ರಸ್ತೆ ಗುಂಡಿಗಳ ನಡುವೆ ವಧು ಫೋಟೊಶೂಟ್: ವೈರಲ್ ವಿಡಿಯೊ

ರಸ್ತೆಯಲ್ಲಿರುವ ಗುಂಡಿಗಳ ಬಳಿ ನಿಂತು ವಧು ಫೋಟೊಶೂಟ್ ಮಾಡಿಸಿಕೊಳ್ಳುತ್ತಿರುವ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಕೆಂಪು ಸೀರೆಯುಟ್ಟ ವಧು ನೀರು ತುಂಬಿದ ರಸ್ತೆ ಗುಂಡಿಗಳ ಪಕ್ಕದಲ್ಲಿ ನಡೆಯುತ್ತಾ ಬರುತ್ತಿದ್ದಾರೆ. ಛಾಯಾಗ್ರಾಹಕರು ಗುಂಡಿಗಳನ್ನೂ ಹೈಲೆಟ್ ಮಾಡಿ ಫೋಟೊಗಳನ್ನು ಕ್ಲಿಕ್ಕಿಸಿದ್ದಾರೆ. ಅಕ್ಕಪಕ್ಕ ಹೋಗುತ್ತಿದ್ದ ವಾಹನ ಸವಾರರು ಸಹ ಪರದಾಡುತ್ತಾ ಸಂಚರಿಸುತ್ತಿರುವುದು ಕಂಡುಬಂದಿದೆ.

ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಈ ವಿಡಿಯೊ 43 ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡಿದ್ದು, 3.7 ಲಕ್ಷಕ್ಕೂ ಅಧಿಕ ಲೈಕ್ಸ್ ಬಂದಿದೆ.

ವಧುವಿನ ಸೃಜನಶೀಲತೆ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಅನೇಕ ಸಾಮಾಜಿಕ ಮಾಧ್ಯಮ ಬಳಕೆದಾರರು ಕೇರಳದ ರಸ್ತೆ ಪರಿಸ್ಥಿತಿಗಳನ್ನು ಗೇಲಿ ಮಾಡಿದ್ದಾರೆ. ಒಬ್ಬ ಬಳಕೆದಾರ ‘ಈ ಫೋಟೊಶೂಟ್ ರಸ್ತೆಯಲ್ಲಿ ಅಲ್ಲ ಕೊಳದಲ್ಲಿ ನಡೆಯುತ್ತಿದೆ’ಎಂದು ಬರೆದಿದ್ದಾರೆ. ಮತ್ತೊಬ್ಬರು, ‘ಒಳ್ಳೆ ರಸ್ತೆ’ಎಂದು ಬರೆದಿದ್ಧಾರೆ. ಮಗದೊಬ್ಬರು, ‘ಇದು ರಸ್ತೆಯೇ? ನೀವು ಮೀನಿನ ಮರಿಗಳನ್ನು ಖರೀದಿಸಿದರೆ, ಇಲ್ಲಿ ಮೀನು ಸಾಕಾಣಿಕೆಯನ್ನು ಪ್ರಾರಂಭಿಸಬಹುದು’ಎಂದು ಕಾಮೆಂಟ್ ಮಾಡಿದ್ದಾರೆ.