ಕೋವಿಡ್ ಪ್ರಥಮ ಪ್ರಕರಣ ವರದಿಯಾಗುತ್ತಿದ್ದಂತೆ ಸೋಂಕು ಶಂಕಿತರು ಹಾಗೂ ಸಂಪರ್ಕಿತರಿಗೆ ಪ್ರತ್ಯೇಕ ವಾಸಕ್ಕೆ ಸರ್ಕಾರವು ಇಲ್ಲಿ ವ್ಯವಸ್ಥೆ ಮಾಡಿತ್ತು. ಪ್ರಕರಣಗಳ ಸಂಖ್ಯೆ ಹೆಚ್ಚುತ್ತಿದ್ದಂತೆ 825 ಹಾಸಿಗೆಗಳ ಸಂಸ್ಥೆಯಲ್ಲಿ, ಮೊದಲು 200ಕ್ಕೂ ಅಧಿಕ ಹಾಸಿಗೆಗ
ಳನ್ನು ಚಿಕಿತ್ಸೆಗೆ ಗುರುತಿಸಲಾಗಿತ್ತು. ಸರ್ಕಾರ ಶಿಫಾರಸು ಆಧಾರದಲ್ಲಿ ಹಣ ಪಾವತಿಸುವ ಬಗ್ಗೆ ಆದೇಶ ಹೊರಡಿಸಿತ್ತು. ಪ್ರಕರಣ ಏರಿಕೆ ಕಂಡ ಬಳಿಕ, ಅಲ್ಲಿನ ಎಲ್ಲ 825 ಹಾಸಿಗೆಗಳನ್ನು ಕೋವಿಡ್ ಚಿಕಿತ್ಸೆಗೆ ಮೀಸಲಿರಿಸಿ, ಸರ್ಕಾರಿ ಆಸ್ಪತ್ರೆಗಳಿಗೆ ಬಂದವರನ್ನು ಶಿಫಾರಸು
ಆಧಾರದಲ್ಲಿಅಲ್ಲಿಗೆ ಸ್ಥಳಾಂತರ ಮಾಡಲಾಗಿತ್ತು. ವಿದೇಶಿಗಳಿಂದ ಬಂದು ಸೋಂಕಿತರಾದ ಹೆಚ್ಚಿನವರಿಗೆ ಅಲ್ಲಿಯೇ ಚಿಕಿತ್ಸೆ ಒದಗಿಸಲಾಗಿದೆ. ಕೆಲವರು ನೇರವಾಗಿ ದಾಖಲಾಗಿಯೂ ಕೋವಿಡ್ ಚಿಕಿತ್ಸೆ ಪಡೆದಿದ್ದಾರೆ.