ಅಮರಾವತಿ, ಆಂಧ್ರಪ್ರದೇಶ: ನಗರದಲ್ಲಿರುವ ವೆಲ್ಲೂರು ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ವಿಐಟಿ) ವಿಶ್ವವಿದ್ಯಾಲಯದ ಬಿ.ಟೆಕ್ (ಸಿಎಸ್ಇ) ವಿದ್ಯಾರ್ಥಿ ಸುಧಾಂಶು ದೊಡ್ಡಿ ಅವರು ಇತ್ತೀಚೆಗೆ ನಡೆದ ಅಂತರರಾಷ್ಟ್ರೀಯ ಕ್ಯಾಂಪಸ್ ಸಂದರ್ಶನದಲ್ಲಿ ಅಮೆರಿಕ ಮೂಲದ ಪ್ರತಿಷ್ಠಿತ ಕಂಪನಿಗೆ ಆಯ್ಕೆಯಾಗಿದ್ದಾರೆ.
‘ಅನಲಿಟಿಕ್ಸ್ ಕ್ಷೇತ್ರದಲ್ಲಿ ಜಾಗತಿಕವಾಗಿ ಮುಂಚೂಣಿಯಲ್ಲಿರುವ ಈ ಕಂಪನಿಯು ಸಂಸ್ಥೆಯ ವಿದ್ಯಾರ್ಥಿ ಸುಧಾಂಶು ಅವರಿಗೆ ವಾರ್ಷಿಕ ₹ 63 ಲಕ್ಷ ವೇತನ ನಿಗದಿ ಮಾಡಿದೆ’ ಎಂದು ವಿಐಟಿ ವಿ.ವಿ ಪ್ರಕಟಣೆ ತಿಳಿಸಿದೆ.
ಸಂಸ್ಥೆಯಲ್ಲಿ ಇತ್ತೀಚೆಗೆ ಕಾರ್ಯಕ್ರಮದಲ್ಲಿ ವಿ.ವಿಸಂಸ್ಥಾಪಕ ಮತ್ತು ಕುಲಾಧಿಪತಿ ಡಾ.ಜಿ.ವಿಶ್ವನಾಥನ್, ಕುಲಪತಿ ಡಾ.ಎಸ್.ವಿ.ಕೋಟಾರೆಡ್ಡಿ, ಕೆರಿಯರ್ ಡೆವಲೆಪ್ಮೆಂಟ್ ಸೆಂಟರ್ನ ನಿರ್ದೇಶಕ ಡಾ.ವಿ.ಸಾಮ್ಯುಯೆಲ್ ರಾಜಕುಮಾರ್ ಅವರು ಸುಧಾಂಶು ದೊಡ್ಡಿ ಅವರನ್ನು ಸನ್ಮಾನಿಸಿದರು.