ಚೆನ್ನೈ: ಪಿಎಂಕೆ ಮಾತೃ ಸಂಸ್ಥೆಯಾದ ವಣ್ಣಿಯಾರ್‌ ಸಂಗಮ್‌ ಸಂಸ್ಥೆಯು ‘ಜೈ ಭೀಮ್‌’ ಚಿತ್ರದ ನಾಯಕ ಸೂರ್ಯ ಮತ್ತು ಇತರರ ವಿರುದ್ಧ ನ್ಯಾಯಾಲಯದ ಮೆಟ್ಟಿಲೇರಿದೆ.
ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದಿರುವ ಈ ಚಿತ್ರದಲ್ಲಿ ವಣ್ಣಿಯಾರ್‌ ಸಮುದಾಯವನ್ನು ಉದ್ದೇಶಪೂರ್ವಕವಾಗಿ ಅವಮಾನಿಸಲಾಗಿದೆ. ಆದ್ದರಿಂದ ಚಿತ್ರದ ನಾಯಕ ನಟ ಸೂರ್ಯ ಮತ್ತು ಇತರರ ವಿರುದ್ಧ ವಿವಿಧ ಐಪಿಸಿ ಸೆಕ್ಷನ್‌ಗಳಡಿ ಪ್ರಕರಣ ದಾಖಲಿಸಬೇಕು ಎಂದು ಸಂಸ್ಥೆಯು ಮಂಗಳವಾರ ಕಡಲೂರು ಜಿಲ್ಲೆಯ ಸ್ಥಳೀಯ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದೆ.
