿ ಮೋದಿ

ಈ ಬಗ್ಗೆ ಅವರು ಟ್ವೀಟ್‌ ಮಾಡಿದ್ದಾರೆ. ‘ಇಂದು ಆಗಸ್ಟ್ 2ರ ವಿಶೇಷ. ನಾವು ಸ್ವಾತಂತ್ರ್ಯೋತ್ಸವದ ಅಮೃತ ಮಹೋತ್ಸವವನ್ನು ಆಚರಿಸುತ್ತಿದ್ದೇವೆ. ಈ ಸಮಯದಲ್ಲಿ ರಾಷ್ಟ್ರವು ನಮ್ಮ ತ್ರಿವರ್ಣ ಧ್ವಜವನ್ನು ಸಂಭ್ರಮಿಸುವ ಸಾಮೂಹಿಕ ಆಂದೋಲನವಾದ ‘ಪ್ರತಿ ಮನೆಯಲ್ಲೂ ತಿರಂಗ (ಹರ್‌ಘರ್‌ ತಿರಂಗ)’ಕ್ಕೆ ಸಿದ್ಧವಾಗಿದೆ. ನಾನು ನನ್ನ ಸಾಮಾಜಿಕ ಮಾಧ್ಯಮ ಖಾತೆಗಳ ಚಿತ್ರವನ್ನು ಬದಲಾಯಿಸಿದ್ದೇನೆ. ನೀವೂ ಹೀಗೇ ಮಾಡಬೇಕು ಎಂದು ನಾನು ಆಗ್ರಹಿಸುತ್ತೇನೆ’ ಎಂದು ಪ್ರಧಾನಿ ನರೇಂದ್ರ ಮೋದಿ ಬರೆದುಕೊಂಡಿದ್ದಾರೆ.

ಕಳೆದ ಭಾನುವಾರ ಮಾಸಿಕ ‘ಮನ್‌ ಕಿ ಬಾತ್‌’ನಲ್ಲಿ ಮಾತನಾಡಿದ್ದ ನರೇಂದ್ರ ಮೋದಿ ಅವರು ಆ. 2ರಿಂದ 15ರ ವರೆಗೆ ದೇಶದ ನಾಗರಿಕರೆಲ್ಲರೂ ತಮ್ಮ ಸಾಮಾಜಿಕ ಮಾಧ್ಯಮಗಳ ಖಾತೆಗಳ ಚಿತ್ರವಾಗಿ ತಿರಂಗವನ್ನು ಬಳಸಬೇಕಾಗಿ ಕೋರಿದ್ದರು.