ಗುರುವಾರ , ನವೆಂಬರ್ 26, 2020
19 °C
ಜಂಟಿ ಸಂಸದೀಯ ಸಮಿತಿ ಅಧ್ಯಕ್ಷೆ ಹೇಳಿಕೆ

ಚೀನಾದ ಭಾಗವಾಗಿ ಲಡಾಖ್‌: ಟ್ವಿಟರ್‌ ಸ್ಪಷ್ಟನೆ ಅಸಮರ್ಪಕ ಎಂದ ಮೀನಾಕ್ಷಿ ಲೇಖಿ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ‘ಭಾರತದ ಲಡಾಖ್‌ ಪ್ರದೇಶವನ್ನು ಚೀನಾದ ಭಾಗವಾಗಿ ತೋರಿಸಿರುವುದಕ್ಕೆ ಜಂಟಿ ಸಂಸದೀಯ ಸಮಿತಿಯ ಮುಂದೆ ಟ್ವಿಟರ್‌ ನೀಡಿದ ವಿವರಣೆ ಅಸಮರ್ಪಕವಾಗಿತ್ತು. ಇಂಥ ನಡೆಯು ಅಪರಾಧವಾಗಿದ್ದು ಏಳು ವರ್ಷಗಳ ಜೈಲು ಶಿಕ್ಷೆಯನ್ನೂ ವಿಧಿಸಬಹುದಾಗಿದೆ’ ಎಂದು ಸಮಿತಿಯ ಅಧ್ಯಕ್ಷೆ ಮೀನಾಕ್ಷಿ ಲೇಖಿ ಬುಧವಾರ ಹೇಳಿದರು.

ಲಡಾಖ್‌ ಅನ್ನು ಚೀನಾ ಭಾಗವಾಗಿ ತೋರಿಸಿರುವುದರ ಕುರಿತಂತೆ ದತ್ತಾಂಶ ರಕ್ಷಣೆ ಮಸೂದೆ, 2019ರ ಜಂಟಿ ಸಂಸತ್‌ ಸಮಿತಿಯ ಸದಸ್ಯರು ಟ್ವಿಟರ್‌ ಪ್ರತಿನಿಧಿಗಳನ್ನು ಬುಧವಾರ ಪ್ರಶ್ನಿಸಿದರು. ‘ಟ್ವಿಟರ್‌ ಪ್ರತಿಕ್ರಿಯೆಯು ಅಸಮರ್ಪಕ ಎಂದು ಸಮಿತಿಯು ಸರ್ವಾನುಮತದ ಅಭಿಪ್ರಾಯವನ್ನು ಹೊಂದಿದೆ’ ಎಂದು ಲೇಖಿ ತಿಳಿಸಿದರು.

‘ಇದು ಸೂಕ್ಷ್ಮತೆಯ ಪ್ರಶ್ನೆಯಷ್ಟೇ ಅಲ್ಲ. ಇದು ಭಾರತದ ಸಾರ್ವಭೌಮತ್ವ ಹಾಗೂ ಸಮಗ್ರತೆಯ ವಿಷಯ. ಲಡಾಖ್‌ ಅನ್ನು ಚೀನಾದ ಭಾಗವಾಗಿ ತೋರಿಸುವುದು ಅಪರಾಧ’ ಎಂದರು.

ಟ್ವಿಟರ್‌ ಇಂಡಿಯಾ ಪರವಾಗಿ ಸಾರ್ವಜನಿಕ ನೀತಿ ವಿಭಾಗದ ಹಿರಿಯ ವ್ಯವಸ್ಥಾಪಕ ಶಾಗುಫ್ತಾ ಕಮ್ರನ್‌, ಕಾನೂನು ಸಲಹೆಗಾರರಾದ ಆಯುಷಿ ಕಪೂರ್‌ ಸೇರಿದಂತೆ ಇತರೆ ಅಧಿಕಾರಿಗಳಿದ್ದರು. ಮಾಹಿತಿ ತಂತ್ರಜ್ಞಾನ ಸಚಿವಾಲಯ, ಕಾನೂನು ಸಚಿವಾಲಯದ ಅಧಿಕಾರಿಗಳು ಸಭೆಯಲ್ಲಿ ಉಪಸ್ಥಿತರಿದ್ದರು.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು