ರಾಠೋಡ್ ಪ್ರಕರಣ ನೀತಿ ನಿರೂಪಣಾ ಸಮಿತಿಗೆ

ಶುಕ್ರವಾರ ಪ್ರಶ್ನೊತ್ತರ ಕಲಾಪದ ಅವಧಿಯಲ್ಲಿ ರಾಠೋಡ್‌ ಅವರು ಮೊಬೈಲ್‌ ಗ್ಯಾಲರಿಯನ್ನು ನೋಡುತ್ತಿದ್ದ ದೃಶ್ಯ ಸುದ್ದಿ ವಾಹಿನಿಗಳ ಕ್ಯಾಮೆರಾಗಳಲ್ಲಿ ಸೆರೆಯಾಗಿತ್ತು. ‘ಪ್ರಕಾಶ್‌ ರಾಠೋಡ್‌ ಅಶ್ಲೀಲ ಚಿತ್ರ ವೀಕ್ಷಿಸುತ್ತಿದ್ದರು’ ಎಂದು ವರದಿಯೂ ಆಗಿತ್ತು. ಅದನ್ನು ರಾಠೋಡ್‌ ಅಲ್ಲಗಳೆದಿದ್ದರು.

ಸೋಮವಾರ ಕಲಾಪ ಆರಂಭವಾಗುತ್ತಿದ್ದಂತೆಯೇ ಈ ವಿಷಯ ಪ್ರಸ್ತಾಪಿಸಿದ ಸಭಾಪತಿ ಕೆ. ಪ್ರತಾಪಚಂದ್ರ ಶೆಟ್ಟಿ, ‘ಶುಕ್ರವಾರ ಸದಸ್ಯರೊಬ್ಬರು ಮೊಬೈಲ್‌ನಲ್ಲಿ ಆಕ್ಷೇಪಾರ್ಹ ವಿಡಿಯೊ ನೋಡುತ್ತಿದ್ದರು ಎಂದು ಮಾಧ್ಯಮಗಳಲ್ಲಿ ವರದಿಯಾಗಿದೆ. ಈ ಕುರಿತು ಸತ್ಯಾಸತ್ಯತೆಯನ್ನು ಪರಿಶೀಲಿಸಬೇಕಿದೆ. ಅದಕ್ಕಾಗಿ ಪ್ರಕರಣವನ್ನು ಸದನದ ನೀತಿ ನಿರೂಪಣಾ ಸಮಿತಿಗೆ ವರ್ಗಾಯಿಸಿದ್ದೇನೆ’ ಎಂದು ಪ್ರಕಟಿಸಿದರು.