ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, 2022–23ನೇ ಸಾಲಿನಲ್ಲಿ ಅಭಿವೃದ್ಧಿಗೆ ಆಯ್ದುಕೊಂಡ ರಾಜ್ಯದ ಹೆದ್ದಾರಿ ವಿವರಗಳನ್ನು ನೀಡಿದ್ದಾರೆ. ₹653 ಕೋಟಿ ವೆಚ್ಚದಲ್ಲಿ ಎನ್‌ಎಚ್‌–69, ಬೆಂಗಳೂರು–ಚಿತ್ತೂರು ಮಾರ್ಗವನ್ನು(ಈ ಹಿಂದಿನ ಎನ್‌ಎಚ್‌–206) 4 ಪಥದ ರಸ್ತೆಯಾಗಿ ಅಭಿವೃದ್ಧಿಗೊಳಿಸಲಾಗುವುದು ಎಂದು ಹೇಳಿದ್ದಾರೆ.

2022–23ನೇ ಸಾಲಿನಲ್ಲಿ ಎಕ್ಸ್‌ಪ್ರೆಸ್‌ ಕಾರಿಡಾರ್‌ ಮಾದರಿ ಅಡಿಯಲ್ಲಿ 6.910 ಕಿಲೋಮೀಟರ್‌ ಉದ್ದದ ರಸ್ತೆ ಅಭಿವೃದ್ಧಿಗೆ ಹೆದ್ದಾರಿ ಸಚಿವಾಲಯ ಮುಂದಾಗಿದೆ.

ಇದೇ ಮಾರ್ಗದಲ್ಲಿ ₹198.38 ಕೋಟಿ ವೆಚ್ಚದಲ್ಲಿ ಹೊಸೂರು ಮತ್ತು ತಾಳಗುಪ್ಪಗಳಲ್ಲಿ ರಸ್ತೆ ಮೇಲು ಸೇತುವೆ ನಿರ್ಮಿಸಲಿದೆ.
ಸಿಂದಿಗೇರಿ–ಬಳ್ಳಾರಿ ರಸ್ತೆ ಅಗಲೀಕರಣಕ್ಕೂ ₹120.5 ಕೋಟಿ ಮೀಸಲಿಟ್ಟಿದೆ. ಎನ್‌–150ಎ ಮಾರ್ಗದಲ್ಲಿ 19.8 ಕಿಲೋಮೀಟರ್‌ ರಸ್ತೆ ವಿಸ್ತರಣೆಯಾಗಲಿದೆ ಎಂದು ಗಡ್ಕರಿ ತಿಳಿಸಿದ್ದಾರೆ.

₹142 ಕೋಟಿ ವೆಚ್ಚದಲ್ಲಿ ರಾಯಚೂರು ಜಿಲ್ಲೆಯ ವೆಂಕಟೇಶ್ವರ ಕ್ಯಾಂಪ್‌ನಿಂದ ದಡೆಸುಗರು ಕ್ಯಾಂಪ್‌ ರಸ್ತೆ ಅಭಿವೃದ್ಧಿಗೂ ಹೆದ್ದಾರಿ ಸಚಿವಾಲಯ ಮುಂದಾಗಿದೆ.