ಮಾದಕದ್ರವ್ಯ ಪೂರೈಕೆ: ರಾಜ್ಯದ ಸಂಗೀತಗಾರರು, ನಟರ ಮೇಲೆ ನಿಗಾ

‘ಬೆಂಗಳೂರಿನ ಕಲ್ಯಾಣನಗರದ ರಾಯಲ್ ಸೂಟ್ಸ್‌ ಅಪಾರ್ಟ್‌ಮೆಂಟ್‌ ಮೇಲೆ ಆಗಸ್ಟ್‌ 21ರಂದು ದಾಳಿ ನಡೆಸಿದಾಗ ₹ 2.20 ಕೋಟಿ ಮೌಲ್ಯದ 145 ಎಂಡಿಎಂಎ ಪಿಲ್‌ಗಳನ್ನು ವಶಪಡಿಸಿಕೊಳ್ಳಲಾಗಿತ್ತು. ನಂತರ, ಈ ಮಾದಕದ್ರವ್ಯ ಪೂರೈಕೆ ಜಾಲದ ಸೂತ್ರಧಾರಿ ಮಹಿಳೆಗೆ ಸೇರಿದ, ದೊಡ್ಡಗುಬ್ಬಿಯಲ್ಲಿನ ಮನೆ ಮೇಲೆ ದಾಳಿ ನಡೆಸಿ 270 ಪಿಲ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ’ ಎಂದು ಎನ್‌ಸಿಬಿ ಉಪನಿರ್ದೇಶಕ ಕೆ.ಪಿ.ಎಸ್‌.ಮಲ್ಹೋತ್ರಾ ತಿಳಿಸಿದ್ದಾರೆ.

‘ಪ್ರಕರಣದ ಸಂಬಂಧ ಮೂವರನ್ನು ಬಂಧಿಸಲಾಗಿದೆ. ವಿಚಾರಣೆಗೆ ಒಳಪಡಿಸಿದಾಗ, ಪ್ರಮುಖ ಸಂಗೀತಗಾರರು, ನಟರಿಗೆ ಈ ಮಾದಕದ್ರವ್ಯ ಪೂರೈಕೆ ಮಾಡುತ್ತಿರುವುದಾಗಿ ಆರೋಪಿಗಳು ತಿಳಿಸಿದ್ದು, ತನಿಖೆ ನಡೆಯುತ್ತಿದೆ’ ಎಂದು ಅವರು ತಿಳಿಸಿದ್ದಾರೆ.